Tragic Love Story: 10 ವರ್ಷ ದೊಡ್ಡವಳೊಂದಿಗೆ ಫೇಸ್​ಬುಕ್​ನಲ್ಲಿ ಲವ್, ಇನ್​ಸ್ಟಾಗ್ರಾಮ್​ನಲ್ಲಿ ಡಿವೋರ್ಸ್! ಇದು ಕ್ರಿಕೆಟಿಗನ ದುರಂತ ಪ್ರೇಮಕಥೆ!

ಭಾರತೀಯ ಕ್ರಿಕೆಟ್​ ದಿಗ್ಗಜರ ಪ್ರೇಮಕಥೆಗಳ ಬಗ್ಗೆ ಜನರು ಆಗಾಗ್ಗೆ ಮಾತನಾಡಿಕೊಳ್ಳುತ್ತಿರುತ್ತಾರೆ, ಸಾಮಾಜಿಕ ಜಾಲಾತಾಣದಲ್ಲೂ ಚರ್ಚೆ ನಡೆಯುತ್ತಿರುತ್ತದೆ. ಭಾರತದ ಆರಂಭಿಕ ಆಟಗಾರ ಶಿಖರ್ ಧವನ್ ಅವರ ಪ್ರೇಮಕಥೆಯೂ ವಿಶೇಷ ಎನಿಸುತ್ತದೆ. ಗಬ್ಬರ್ ಎಂದೇ ಖ್ಯಾತರಾಗಿದ್ದ ಧವನ್ ತಮಗಿಂತ ವಯಸ್ಸಿನಲ್ಲಿ ಹಿರಿಯಳಾದ ಆಯೇಷಾರನ್ನು ಪ್ರೀತಿಸಿ ವಿವಾಹವಾಗಿದ್ದರು. (Shikhar dhawan Instagram)

ಧವನ್ ಮತ್ತು ಆಯೇಷಾ ಸಾಮಾಜಿಕ ಜಾಲತಾಣದಲ್ಲಿ ಪರಸ್ಪರ ಪರಿಚಯ ಮಾಡಿಕೊಂಡಿದ್ದರು. ಭಾರತ ತಂಡದ ಮಾಜಿ ಸ್ಪಿನ್ನರ್ ಹರ್ಭಜನ್ ಸಿಂಗ್ ಅವರ ಫೇಸ್‌ಬುಕ್ ಫ್ರೆಂಡ್ ಲಿಸ್ಟ್‌ನಲ್ಲಿ ಆಯೇಷಾರ ಫೋಟೋ ನೋಡಿ ಟೀಮ್ ಇಂಡಿಯಾದ ಆರಂಭಿಕ ಆಟಗಾರನಿಗೆ ಲವ್​ ಆಗಿತ್ತಂತೆ. (Shikhar dhawan Instagram)

ಆಸ್ಟ್ರೇಲಿಯಾದಲ್ಲಿ ನೆಲೆಸಿದ್ದ ಬಂಗಾಳಿ ಹುಡುಗಿ ಆಯೇಷಾ ಮುಖರ್ಜಿ ಅವರ ಫೋಟೋ ನೋಡಿದ ಧವನ್ ಫೇಸ್ ಬುಕ್ ನಲ್ಲಿ ಫ್ರೆಂಡ್ ರಿಕ್ವೆಸ್ಟ್ ಕಳುಹಿಸಿದ್ದರು. ಹರ್ಭಜನ್​ ಸಿಂಗ್​ರಿಂದ ಇಬ್ಬರ ನಡುವೆ ಮಾತುಕತೆ ಶುರುವಾಯಿತು. ಇದರ ನಂತರ, ಧವನ್ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಆಯೇಷಾಳನ್ನು ಭೇಟಿಯಾಗಿದ್ದಾರೆ. ನಂತರ ಅವರಿಬ್ಬರ ನಡುವೆ ಆಪ್ತತೆ ಹೆಚ್ಚಾಗಿ, ಇಬ್ಬರೂ ವಿವಾಹವಾಗಲು ನಿರ್ಧರಿಸಿದರು. (Shikhar dhawan Instagram)

ಆಯೇಷಾ ಧವನ್‌ಗಿಂತ 10 ವರ್ಷ ದೊಡ್ಡವರು, ಜೊತೆಗೆ ಎರಡು ಮಕ್ಕಳ ತಾಯಿಯಾಗಿದ್ದರು. ಆದರೆ ಇದು ಇಬ್ಬರ ನಡುವಿನ ಪ್ರೀತಿಗೆ ಯಾವುದೇ ವ್ಯತ್ಯಾಸ ಉಂಟು ಮಾಡಲಿಲ್ಲ. ಆದರೆ ಶಿಖರ್ ಕುಟುಂಬ ಈ ಸಂಬಂಧವನ್ನು ಒಪ್ಪಲಿಲ್ಲ. ಇದಕ್ಕೆ ಕಾರಣ ಆಯೇಷಾ ಶಿಖರ್​ಗಿಂತ 10 ವರ್ಷ ದೊಡ್ಡವರೆಂಬುದು. ಜೊತೆಗೆ ಆಯೇಷಾ ವಿಚ್ಛೇದಿತ ಮತ್ತು ಇಬ್ಬರು ಹೆಣ್ಣು ಮಕ್ಕಳ ತಾಯಿ ಆಗಿರುವುದು. ಆದರೆ ಧವನ್​ ಹೇಗೋ ಕುಟುಂಬದವರನ್ನು ಮದುವೆಗೆ ಒಪ್ಪಿಸಿದ್ದರು. (Shikhar dhawan Instagram)

