Team India: ಡಬ್ಲ್ಯೂಟಿಸಿಗೂ ಮುನ್ನ ಟೀಂ ಇಂಡಿಯಾಗೆ ಆಘಾತ! ಎಲ್ಲಕೂ ಕಾರಣ ಐಪಿಎಲ್​

ಐಪಿಎಲ್ 16 ನೇ ಸೀಸನ್ ತನ್ನ ಕೊನೆಯ ಹಂತಕ್ಕೆ ತಲುಪಿದೆ. ಮೇ 28ಕ್ಕೆ ಚಾಂಪಿಯನ್ ಯಾರು ಎಂಬುದು ನಿರ್ಧಾರವಾಗಲಿದೆ. ಆ ಬಳಿಕ ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ನ ಫೈನಲ್‌ನಲ್ಲಿ ಭಾರತ ಭಾಗಿಯಾಗಲಿದೆ. ಜೂನ್ 7 ರಿಂದ ಓವಲ್‌ನಲ್ಲಿ ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ WTC ಫೈನಲ್​ ಪಂದ್ಯ ನಡೆಯಲಿದೆ. ಅದೇನೇ ಇರಲಿ ಈ ಫೈನಲ್ ಗೂ ಮುನ್ನ ಟೀಂ ಇಂಡಿಯಾಗೆ ಹೊಸ ಶಾಕ್​ ಎದುರಾಗಿದೆ.

ಮೇ 28 ರಂದು ಫೈನಲ್ ನಡೆಯಲಿದೆ. ಅಂದರೆ ಆಟಗಾರರು ನಿರಂತರವಾಗಿ ಪಂದ್ಯಗಳನ್ನು ಆಡಬೇಕಾಗುತ್ತದೆ. ವಿಶ್ವ ಟೆಸ್ಟ್​ ಚಾಂಪಿಯನ್​ಶಿಪ್ ಫೈನಲ್ ಪಂದ್ಯಕ್ಕೂ ಮುನ್ನ ಟೀಂ ಇಂಡಿಯಾ ಇಂಗ್ಲೆಂಡ್ ನಲ್ಲಿ ಅಭ್ಯಾಸ ಪಂದ್ಯವನ್ನಾಡಲು ಸಾಧ್ಯವಿಲ್ಲ. ಇದು ಟೀಂ ಇಂಡಿಯಾದಲ್ಲಿ ಆತಂಕ ಮೂಡಿಸಿದೆ.

ವರದಿ ಪ್ರಕಾರ, ನೆಟ್ಸ್‌ನಲ್ಲಿ ಹೆಚ್ಚು ಬೌಲಿಂಗ್ ಮಾಡಲು ಬೌಲರ್​ಗಳಿಗೆ ಹೇಳಲಾಗಿದೆ. ಟೆಸ್ಟ್​ಗಾಗಿ 90 ಓವರ್‌ಗಳನ್ನು ದಿನಕ್ಕೆ 6 ಗಂಟೆಗಳಲ್ಲಿ ಎಸೆಯಬೇಕು ಎನ್ನಲಾಗಿದೆಯಂತೆ. ಆದರೆ ಐಪಿಎಲ್ ಕಾರಣದಿಂದಾಗಿ ಆಯಾಸಗೊಂಡಿರುವ ಆಟಗಾರರು ನೆಟ್ಸ್ ನಲ್ಲಿ ಹೆಚ್ಚು ಅಭ್ಯಾಸ ನಡೆಸುತ್ತಿಲ್ಲ ಎಂದು ಹೇಳಲಾಗಿದೆ.

ಟೀಂ ಇಂಡಿಯಾ ಈಗಾಗಲೇ ಗಾಯಾಳುಗಳಿಂದ ಕಂಗೆಟ್ಟಿದೆ. ಕೆಎಲ್ ರಾಹುಲ್ ಮತ್ತು ಶ್ರೇಯಸ್ ಅಯ್ಯರ್ ಟೂರ್ನಿಯಿಂದ ಔಟಾಗಿದ್ದಾರೆ. ಈ ಮೆಗಾ ಪಂದ್ಯಕ್ಕೆ ರಿಷಭ್ ಪಂತ್ ಮತ್ತು ಜಸ್ಪ್ರೀತ್ ಬುಮ್ರಾ ಕೂಡ ಅಲಭ್ಯರಾಗಿದ್ದಾರೆ. ಐಪಿಎಲ್ ವೇಳೆ ವೇಗದ ಬೌಲರ್‌ಗಳಾದ ಉಮೇಶ್ ಯಾದವ್ ಮತ್ತು ಜಯದೇವ್ ಉನದ್ಕತ್ ಗಾಯಗೊಂಡಿದ್ದರು. ಉಮೇಶ್  ಯಾದವ್ ಫಿಟ್ನೆಸ್​ಗಾಗಿ ಶ್ರಮಿಸುತ್ತಿದ್ದಾರೆ.

