IPL 2023: ಮತ್ತೆ ಬ್ಯಾನ್​ ಆಗುತ್ತಾ ಚೆನ್ನೈ ಸೂಪರ್​ ಕಿಂಗ್ಸ್? ವಿಧಾನಸಭೆಯಲ್ಲಿ ನಿಷೇಧದ ಕೂಗು!

ಅಂದು ಫಿಕ್ಸಿಂಗ್ ಮತ್ತು ಬೆಟ್ಟಿಂಗ್ ಗೆ ಸಂಬಂಧಿಸಿದ ಪ್ರಕರಣದಲ್ಲಿ ಚೆನ್ನೈ ತಂಡಕ್ಕೆ ಎರಡು ವರ್ಷ ನಿಷೇಧ ಹೇರಲಾಗಿತ್ತು. ಐಪಿಎಲ್ 2016, 2017ರಲ್ಲಿ ಈ ತಂಡ ಟೂರ್ನಿಯ ಭಾಗವಾಗಿರಲಿಲ್ಲ. ಚೆನ್ನೈ ಜೊತೆಗೆ ರಾಜಸ್ಥಾನ್ ರಾಯಲ್ಸ್ ಕೂಡ ಎರಡು ವರ್ಷಗಳ ಕಾಲ ನಿಷೇಧಕ್ಕೊಳಗಾಗಿತ್ತು.

ಆದರೆ ನಿಷೇಧದ ನಂತರ ಚೆನ್ನೈ ಅದ್ಭುತ ಪುನರಾಗಮನ ಮಾಡಿ ಚಾಂಪಿಯನ್ ಆಯಿತು. ಮತ್ತೊಮ್ಮೆ ಚೆನ್ನೈ ಸೂಪರ್ ಕಿಂಗ್ ನಿಷೇಧದ ವಿಚಾರ ಮುನ್ನೆಲೆಗೆ ಬಂದಿದೆ. ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನು ನಿಷೇಧಿಸುವಂತೆ ಪಿಎಂಕೆ ಶಾಸಕರು ವಿಧಾನಸಭೆಯಲ್ಲಿ ಒತ್ತಾಯಿಸಿದ್ದಾರೆ.

ಪಿಎಂಕೆ ಶಾಸಕ ಎಸ್‌ಪಿ ವೆಂಕಟೇಶ್ವರನ್ ಈ ಕುರಿತು ಮಾತನಾಡಿದ್ದು, ತಂಡದಲ್ಲಿ ತಮಿಳುನಾಡಿನ ಒಬ್ಬನೇ ಆಟಗಾರ ಏಕೆ ಇಲ್ಲ ಎಂದು ಪ್ರಶ್ನಿಸಿದ್ದಾರೆ. ಸ್ಥಳೀಯ ಆಟಗಾರರ ಅನುಪಸ್ಥಿತಿ ಇಲ್ಲದಿರುವುದು ಕೆಟ್ಟದ್ದು ಎಂದಿದ್ದಾರೆ.

ರಾಜ್ಯದಲ್ಲಿ ಅನೇಕ ಪ್ರತಿಭಾವಂತ ಆಟಗಾರರಿದ್ದಾರೆ ಆದರೆ ಅವರಿಗೆ ಐಪಿಎಲ್‌ನಲ್ಲಿ ಆಡಲು ಅವಕಾಶ ನೀಡುತ್ತಿಲ್ಲ ಎಂದು ಚೆನ್ನೈ ಸೂಪರ್ ಕಿಂಗ್ಸ್ ತಂಡ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಇದಕ್ಕೆ ತಮಿಳುನಾಡು ಕ್ರೀಡಾ ಇಲಾಖೆ ಏಕೆ ಸ್ಪಂದಿಸುತ್ತಿಲ್ಲ ಎಂದು ಪ್ರಶ್ನಿಸಿದರು. ಚೆನ್ನೈ ತಂಡ ಕ್ರೀಡೆಯ ಹೆಸರಿನಲ್ಲಿ ವ್ಯಾಪಾರ ನಡೆಸುತ್ತಿದೆ. . ರಾಜ್ಯ ಸರ್ಕಾರ ಕೂಡಲೇ ಚೆನ್ನೈ ತಂಡದ ವಿರುದ್ಧ ಕ್ರಮ ಕೈಗೊಳ್ಳಬೇಕು ಎಂದು ಪಿಎಂಕೆ ಪಕ್ಷದ ಶಾಸಕರು ಆಗ್ರಹಿಸಿದ್ದಾರೆ.

ಸಿಎಸ್‌ಕೆ ಫ್ರಾಂಚೈಸಿ ತನ್ನ 27 ಸದಸ್ಯರ ತಂಡದಲ್ಲಿ ಒಬ್ಬ ತಮಿಳು ಆಟಗಾರನನ್ನು ಉಳಿಸಿಕೊಂಡಿಲ್ಲ ಎಂದು ಪಿಎಂಕೆ ಹಿರಿಯ ನಾಯಕರೊಬ್ಬರು ಹೇಳಿದ್ದಾರೆ. ತಮಿಳುನಾಡು ಹೆಸರನ್ನು ಬಳಸಿಕೊಂಡು ಸಿಎಸ್​ಕೆ ಭಾರಿ ಆದಾಯ ಗಳಿಸುತ್ತಿದೆ, ಆದರೆ ತಮಿಳುನಾಡು ಆಟಗಾರರನ್ನು ಬದಿಗೊತ್ತಿದೆ.

ತಮಿಳುನಾಡು ತಂಡ ಎಂದು ಪ್ರಚಾರ ಮಾಡುವ ಮೂಲಕ ನಮ್ಮ ಜನರಿಂದ ಲಾಭ ಪಡೆಯುತ್ತಿದ್ದಾರೆ, ಆದರೆ ರಾಜ್ಯದ ಪ್ರತಿಭಾವಂತ ಆಟಗಾರರಿಗೆ ಅವಕಾಶ ನೀಡುತ್ತಿಲ್ಲ ಎಂದು ಆರೋಪಿಸಿದ್ದಾರೆ.

ಚೆನ್ನೈ ಸೂಪರ್ ಕಿಂಗ್ಸ್ ತಂಡ ಇದುವರೆಗೆ 4 ಐಪಿಎಲ್ ಪ್ರಶಸ್ತಿಗಳನ್ನು ಗೆದ್ದಿದೆ. 2010, 2011, 2018, 2021ರಲ್ಲಿ ಚೆನ್ನೈ ಐಪಿಎಲ್ ಗೆದ್ದಿತ್ತು. ಚೆನ್ನೈ ಐಪಿಎಲ್‌ನಲ್ಲಿ ಅತಿ ಹೆಚ್ಚು ಗೆಲುವಿನ ಶೇಕಡಾವಾರು ಹೊಂದಿರುವ ತಂಡವಾಗಿದೆ. ಆದರೆ ಹೆಚ್ಚಿನ ಟ್ರೋಫಿಗಳ ವಿಷಯದಲ್ಲಿ, ಮುಂಬೈ 5 ಕಪ್‌ಗಳೊಂದಿಗೆ ಅಗ್ರಸ್ಥಾನದಲ್ಲಿದೆ.