ಆಗಷ್ಟೇ ಟೀಮ್ ಇಂಡಿಯಾದಲ್ಲಿ ಅವಕಾಶ ಪಡೆದಿದ್ದ ಶಿಖರ್ ಧವನ್ ತಂಡದಲ್ಲಿ ತಮ್ಮ ಸ್ಥಾನವನ್ನು ಭದ್ರಪಡಿಸಿಕೊಳ್ಳಲು ಬಯಸಿದ್ದರು, ಆದ್ದರಿಂದ 2009 ರಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡ ನಂತರ, ಮದುವೆಗಾಗಿ ಕೆಲವು ವರ್ಷಗಳ ಕಾಲ ಕಾಯಲು ನಿರ್ಧರಿಸಿದರು. 3 ವರ್ಷಗಳ ನಂತರ 2012 ರಲ್ಲಿ ಆಯೇಷಾರೊಂದಿಗೆ ವಿವಾಹವಾಗಿದ್ದರು (Shikhar dhawan Instagram)

ಇದು ಆಯೇಷಾ ಅವರ ಎರಡನೇ ವಿವಾಹವಾಗಿದ್ದು, ಮೊದಲೇ ಆಸ್ಟ್ರೇಲಿಯಾ ಉದ್ಯಮಿಯೊಬ್ಬರನ್ನು ವಿವಾಹವಾಗಿ ಅವರಿಂದ ದೂರವಾಗಿದ್ದರು. ಬಂಗಾಳಿ ಹುಡುಗಿ ಆಯೇಷಾಗೆ ಮೊದಲ ಮದುವೆಯಿಂದ ರಿಯಾ ಮತ್ತು ಆಲಿಯಾ ಎಂಬ ಇಬ್ಬರು ಹೆಣ್ಣು ಮಕ್ಕಳಿದ್ದರು. ಧವನ್ ಕೂಡ ಆ ಇಬ್ಬರೂ ಹೆಣ್ಣುಮಕ್ಕಳನ್ನು ತುಂಬಾ ಪ್ರೀತಿಯಿಂದ ತಮ್ಮ ಮಕ್ಕಳಂತೆ ನೋಡಿಕೊಳ್ಳುತ್ತಿದ್ದರು. ಧವನ್ ಮತ್ತು ಆಯೇಷಾ ದಂಪತಿಗೆ ಜೋರಾವರ್ ಎಂಬ ಮಗನಿದ್ದಾನೆ. (Shikhar dhawan Instagram)

ಈ ದಂಪತಿ 2021 ರವರೆಗೂ ಚೆನ್ನಾಗಿಯೇ ಇದ್ದರು. ಆದರೆ ಅದರ ನಂತರ ಇದ್ದಕ್ಕಿದ್ದಂತೆ ಇಬ್ಬರ ನಡುವೆ ಸಂಬಂಧವು ಹದಗೆಟ್ಟಿತು. ಮೊದಲು ಇಬ್ಬರೂ ಪ್ರತ್ಯೇಕವಾಗಿ ವಾಸಿಸಲು ಪ್ರಾರಂಭಿಸಿದರು ಮತ್ತು ನಂತರ ಸಾಮಾಜಿಕ ಜಾಲತಾಣಗಳ ಮೂಲಕ ಆಯೇಷಾ ತಮ್ಮ ಸಂಬಂಧವನ್ನು ಕೊನೆಗೊಳಿಸುವ ಬಯಕೆಯನ್ನು ವ್ಯಕ್ತಪಡಿಸಿದ್ದಾರೆ. (Shikhar dhawan Instagram)

2012 ರಲ್ಲಿ ವಿವಾಹವಾಗಿದ್ದ ಧವನ್​- ಆಯೇಷಾ ಜೋಡಿ 9 ವರ್ಷಗಳ ನಂತರ, 2021 ರಲ್ಲಿ 8 ತಿಂಗಳ ಕಾಲ ನಡೆದ ಭಿನ್ನಾಭಿಪ್ರಾಯದ ನಂತರ ಇಬ್ಬರೂ ಬೇರೆಯಾಗಲು ನಿರ್ಧರಿಸಿದರು. (Shikhar dhawan Instagram)