IPL 2023: ಈ ಬಾರಿ ಐಪಿಎಲ್​ನಲ್ಲಿ ಆಡಲಿದ್ದಾರೆ ಮೂವರು ಪಾಕ್​ ಮೂಲದ ಕ್ರಿಕೆಟಿಗರು!

ಐಪಿಎಲ್ ಕ್ರಿಕೆಟ್ ಇತಿಹಾಸದಲ್ಲಿ ಒಂದು ಸಂಚಲನ. ಈ ಲೀಗ್ ದೊಡ್ಡ ಯಶಸ್ಸಿನ ನಂತರ, ಅನೇಕ ದೇಶಗಳಲ್ಲಿ ಹೊಸ ಲೀಗ್‌ಗಳು ಹುಟ್ಟಿಕೊಂಡವು. ಆದರೆ, ಅವರಿಗೆ ಐಪಿಎಲ್ ಮಟ್ಟದಲ್ಲಿ ಮನರಂಜನೆ ನೀಡಲು ಸಾಧ್ಯವಾಗಲಿಲ್ಲ. IPL 2023 ಕೆಲವೇ ತಿಂಗಳುಗಳಲ್ಲಿ ಪ್ರಾರಂಭವಾಗಲಿದೆ. ಹತ್ತು ತಂಡಗಳು ಸ್ಪರ್ಧಿಸುವ ಈ ಸೀಸನ್ ಸಂಪೂರ್ಣವಾಗಿ ಭಾರತದಲ್ಲಿ ನಡೆಯಲಿದೆ.

ಇತ್ತೀಚೆಗೆ ಕೊಚ್ಚಿಯಲ್ಲಿ ಐಪಿಎಲ್ 2023 ಟೂರ್ನಿಯ ಆಟಗಾರರ ಹರಾಜು ಪ್ರಕ್ರಿಯೆ ಮುಗಿದಿದ್ದು ಗೊತ್ತೇ ಇದೆ. ಈ ಹರಾಜಿನಲ್ಲಿ ಒಟ್ಟು 80 ಆಟಗಾರರು ಮಾರಾಟವಾಗಿದ್ದಾರೆ. ಒಟ್ಟು 243 ಆಟಗಾರರು 2023ರ ಐಪಿಎಲ್‌ಗೆ ಒಪ್ಪಂದ ಮಾಡಿಕೊಂಡಿದ್ದಾರೆ.

ಮೊದಲ ಬಾರಿಗೆ ನಮೀಬಿಯಾ ಮತ್ತು ಐರ್ಲೆಂಡ್‌ನ ಆಟಗಾರರು ಐಪಿಎಲ್ ಲೀಗ್‌ನಲ್ಲಿ ತಮ್ಮ ಪ್ರತಿಭೆಯನ್ನು ಪ್ರದರ್ಶಿಸಲಿದ್ದಾರೆ. ಕೆಲವು ಕಾರಣಗಳಿಂದಾಗಿ ಪಾಕಿಸ್ತಾನಿ ಆಟಗಾರರಿಗೆ ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಭಾಗವಹಿಸಲು ಅವಕಾಶವಿಲ್ಲ. ಆದಾಗ್ಯೂ, 2023 ರಲ್ಲಿ ಐಪಿಎಲ್ ಒಪ್ಪಂದದಡಿಯಲ್ಲಿ 243 ಆಟಗಾರರ ಪೈಕಿ ಪಾಕಿಸ್ತಾನಿ ಮೂಲದ ಮೂವರು ಆಟಗಾರರಿದ್ದಾರೆ.

ಆದಿಲ್ ರಶೀದ್: ಈ ವರ್ಷ ಇಂಗ್ಲೆಂಡ್ ಟಿ20 ವಿಶ್ವಕಪ್ ಗೆಲ್ಲುವಲ್ಲಿ ಆದಿಲ್ ರಶೀದ್ ಪ್ರಮುಖ ಪಾತ್ರ ವಹಿಸಿದ್ದರು. ಪಾಕಿಸ್ತಾನ ಮೂಲದ ಇಂಗ್ಲೆಂಡ್ ಸ್ಪಿನ್ನರ್‌ಗೆ ಹಿಂದಿನ ಐಪಿಎಲ್ ಮೆಗಾ ಹರಾಜಿನಲ್ಲಿ ಅವಕಾಶ ಸಿಕ್ಕಿರಲಿಲ್ಲ. ಅವರನ್ನು 2023ರ ಋತುವಿಗಾಗಿ ಸನ್‌ರೈಸರ್ಸ್ ಹೈದರಾಬಾದ್ (SRH) ಖರೀದಿಸಿದೆ.