ಉನದ್ಕತ್ ಕೂಡ ಫಿಟ್ ಆಗುವ ಸಾಧ್ಯತೆ ಇದೆ. ಭಾರತದ ಆಟಗಾರರು ಮತ್ತು ಕೋಚಿಂಗ್ ಸಿಬ್ಬಂದಿ 3 ಬ್ಯಾಚ್‌ಗಳಲ್ಲಿ ಇಂಗ್ಲೆಂಡ್‌ಗೆ ತೆರಳಲಿದ್ದಾರೆ. ಮೊದಲ ಬ್ಯಾಚ್ ಈಗಾಗಲೇ ಲಂಡನ್​ ತಲುಪಿದೆ. ಐಪಿಎಲ್ ಆರಂಭಕ್ಕೂ ಮುನ್ನ ಭಾರತ ತಂಡದ ನಾಯಕ ರೋಹಿತ್ ಶರ್ಮಾ ಅವರು ಕೂಕಬುರಾ ಕೆಂಪು ಚೆಂಡಿನಲ್ಲಿ ಎಲ್ಲಾ ವೇಗದ ಬೌಲರ್‌ಗಳಿಗೆ ಪ್ರ್ಯಾಕ್ಟಿಸ್​ ಮಾಡಲು ಹೇಳಿದ್ದಾಗಿ ತಿಳಿಸಿದ್ದಾರೆ.

ಸಮಯ ಸಿಕ್ಕಾಗಲೆಲ್ಲಾ ಕೆಂಪು ಚೆಂಡಿನೊಂದಿಗೆ ಅಭ್ಯಾಸ ಮಾಡುವಂತೆ ರೋಹಿತ್ ಬೌಲರ್‌ಗಳನ್ನು ಕೇಳಿಕೊಂಡಿದ್ದಾರೆ. ಆಸ್ಟ್ರೇಲಿಯಾ ವಿರುದ್ಧದ ಏಕದಿನ ಸರಣಿಯ ನಂತರ ರೋಹಿತ್, ಟಿ20 ಲೀಗ್‌ನಲ್ಲಿ ತಮ್ಮನ್ನು ತಾವು ಫಿಟ್ ಆಗಿಟ್ಟುಕೊಳ್ಳುವುದು ಆಟಗಾರರ ಜವಾಬ್ದಾರಿಯಾಗಿದೆ ಎಂದು ಹೇಳಿದ್ದರು. ನಾಯಕ ರೋಹಿತ್ ಶರ್ಮಾ ಮತ್ತು ಟೀಂ ಇಂಡಿಯಾ ಮುಖ್ಯ ಕೋಚ್ ರಾಹುಲ್ ದ್ರಾವಿಡ್ ಅಂತಿಮ ತಂಡದ ಭಾಗವಾಗಿರುವ ಎಲ್ಲಾ ಆಟಗಾರರೊಂದಿಗೆ ನಿರಂತರ ಸಂಪರ್ಕದಲ್ಲಿದ್ದಾರೆ.

ವಿರಾಟ್ ಕೊಹ್ಲಿಯಂತಹ ದೊಡ್ಡ ಆಟಗಾರರು ಈಗ IPL 2023 ಸೀಸನ್‌ಗೆ ಮುಕ್ತರಾಗಿದ್ದಾರೆ. ಆದರೆ ನಾಯಕ ರೋಹಿತ್ ಶರ್ಮಾ ತಂಡ ಪ್ಲೇ ಆಫ್‌ಗೆ ಲಗ್ಗೆ ಇಟ್ಟಿದೆ. ರವೀಂದ್ರ ಜಡೇಜಾ, ಇಶಾನ್ ಕಿಶನ್, ಮೊಹಮ್ಮದ್ ಶಮಿ ಮತ್ತು ಗಿಲ್ ಕೂಡ ಪ್ಲೇಆಫ್‌ನಲ್ಲಿ ಆಡುತ್ತಿದ್ದಾರೆ.

ಇದೀಗ ಟೆಸ್ಟ್ ಸ್ಪೆಷಲಿಸ್ಟ್ ಚೇತೇಶ್ವರ ಪೂಜಾರ ಇಂಗ್ಲೆಂಡ್‌ನಲ್ಲಿದ್ದಾರೆ. ಅವರು ಸಸೆಕ್ಸ್‌ಗಾಗಿ ಕೌಂಟಿ ಕ್ರಿಕೆಟ್ ಆಡುಡುತ್ತಿದ್ದಾರೆ. ಆದರೆ ಟೀಂ ಇಂಡಿಯಾ ಆಟಗಾರರು ಈವರೆಗೂ ಸಂಪೂರ್ಣವಾಗಿ ಲಂಡನ್​ ತಲುಪಿಲ್ಲ. ಹೀಗಾಗಿ WTC ಫೈನಲ್​ಗೂ ಮುನ್ನ ಅಭ್ಯಾಸ ಪಂದ್ಯವಾಡುವುದು ಅನುಮಾನ ಎನ್ನಾಲಾಗುತ್ತಿದೆ.