IND vs PAK: ಅಮೆರಿಕಾದಲ್ಲಿ ನಡೆಯುತ್ತಾ ಭಾರತ-ಪಾಕಿಸ್ತಾನ ಪಂದ್ಯ? ಐಸಿಸಿ ಮೆಗಾ ಪ್ಲ್ಯಾನ್​!

   2024ರ T20 ವಿಶ್ವಕಪ್‌ಗಾಗಿ ಆಕ್ಲೆಂಡ್, ಫ್ಲೋರಿಡಾ ಮತ್ತು ಲಾಸ್ ಏಂಜಲೀಸ್‌ನಂತಹ ಕೆಲವು ನಗರಗಳಿಗೆ ICC ಪರಿಶೀಲನಾ ತಂಡ ಭೇಟಿ ನೀಡಿತ್ತು. ವಾಸ್ತವವಾಗಿ, ಮುಂದಿನ ವರ್ಷದ T20 ವಿಶ್ವಕಪ್ ಅನ್ನು ಅಮೆರಿಕ ಮತ್ತು ವೆಸ್ಟ್ ಇಂಡೀಸ್ ಕ್ರಿಕೆಟ್ ಜಂಟಿಯಾಗಿ ಆಯೋಜಿಸಲಿದೆ. ಅಮೆರಿಕ ಕ್ರಿಕೆಟ್ ಅಧ್ಯಕ್ಷ ಅತುಲ್ ರೈ ಈ ಮಾಹಿತಿ ನೀಡಿದ್ದಾರೆ.

ಇದರೊಂದಿಗೆ 2024ರ ಟಿ20 ವಿಶ್ವಕಪ್‌ನಲ್ಲಿ ಅಮೆರಿಕದಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವಿನ ಪಂದ್ಯವನ್ನು ನಡೆಸುವ ಸಾಧ್ಯತೆ ಹೆಚ್ಚಿದೆ. ICC ಟೂರ್ನಮೆಂಟ್‌ನ ಅತಿದೊಡ್ಡ ಪಂದ್ಯ ಎಂದರೆ ಅದು ಭಾರತ vs ಪಾಕಿಸ್ತಾನ ಪಂದ್ಯವಾಗಿದೆ. ಎರಡೂ ತಂಡಗಳ ವೀಕ್ಷಕರನ್ನು ಪರಿಗಣಿಸಿ ವೆಸ್ಟ್ ಇಂಡೀಸ್‌ ಬದಲಿಗೆ ಅಮೇರಿಕಾದಲ್ಲಿ ಪಂದ್ಯ ನಡೆಯಬಹುದು.

ಪಿಟಿಐಗೆ ನೀಡಿದ ಸಂದರ್ಶನದಲ್ಲಿ ಅತುಲ್ ರೈ, ‘ಭಾರತ ಮತ್ತು ಪಾಕಿಸ್ತಾನ ಪಂದ್ಯಕ್ಕೆ ವಿಶ್ವದ ಎಲ್ಲಡೆ ಉತ್ತಮ ಕ್ರೇಜ್​ ಇದೆ. ಹೀಗಾಗಿ ಇಂತಹ ಮಹತ್ವದ ಪಂದ್ಯವನ್ನು ಅಮೇರಿಕಾದಲ್ಲಿ ಮಾಡುವ ಆಲೋಚನೆ ಇದೆ‘ ಎಂದು ಹೇಳಿದ್ದಾರೆ. ಅಲ್ಲದೇ ಅಮೆರಿಕಾದಲ್ಲಿ ಭಾರತದ ಲಕ್ಷಾಂತರ ಜನ ವಾಸಿಸುತ್ತಿದ್ದಾರೆ.

ಅಮೆರಿಕಾದಲ್ಲಿ 2024ರಲ್ಲಿ ಟಿ20 ವಿಶ್ವಕಪ್​ ನಡೆದರೆ ಅದು ಅಮೆರಿಕಾದಲ್ಲಿ ನಡೆಯುಲಿರುವ ಜಾಗತಿಕ ಪಂದ್ಯಾವಳಿಯ ಮೊದಲ ಪಂದ್ಯಾವಳಿಯಾಗಿದೆ. ಆದರೆ ಕೆರಿಬಿಯನ್ ಈಗಾಗಲೇ 50 ಓವರ್ (2007) ಮತ್ತು T20 ವಿಶ್ವಕಪ್ ಅನ್ನು ಆಯೋಜಿಸಿದೆ.

