Ravindra Jadeja: ಸೌತ್​ ಇಂಡಿಯನ್​ ಡ್ರೆಸ್‌ನಲ್ಲಿ ಜಡ್ಡು ಸಖತ್​ ಮಿಂಚಿಂಗ್​, ವೈಟ್​ & ವೈಟ್​ ಲುಕ್​ಗೆ ಫ್ಯಾನ್ಸ್ ಫಿದಾ!

ರವೀಂದ್ರ ಜಡೇಜಾ ಕೆಲ ಸಮಯದಲ್ಲಿ ಕ್ರಿಕೆಟ್​ನಿಂದ ದೂರವಿರಬಹುದು, ಆದರೆ ಇದರ ಹೊರತಾಗಿಯೂ ಭಾರತ ತಂಡದ ಈ ಆಲ್‌ರೌಂಡರ್ ಚರ್ಚೆಯ ವಿಷಯವಾಗಿ ಉಳಿದಿದ್ದಾರೆ. ಇದೀಗ ಅವರ ದಕ್ಷಿಣ ಭಾರತದ ಫೋಟೋ ಸಖತ್​ ವೈರಲ್ ಆಗುತ್ತಿದೆ.

ಜಡೇಜಾ ತಮ್ಮ ಅಧಿಕೃತ ಟ್ವಿಟರ್ ಹ್ಯಾಂಡಲ್‌ನಿಂದ ಚಿತ್ರವನ್ನು ಹಂಚಿಕೊಂಡಿದ್ದಾರೆ. ಈ ಚಿತ್ರದಲ್ಲಿ ಅವರು ದಕ್ಷಿಣ ಭಾರತದ ಸಾಂಪ್ರದಾಯಿಕ ನೋಟದಲ್ಲಿ ಕಾಣಿಸಿಕೊಂಡಿದ್ದಾರೆ. ಬಿಳಿ ಧೋತಿಯೊಂದಿಗೆ ಅದೇ ಬಣ್ಣದ ಕುರ್ತಾ ಧರಿಸಿದ್ದಾರೆ.

ಹೊಸ ಲುಕ್‌ನಲ್ಲಿಯೂ ಜಡ್ಡು ತುಂಬಾ ಚೆನ್ನಾಗಿ ಕಾಣಿಸುತ್ತಿದ್ದಾರೆ. ಈ ಎಡಗೈ ಕ್ರಿಕೆಟಿಗನಿಗೆ ದಕ್ಷಿಣ ಭಾರತದ ಮೇಲಿನ ಪ್ರೀತಿ ಹೊಸದೇನಲ್ಲ. ಇವರಿಗೆ ದಕ್ಷಿಣ ಭಾರತದ ಚಿತ್ರಗಳನ್ನು ನೋಡುವುದೆಂದರೆ ತುಂಬಾ ಇಷ್ಟ. ಪುಷ್ಪಾ ಚಿತ್ರದ ಸಿಗ್ನೇಚರ್ ಡೈಲಾಗ್ ಮೈ ಝುಕೇಗಾ ನಹಿ ಅನ್ನು ಕ್ರಿಕೆಟ್ ಜಗತ್ತಿನಲ್ಲಿ ಮೊದಲು ಜಡೇಜಾ ಅನುಕರಿಸಿದರು. ಇದಾದ ಬಳಿಕ ತಂಡದ ಇತರ ಆಟಗಾರರೂ ಇದೇ ರೀತಿ ಮಾಡಲು ಆರಂಭಿಸಿದರು.

ಜಡೇಜಾ ಕೂಡ ಕುದುರೆ ಸವಾರಿಯನ್ನು ತುಂಬಾ ಇಷ್ಟಪಡುತ್ತಾರೆ. ಜಡ್ಡು ಆಗಾಗ್ಗೆ ತನ್ನ ತೋಟದ ಮನೆಯಲ್ಲಿ ಕುದುರೆ ಸವಾರಿ ಮಾಡುವ ಪೋಟೋವನ್ನು ಹಂಚಿಕೊಳ್ಳುತ್ತಿರುತ್ತಾರೆ.

ರವೀಂದ್ರ ಜಡೇಜಾ ಬಹಳ ದಿನಗಳಿಂದ ಭಾರತ ತಂಡದಿಂದ ಹೊರಗುಳಿದಿದ್ದರು. ಗಾಯದ ಸಮಸ್ಯೆಯಿಂದಾಗಿ ಅವರು ಏಷ್ಯಾಕಪ್ ಅನ್ನು ಸಂಪೂರ್ಣವಾಗಿ ಆಡಲು ಸಾಧ್ಯವಾಗಲಿಲ್ಲ. ಇದರ ನಂತರ, 2022 ರ ಟಿ 20 ವಿಶ್ವಕಪ್‌ ವೇಳೆಯೂ ಅವರು ತಂಡದಿಂದ ದೂರವಿದ್ದರು.

ಐಪಿಎಲ್ 2022 ರ ಮಧ್ಯದಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ನಾಯಕತ್ವವನ್ನು ತೊರೆದ ನಂತರ, ಜಡೇಜಾ ಮುಂದಿನ ಋತುವಿನಲ್ಲಿ ಹೊಸ ಫ್ರಾಂಚೈಸಿಗಾಗಿ ಆಡುವುದನ್ನು ಕಾಣಬಹುದು ಎಂಬ ಊಹಾಪೋಹಗಳು ಇದ್ದವು. ಡಿಸೆಂಬರ್‌ನಲ್ಲಿ ನಡೆಯಲಿರುವ ಹರಾಜಿನ ಮೊದಲು, ಜಡೇಜಾ ಸಿಎಸ್‌ಕೆ ಪರ ಆಡಲಿದ್ದಾರೆ ಎನ್ನುವುದು ಖಚಿತವಾಗಿದೆ.

ರವೀಂದ್ರ ಜಡೇಜಾ ಅವರ ಪತ್ನಿ ರಿವಾಬಾ ಜಡೇಜಾ ಅವರು ಇತ್ತೀಚೆಗೆ ಮುಕ್ತಾಯಗೊಂಡ ಗುಜರಾತ್ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ ಶಾಸಕರಾಗಿ ಆಯ್ಕೆಯಾಗಿದ್ದಾರೆ. ಚುನಾವಣೆ ಸಂದರ್ಭದಲ್ಲಿ ಜಡ್ಡು ಪತ್ನಿ ಪರ ಪ್ರಚಾರ ನಡೆಸುತ್ತಿದ್ದ ದೃಶ್ಯ ಕಂಡು ಬಂದಿತ್ತು.

ಬಾಂಗ್ಲಾದೇಶ ವಿರುದ್ಧದ ಟೆಸ್ಟ್ ಸರಣಿಗೆ ಅವರು ಸಂಪೂರ್ಣ ಫಿಟ್ ಆಗಿರುತ್ತಾರೆ ಎಂದು ನಿರೀಕ್ಷಿಸಲಾಗಿತ್ತು ಆದರೆ ಇದು ಸಾಧ್ಯವಾಗಲಿಲ್ಲ. ಇದರಿಂದಾಗಿ ಅವರು ಬಾಂಗ್ಲಾ ವಿರುದ್ಧದ ಟೆಸ್ಟ್​ ಸರಣಿಯಿಂದ ದೂವಿದ್ದು, ಮುಂಬರುವ ಶ್ರೀಲಂಕಾ ಸರಣಿಯಲ್ಲಾದರೂ ಕಣ್ಕಕಿಳಿಯುತ್ತಾರಾ ಎಂದು ನೋಡಬೇಕಿದೆ.