IPL 2023: ಶುರುವಾಗ್ತಿದೆ ಐಪಿಎಲ್​ ಫೀವರ್​! ಈ ಬಾರಿ ಅಖಾಡದಲ್ಲಿದ್ದಾರೆ 12 ಕರ್ನಾಟಕದ ಆಟಗಾರರು, ಅಬ್ಬರಿಸೋಕೆ ರೆಡಿ!

ಐಪಿಎಲ್​ ಆರಂಭಕ್ಕೆ ಇನ್ನೇನು ಕೆಲ ದಿನಗಳು ಮಾತ್ರ ಬಾಕಿ ಉಳಿದಿವೆ. ಇದರ ನಡುವೆ ಈ ಬಾರಿ ಮೆಗಾ ಟೂರ್ನಿಯಲ್ಲಿ ನಮ್ಮ ಕರ್ನಾಟಕದ ಯಾವೆಲ್ಲಾ ಆಟಗಾರರು ಯಾವೆಲ್ಲಾ ತಂಡದಲ್ಲಿ ಮಿಂಚಲು ಸಿದ್ಧರಾಗಿದ್ದಾರೆ ಎಂದು ನೋಡೋಣ ಬನ್ನಿ.

ಐಪಿಎಲ್​ನ ಅತ್ತಯಂತ ಪ್ರಸಿದ್ಧ ಪ್ರಾಂಚೈಸಿಯಾದ ಆರ್​ಸಿಬಿ ಈ ಬಾರಿ ಬಿಡ್ಡಿಂಗ್​ನಲ್ಲಿ ಓರ್ವ ಕನ್ನಡಿಗನಿಗೆ ಮಣೆ ಜಹಾಕಿದೆ. ಹೌದು, ಕರ್ನಾಟಕದ ಮನೋಜ್ ಬಾಂಡಗೆ ಅವರನ್ನು ತಂಡ ಖರೀದಿಸಿದ್ದು, ಇವರು ಕರ್ನಾಟಕದ ರಾಯಚೂರು ಜಿಲ್ಲೆಯವರಾಗಿದ್ದಾರೆ.

ಕೊಲ್ಕತ ನೈಟ್​ ರೈಡರ್ಸ್​ ತಂಡದಲ್ಲಿ ಕರ್ನಾಟಕದ ವರುಣ್ ಚರ್ಕವರ್ತಿ ಸಹ ಈ ಬಾರಿ ಐಪಿಎಲ್​ ಆಡಲಿದ್ದಾರೆ. ಇವರು ಕರ್ನಾಟಕದ ಬೀದರ್​ ಜಿಲ್ಲೆಯವರಾಗಿದ್ದು, 2021ರಲ್ಲಿ ಇವರು ಟೀಂ ಇಂಡಿಯಾಗೂ ಪಾದಾರ್ಪಣೆ ಮಾಡಿದ್ದಾರೆ.

ಇನ್ನು, ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಕರ್ನಾಟಕದ ಪ್ರವೀಣ್ ದುಬೆ ಅವರನ್ನು 50 ಲಕ್ಷಕ್ಕೆ ಈ ಬಾರಿ ಐಪಿಎಲ್​ ಸೀಸನ್​ಗಾಗಿ ರಿಟೈನ್​ ಮಾಡಿಕೊಂಡಿದೆ. ಇವರು ಇದಕ್ಕೂ ಮುನ್ನ ಒಮ್ಮೆ ಆರ್​ಸಿಬಿ ಪರ ಸಹ ಕಣಕ್ಕಿಳಿದಿದ್ದರು.

ಡೆಲ್ಲಿ ಕ್ಯಾಪಿಟಲ್ಸ್​ ತಂಡದಲ್ಲಿ ಮತ್ತೋರ್ವ ಕನ್ನಡಿಗನಿಗೆ ಸ್ಥಾನ ದೊರಕಿದ್ದು, ಟೀಂ ಇಂಡಿಯಾದ ಸ್ಟಾರ್​ ಪ್ಲೇಯರ್​ ಆದ ಮನೀಷ್​ ಪಾಂಡೆ ಡೆಲ್ಲಿ ಪರ ಈ ಬಾರಿ ಬ್ಯಾಟ್​ ಬೀಸಲಿದ್ದಾರೆ. ಅವರನ್ನು 2.40 ಕೋಟಿಗೆ ಡೆಲ್ಲಿ ತಂಡ ಹರಾಜಿನಲ್ಲಿ ಖರೀದಿಸಿತ್ತು.