ಯುನೈಟೆಡ್ ಸ್ಟೇಟ್ಸ್‌ನ ಹೆಚ್ಚಿನ ಕ್ರೀಡಾಂಗಣಗಳನ್ನು ಬೇಸ್‌ಬಾಲ್‌ಗಾಗಿ ನಿರ್ಮಿಸಲಾಗಿದೆ. ಅವು ಗಾತ್ರದಲ್ಲಿ ಚಿಕ್ಕದಾಗಿರುತ್ತವೆ ಮತ್ತು ಹೆಚ್ಚಿನ ಆಸನ ಸಾಮರ್ಥ್ಯವನ್ನು ಹೊಂದಿರುತ್ತದೆ. ಆದರೆ ಲಾಸ್ ಏಂಜಲೀಸ್‌ನ ಮೈದಾನದಲ್ಲಿ ಈಗಾಗಲೇ ಭಾರತ ಎ ತಂಡ ಆಸ್ಟ್ರೇಲಿಯಾ ವಿರುದ್ಧ ಐದು ಪಂದ್ಯಗಳನ್ನು ಆಡಿದೆ. ಇದು ಕ್ರಿಕೆಟ್ ಮೈದಾನವಾಗಿದೆ ಮತ್ತು ವೀಕ್ಷಕರ ಸಾಮರ್ಥ್ಯವೂ ತುಂಬಾ ಉತ್ತಮವಾಗಿದೆ.

ದೇಶದ ಅತಿ ಹೆಚ್ಚು ಜನಸಂಖ್ಯೆ ಹೊಂದಿರುವ ನ್ಯೂಯಾರ್ಕ್‌ನಲ್ಲಿಯೂ ಪಂದ್ಯವನ್ನು ನಡೆಸುವ ಸಾಧ್ಯತೆಯ ಬಗ್ಗೆ ಅತುಲ್ ರೈ ಮಾತನಾಡಿದರು. ಏಷ್ಯನ್ ಉಪಖಂಡದೊಂದಿಗಿನ ಸಮಯ ವಲಯದ ವ್ಯತ್ಯಾಸವನ್ನು ಪರಿಗಣಿಸಿ ಪಂದ್ಯದ ಸಂಭವನೀಯ ಸಮಯದ ಬಗ್ಗೆ ಮಾಹಿತಿ ನೀಡುವುದಾಗಿ ಹೇಳಿದ್ದಾರೆ.

ಇನ್ನು, ಏಷ್ಯಾಕಪ್ ಕುರಿತು ಮಾತನಾಡುತ್ತಾ, ಪಂದ್ಯಗಳು ಸೆಪ್ಟೆಂಬರ್‌ನಲ್ಲಿ ನಡೆಯಲಿವೆ. ಇದನ್ನು ಪಾಕಿಸ್ತಾನ ಆಯೋಜಿಸಲಿದೆ. ಆದರೆ ಭಾರತವು ಪಾಕಿಸ್ತಾನಕ್ಕೆ ಹೋಗಲು ನಿರಾಕರಿಸಿದೆ. ಅಂತಹ ಪರಿಸ್ಥಿತಿಯಲ್ಲಿ, ಪಂದ್ಯಗಳನ್ನು ತಟಸ್ಥ ಸ್ಥಳದಲ್ಲಿ ನಡೆಸಬಹುದು. ಭಾರತ ಮತ್ತು ಪಾಕಿಸ್ತಾನ ಒಂದೇ ಗುಂಪಿನಲ್ಲಿದೆ.

ಇದರ ಜೊತೆಗೆ ಈ ಬಾರಿ ಏಕದಿನ ವಿಶ್ವಕಪ್​ ಭಾರತದಲ್ಲಿ ನಡೆಯುತ್ತಿದ್ದು, ನಾಕೌಟ್‌ನಲ್ಲಿ ಭಾರತ ಮತ್ತು ಪಾಕಿಸ್ತಾನ ನಡುವೆ ಪಂದ್ಯ ನಡೆಯಲಿದೆ. ಹೀಗಾಗಿ ಈ ಬಾರಿ ಕನಿಷ್ಠ ಉಭಯ ತಂಡಗಳು 2 ಬಾರಿ ಮುಖಾಮುಖಿ ಆಗಲಿದೆ.