Shardul Thakur: ಬ್ಯಾಚುಲರ್ ಲೈಫ್​​ಗೆ ಗುಡ್​​ಬೈ ಹೇಳಲಿದ್ದಾರೆ ಟೀಂ ಇಂಡಿಯಾ ಕ್ರಿಕೆಟರ್; ಶಾರ್ದೂಲ್, ಮಿಥಾಲಿ ಮದ್ವೆ ಡೇಟ್​ ಫಿಕ್ಸ್

ಟೀಂ ಇಂಡಿಯಾ ಕ್ರಿಕೆಟಿಗ ಶಾರ್ದೂಲ್ ಠಾಕೂರ್ ಶೀಘ್ರದಲ್ಲೇ ಹಸೆಮಣೆ ಏರಲಿದ್ದಾರೆ. ಶಾರ್ದೂಲ್ ಭಾವಿ ಪತ್ನಿ ಮಿಥಾಲಿ ಪಾರುಲ್ಕರ್, ಅಧಿಕೃತವಾಗಿ ಮದುವೆ ದಿನಾಂಕವನ್ನು ರಿವೀಲ್​ ಮಾಡಿದ್ದಾರೆ. ಕಳೆದ ವರ್ಷ ಮಿಥಾಲಿ ಜೊತೆಗೆ ಶಾರ್ದೂಲ್ ನಿಶ್ಚಿತಾರ್ಥ ನಡೆದಿತ್ತು.

ಫೆಬ್ರವರಿ 27ರಂದು ಶಾರ್ದೂಲ್ ಠಾಕೂರ್, ಮಿಥಾಲಿ ಮದುವೆ ನಡೆಯಲಿದೆ. ಇದರೊಂದಿಗೆ ಮದುವೆಯ ಸಿದ್ಧತೆಗಳನ್ನು ನಡೆಸಿಕೊಳ್ಳಲಾಗುತ್ತಿದೆ ಎಂದು ಮಿಥಾಲಿ ತಿಳಿಸಿದ್ದಾರೆ.

ಫೆಬ್ರವರಿ 27ರಿಂದ ಮದುವೆ ಕಾರ್ಯಕ್ರಮಗಳು ಆರಂಭವಾಗಲಿದೆ ಎಂದು ಬ್ಯಾಂಕಿಂಗ್ ಸ್ಟಾರ್ಟ್ಅಪ್ ಸ್ಥಾಪಕಿಯಾಗಿರುವ ಮಿಥಾಲಿ ತಿಳಿಸಿದ್ದಾರೆ. ಆದರೆ ಶಾರ್ದೂಲ್ ಠಾಕೂರ್ ಶೆಡ್ಯೂಲ್​ ಸಖತ್​ ಬ್ಯುಸಿಯಾಗಿದ್ದು, ಫೆಬ್ರವರಿ 24ರ ವರೆಗೂ ಶಾರ್ದೂಲ್​ ಪಂದ್ಯಗಳನ್ನು ಆಡಲಿದ್ದಾರೆ. ಆ ಬಳಿಕ ಫೆಬ್ರವರಿ 27ರಿಂದ ಅವರು ಮದುವೆ ಕಾರ್ಯಕ್ರಮಗಳಲ್ಲಿ ಭಾಗಿಯಾಗಲಿದ್ದಾರೆ.

ಇನ್ನು, ಶಾರ್ದೂಲ್​ ಹಾಗೂ ಮಿಥಾಲಿ ಮದುವೆ ಕಾರ್ಯಕ್ರಮಕ್ಕೆ ಆತ್ಮೀಯ ಸ್ನೇಹಿತರು, ಕುಟುಂಬಸ್ಥರಿಗೆ ಮಾತ್ರ ಆಹ್ವಾನ ನೀಡಲಾಗುತ್ತಿದೆ. ಆದ್ದರಿಂದ ಕಾರ್ಯಕ್ರಮದಲ್ಲಿ ಕೇವಲ 200 ರಿಂದ 300 ಮಂದಿ ಮಾತ್ರ ಭಾಗಿಯಾಗಲಿದ್ದಾರೆ. ಮುಂಬೈನ ಐಶಾರಾಮಿ ಹೋಟೆಲ್​​​ವೊಂದರಲ್ಲಿ ಮದುವೆ ಕಾರ್ಯಕ್ರಮ ನಡೆಯಲಿದೆ.