ಹಾಲಿ ಚಾಂಪಿಯನ್​ ತಂಡವಾದ ಗುಜರಾತ್​ ಟೈಟನ್ಸ್​ ತಂಡದಲ್ಲಿ ಕರ್ನಾಟಕದ ಬೆಂಗಳೂರಿನ ಆಟಗಾರ ಈ ಬಾರಿ ಕಾಣಿಸಿಕೊಳ್ಳಲಿದ್ದಾರೆ. ಹೌದು, ಅಭಿನವ್ ಮನೋಹರ್​ ಗುಜರಾತ್​ ಪರ ಈ ಬಾರಿ ಐಪಿಎಲ್​ನಲ್ಲಿ ಕಣಕ್ಕಿಳಿಯಲಿದ್ದಾರೆ.

ಟೀಂ ಇಂಡಿಯಾದದ ಸ್ಟಾರ್​ ಪ್ಲೇಯರ್​ ಕರ್ನಾಟಕದ ಹೆಮ್ಮೆಯ ಆಟಗಾರ ಕೆಎಲ್ ರಾಹುಲ್​ ನಾಯಕನಾಗಿ ಈ ಬಾರಿಯೂ ಲಕ್ನೋ ಸೂಪರ್​ ಜೈಂಟ್ಸ್​​ ತಂಡವನ್ನು ಮುನ್ನಡೆಸಲಿದ್ದಾರೆ. ಅವರನ್ನು ತಂಡ ಬರೋಬ್ಬರಿ 17 ಕೋಟಿಗೆ ಉಳಿಸಿಕೊಂಡಿದೆ.

ಮತ್ತೋರ್ವ ಕರ್ನಾಟಕದ ಆಟಗಾರನಾದ ದೇವದತ್​ ಪಡಿಕ್ಕಲ್​ ಸಹ ಈ ಬಾರಿ ಐಪಿಎಲ್​ನಲ್ಲಿ ಮಿಂಚಲು ಸಿದ್ಧರಾಗಿದ್ದಾರೆ. ಅವರು ಈ ಬಾರಿ ಐಪಿಎಲ್​ನಲ್ಲಿ ರಾಜಸ್ಥಾನ್​ ರಾಯಲ್ಸ್​ ಪರ ಕಣಕ್ಕಿಳಿಯಲಿದ್ದಾರೆ.

32 ವರ್ಷ ವಯಸ್ಸಿನ ಬೆಂಗಳೂರು ಮೂಲದ ಸ್ಟಾರ್​ ಪ್ಲೇಯರ್​ ಮಾಯಾಂಕ್​ ಅರ್ಗವಾಲ್​ ಈ ಬಾರಿ ಐಪಿಎಲ್​ 16ನೇ ಸೀಸನ್​ನಲ್ಲಿ ಸನ್​ ರೈಸರ್ಸ್​ ಹೈದರಾಬಾದ್​ ಪರ ಕಣಕ್ಕಿಳಿಯಲಿದ್ದಾರೆ. ಅಲ್ಲದೇ ಆರಂಭಿಕ ಪಂದ್ಯದಲ್ಲಿ ಮಾಯಾಂಕ್​ ಅರ್ಗವಾಲ್​ಗೆ ತಂಡದ ನಾಯಕತ್ವ ಸಿಗುವ ಸಾಧ್ಯತೆಯೂ ಇದೆ.

ಇವರುಗಳು ಮಾತ್ರವಲ್ಲದೇ ಇನ್ನೂ, ಕೆ. ಗೌತಮ್​, ವಿದ್ವತ್ ಕಾವೇರಪ್ಪಾ, ಕೆಸಿ ಕರಿಯಪ್ಪ ಮತ್ತು ಪ್ರಸಿದ್ಧ ಕೃಷ್ಣ ಸೇರಿ ಒಟ್ಟು 12 ಕರ್ನಾಟಕದ ಆಟಗಾರರು ಈ ಬಾಋಇ ಐಪಿಎಲ್​ 16ನೇ ಸೀಸನ್​ನಲ್ಲಿ ಅಬ್ಬರಿಸಲು ಸಿದ್ಧರಾಗಿದ್ದಾರೆ.