SRH ಅವರಿಗೆ 2 ಕೋಟಿ ರೂ ಮೂಲ ಬೆಲೆಗೆ ಸಹಿ ಹಾಕಿದೆ. ಮುಂಬರುವ ಋತುವಿನಲ್ಲಿ ರಶೀದ್ SRH ಸ್ಪಿನ್ ವಿಭಾಗವನ್ನು ಮುನ್ನಡೆಸುವ ಸಾಧ್ಯತೆಯಿದೆ. ತಂಡದ ಸ್ಪಿನ್ ದಾಳಿಯಲ್ಲಿ ಅವರಿಗೆ ಮಯಾಂಕ್ ಮಾರ್ಕಾಂಡೆ, ಅಕೀಲ್ ಹೊಸೈನ್, ಅಬ್ದುಲ್ ಸಮದ್, ವಾಷಿಂಗ್ಟನ್ ಸುಂದರ್ ಮತ್ತು ಅಭಿಷೇಕ್ ಶರ್ಮಾ ಬೆಂಬಲ ನೀಡಲಿದ್ದಾರೆ.

ಸಿಕಂದರ್ ರಜಾ: ಸಿಕಂದರ್ ರಜಾ ಪಾಕಿಸ್ತಾನದ ಸಿಯಾಲ್‌ಕೋಟ್‌ನಲ್ಲಿ ಜನಿಸಿದರು. ಇತ್ತೀಚೆಗೆ ಮುಕ್ತಾಯಗೊಂಡ ಐಪಿಎಲ್ ಹರಾಜಿನಲ್ಲಿ ಅವರನ್ನು ಪಂಜಾಬ್ ಕಿಂಗ್ಸ್ ಖರೀದಿಸಿದೆ. ಸಿಕಂದರ್ ರಾಜಾ ಮೊದಲ ಬಾರಿಗೆ ಐಪಿಎಲ್ ಆಡಲಿದ್ದಾರೆ. ಈ ಜಿಂಬಾಬ್ವೆ ತಂಡದ ಆಲ್ ರೌಂಡರ್ ಅವರನ್ನು ಪಂಜಾಬ್ ಕಿಂಗ್ಸ್ ರೂ.50 ಲಕ್ಷಕ್ಕೆ ಖರೀದಿಸಿದೆ.

ಟಿ20 ಕ್ರಿಕೆಟ್‌ನಲ್ಲಿ ಸಿಕಂದರ್ ರಾಜಾ ಅವರ ಅಂಕಿಅಂಶಗಳನ್ನು ಗಮನಿಸಿದರೆ, ಅವರು ಒಟ್ಟು 158 ಪಂದ್ಯಗಳನ್ನು ಆಡಿದ್ದಾರೆ. ಅವರು 129.81 ಸ್ಟ್ರೈಕ್ ರೇಟ್‌ನಲ್ಲಿ 3,109 ರನ್ ಗಳಿಸಿದ್ದಾರೆ. ಅವರು 19 ಟಿ20 ಅರ್ಧಶತಕಗಳನ್ನು ಗಳಿಸಿದ್ದಾರೆ. ಬೌಲಿಂಗ್ ವಿಭಾಗದಲ್ಲಿ ರಾಝಾ 7.34 ಎಕಾನಮಿ ರೇಟ್‌ನೊಂದಿಗೆ 79 ವಿಕೆಟ್‌ಗಳನ್ನು kಬಳಿಸಿದ್ದಾರೆ. ರಾಜಾ ಈ ಹಿಂದೆ ಕೆರಿಬಿಯನ್ ಪ್ರೀಮಿಯರ್ ಲೀಗ್, ಪಾಕಿಸ್ತಾನ್ ಸೂಪರ್ ಲೀಗ್, ಮಜಾನ್ಸಿ ಸೂಪರ್ ಲೀಗ್ ಮತ್ತು ಬಾಂಗ್ಲಾದೇಶ ಪ್ರೀಮಿಯರ್ ಲೀಗ್‌ನಲ್ಲಿ ಆಡಿರುವ ಅನುಭವ ಹೊಂದಿದ್ದಾ್ರೆ. ಮೊದಲ ಐಪಿಎಲ್ ಸೀಸನ್‌ನಲ್ಲಿ ಅವರು ಹೇಗೆ ಆಡುತ್ತಾರೆ ಎಂಬುದು ಕುತೂಹಲಕಾರಿಯಾಗಿದೆ.

ಮೊಯಿನ್ ಅಲಿ: ಇಂಗ್ಲೆಂಡ್ ಆಲ್‌ರೌಂಡರ್ ಮೊಯಿನ್ ಅಲಿ ಕೂಡ ಪಾಕಿಸ್ತಾನಕ್ಕೆ ಸೇರಿದವರು. ಸ್ಪಿನ್-ಬೌಲಿಂಗ್ ಆಲ್ ರೌಂಡರ್ ಆಗಿರುವ ಅವರು ಐಪಿಎಲ್ 2023ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ (CSK) ಪರ ಆಡಲಿದ್ದಾರೆ. ಅಲಿ ಅನೇಕ ಸಂದರ್ಭಗಳಲ್ಲಿ ಬ್ಯಾಟಿಂಗ್ ಮತ್ತು ಬೌಲಿಂಗ್‌ನಲ್ಲಿ ಚೆನ್ನೈ ಫ್ರಾಂಚೈಸಿಗೆ ಮ್ಯಾಚ್ ವಿನ್ನರ್ ಆಗಿದ್ದಾರೆ.