ಶಾರ್ದೂಲ್ ಠಾಕೂರ್, ಮಿಥಾಲಿ ಮದುವೆ ಕಾರ್ಯಕ್ರಮದ ಡಿಸೈನರ್​​ಗಳು ಯಾರು ಎಂದು ಅಂತಿಮ ಮಾಡಲಾಗಿದೆ. ವಿಶೇಷ ಎಂದರೇ, ತಮ್ಮ ಮದುವೆಯ ಕೇಕ್​​ಅನ್ನು ತಾನೇ ತಯಾರಿಸುವುದಾಗಿ ಮಿಥಾಲಿ ತಿಳಿಸಿದ್ದಾರೆ. ಸದ್ಯ ಶಾರ್ದೂಲ್, ಬಾಂಗ್ಲಾ ದೇಶದ ಪ್ರವಾಸದಲ್ಲಿದ್ದಾರೆ.

ಟೀಂ ಇಂಡಿಯಾ ಪರ ಶಾರ್ದೂಲ್ ಠಾಕೂರ್ 24 ಏಕದಿನ ಪಂದ್ಯಗಳನ್ನು ಆಡಿದ್ದು, 33 ವಿಕೆಟ್​ಗಳನ್ನು ಉರುಳಿಸಿದ್ದಾರೆ. 31 ಏಕದಿನ ಪಂದ್ಯಗಳಿಂದ 44 ವಿಕೆಟ್ ಹಾಗೂ 8 ಟೆಸ್ಟ್ ಪಂದ್ಯಗಳಿಂದ 27 ವಿಕೆಟ್ ಗಳಿಸಿದ್ದಾರೆ. ಟೆಸ್ಟ್​ ಕ್ರಿಕೆಟ್​ನಲ್ಲಿ 3 ಅರ್ಧ ಶತಕಗಳೊಂದಿಗೆ 254 ರನ್ ಕೂಡ ಗಳಿಸಿದ್ದಾರೆ.

ಟೀಂ ಇಂಡಿಯಾ ಪರ ಏಕದಿನ ಕ್ರಿಕೆಟ್​​ಗೆ ಶಾರ್ದೂಲ್​ 2017ರಲ್ಲಿ ಶ್ರೀಲಂಕಾ ವಿರುದ್ಧದ ಪಾದಾರ್ಪಣೆ ಮಾಡಿದ್ದರು. ಇನ್ನು, 2023ರ ಐಪಿಎಲ್​ನಲ್ಲಿ ಶಾರ್ದೂಲ್ ಕೋಲ್ಕತ್ತಾ ನೈಟ್​ ರೈಡರ್ಸ್ ಪರ ಕಣಕ್ಕಿಳಿಯಲಿದ್ದಾರೆ. ಉಳಿದಂತೆ ಮುಂದಿನ ವರ್ಷ ಟೀಂ ಇಂಡಿಯಾ ಆಟಗಾರ, ಕನ್ನಡಿಗ ಕೆಎಲ್​ ರಾಹುಲ್​ ಹಾಗೂ ಅತಿಯಾ ಶೆಟ್ಟಿ ವಿವಾಹ ನಡೆಯುತ್ತದೆ ಎಂಬ ಸುದ್ದಿ ಹರಿದಾಡಿತ್ತು. ಆದರೆ ಈ ಸುದ್ದಿಯನ್ನು ಕೆಎಲ್​ ರಾಹುಲ್​​ ಅಲ್ಲಗೆಳೆದಿದ್ದಾರೆ.