KL Rahul Marriage: ಶೀಘ್ರದಲ್ಲೇ ಕೆಎಲ್​ ರಾಹುಲ್​ ಕಲ್ಯಾಣೋತ್ಸವ! ಮದುವೆ ಆಗ್ತಿದ್ದೀನಿ ರಜೆ ಕೊಡಿ ಅಂದ್ರಂತೆ ಕ್ರಿಕೆಟಿಗ!

ಅತಿಯಾ ಶೆಟ್ಟಿ ಮತ್ತು ಕೆಎಲ್ ರಾಹುಲ್ ಬಹಳ ಸಮಯದಿಂದ ಸಂಬಂಧದಲ್ಲಿದ್ದಾರೆ. ಕಳೆದ ಹಲವು ದಿನಗಳಿಂದ ಇಬ್ಬರ ಮದುವೆಯ ಚರ್ಚೆಯೂ ನಡೆಯುತ್ತಿದೆ. ಮದುವೆ ವಿಚಾರವಾಗಿ ರಾಹುಲ್ ಮತ್ತು ಅತಿಯಾ ಅವರ ಪೋಷಕರು ಕೂಡ ಭೇಟಿಯಾಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಮುಂದಿನ ತಿಂಗಳ ಮೊದಲ ವಾರದಲ್ಲಿ ರಾಹುಲ್ ಅಥಿಯಾ ಅವರನ್ನು ವರಿಸಲಿದ್ದಾರೆ ಎಂದು ಈಗ ವರದಿಯಾಗಿದೆ. ಇದಕ್ಕಾಗಿ ಬಿಸಿಸಿಐನಿಂದಲೂ ರಜೆ ಪಡೆದಿದ್ದು, ಅವರ ರಜೆಗೂ ಅನುಮೋದನೆ ನೀಡಲಾಗಿದೆ.

ಅಥಿಯಾ ಶೆಟ್ಟಿ ಬಾಲಿವುಡ್ ನ ಹಿರಿಯ ನಟ ಸುನಿಲ್ ಶೆಟ್ಟಿಯವರ ಮಗಳು ಮತ್ತು ಸ್ವತಃ ನಟಿಯೂ ಹೌದು. ಅದೇ ಸಮಯದಲ್ಲಿ, ಕೆಎಲ್ ರಾಹುಲ್ ಅವರು ಭಾರತ ಕ್ರಿಕೆಟ್ ತಂಡದ ಉಪನಾಯಕರಾಗಿದ್ದಾರೆ. ಬಾಂಗ್ಲಾದೇಶ ಟೆಸ್ಟ್ ಸರಣಿಯ ನಂತರ ರಾಹುಲ್ ಬಿಸಿಸಿಐನಿಂದ ವಿರಾಮ ಕೋರಿದ್ದಾರೆ.

ಮದುವೆಯ ಕಾರಣದಿಂದ ಭಾರತದಲ್ಲಿ ನಡೆಯಲಿರುವ ಶ್ರೀಲಂಕಾ ವಿರುದ್ಧದ ಮೂರು ಪಂದ್ಯಗಳ ಟಿ20 ಹಾಗೂ ಏಕದಿನ ಸರಣಿಯಲ್ಲಿ ಕೆಎಲ್ ರಾಹುಲ್ ಆಡುವುದು ಅನುಮಾನವಾಗಿದೆ. ಇನ್‌ಸೈಡ್ ಸ್ಪೋರ್ಟ್‌ನ ವರದಿಯ ಪ್ರಕಾರ, ರಾಹುಲ್ 2023 ರ ಜನವರಿ ಮೊದಲ ವಾರದಲ್ಲಿ ಅಥಿಯಾಳನ್ನು ವರಿಸಲಿದ್ದಾರೆ.

ಇದನ್ನು ಬಿಸಿಸಿಐ ಅಧಿಕಾರಿಯೂ ಖಚಿತಪಡಿಸಿದ್ದಾರೆ. ಕೆಎಲ್ ರಾಹುಲ್ ತಮ್ಮ ವೈಯಕ್ತಿಕ ಕೆಲಸಕ್ಕಾಗಿ ರಜೆ ಕೋರಿದ್ದಾರೆ ಎಂದು ಹೇಳಿದ್ದಾರೆ.

ವರದಿಯ ಪ್ರಕಾರ, "ಕೆಎಲ್ ರಾಹುಲ್ ವೈಯಕ್ತಿಕ ಬದ್ಧತೆಗಳಿಗೆ ವಿರಾಮ ಕೇಳಿದ್ದಾರೆ. ಅದಕ್ಕಾಗಿಯೇ ಅವರು ನ್ಯೂಜಿಲೆಂಡ್‌ನಲ್ಲಿ ಆಡಲು ಹೋಗಿಲ್ಲ. ಅವರಿಗೆ ಕೆಲವು ಕುಟುಂಬ ಬದ್ಧತೆಗಳಿವೆ ಎಂದು ಅವರು ಹೇಳಿದ್ದಾರೆ. ಹೀಗಾಗಿ ಅವರು ರಜೆ ಪಡೆದಿದ್ದಾರೆ ಎಂದು ಹೇಳಿದ್ದಾರೆ.

ಅವರು ಮದುವೆಯಾಗುತ್ತಿದ್ದಾರೋ ಅಥವಾ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದರೋ ಎನ್ನುವುದು ನನಗೆ ಗೊತ್ತಿಲ್ಲ. ಆದರೆ ಅವರಿಗೆ ಕೆಲವು ವೈಯಕ್ತಿಕ ಕಮಿಟ್‌ಮೆಂಟ್‌ಗಳಿವೆ ಎಂದು ಅಷ್ಟೇ ನಾನು ಹೇಳಬಲ್ಲೆ ಎಂದಿದ್ದಾರೆ.

ಇತ್ತೀಚೆಗೆ, ಸುನೀಲ್ ಶೆಟ್ಟಿ ಅವರು ಮಗಳು ಅಥಿಯಾ ಶೆಟ್ಟಿ ಮತ್ತು ಕೆಎಲ್ ರಾಹುಲ್ ಅವರ ವಿವಾಹವನ್ನು 'ಧಾರವಿ ಬ್ಯಾಂಕ್' ವೆಬ್ ಸರಣಿಯ ಬಿಡುಗಡೆ ಸಮಾರಂಭದಲ್ಲಿ ಖಚಿತಪಡಿಸಿದ್ದರು.

ಇಬ್ಬರ ಮದುವೆಯ ಬಗ್ಗೆ ಸುನೀಲ್ ಶೆಟ್ಟಿ ಅವರನ್ನು ಕೇಳಿದಾಗ, ಇಬ್ಬರೂ ಶೀಘ್ರದಲ್ಲೇ ಮದುವೆಯಾಗುವುದಾಗಿ ಹೇಳಿದ್ದರು. ಅದಕ್ಕೇ ಈಗ ರಾಹುಲ್ ಬ್ರೇಕ್ ಮದುವೆಗೂ ತಳುಕು ಹಾಕಿಕೊಂಡಿದೆ.