Smriti Mandhana: ಸ್ಮೃತಿ ಮಂಧಾನಗೆ ಆ ಬಾಲಿವುಡ್​ ನಟನ ಮೇಲೆ ಕ್ರಶ್​ ಆಗಿತ್ತಂತೆ!

ಮಹಿಳಾ ಟಿ20 ವಿಶ್ವಕಪ್​ 2023ರಲ್ಲಿ ಭಾರತ ಮಹಿಳಾ ತಂಡ ಸೆಮೀಸ್​ನಲ್ಲಿ ಆಸ್ಟ್ರೇಲಿಯಾ ವಿರುದ್ಧ 5 ರನ್​ಗಳಿಂದ ಸೋತಿತು. ಇದಾದ ಬಳಿಕ ಸ್ಮೃತಿ ಅವರ ವಿಡಿಯೋ ಸದ್ಯ ವೈರಲ್ ಆಗುತ್ತಿದೆ. ಇದರಲ್ಲಿ ಸ್ಮೃತಿ ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಹಲವು ವಿಷಯಗಳನ್ನು ಬಹಿರಂಗಪಡಿಸಿದ್ದಾರೆ.

ಸ್ಮೃತಿಯ ಸೌಂದರ್ಯ ಮತ್ತು ಅವರ ಆಟವು ಅನೇಕರ ಮೆಚ್ಚುಗೆಗೆ ಪಾತ್ರವಾಗಿದೆ. ಅಲ್ಲದೇ ಅವರು ಅನೇಕ ಯುವಕರ ಕ್ರಶ್ ಆಗಿದ್ದಾರೆ ಎಂದರೂ ತಪ್ಪಾಗಲಾರದು. ಆದರೆ ಸಂದರ್ಶನವೊಂದರಲ್ಲಿ ಸ್ಮೃತಿ ತಮ್ಮ ಕ್ರಶ್ ಯಾರೆಂದು ಹೇಳಿಕೊಂಡಿದ್ದಾರೆ.

ಅಮೆಜಾನ್ ಪ್ರೈಮ್‌ನಲ್ಲಿ ಸ್ಮೃತಿಗೆ ಕೆಲವು ರ‍್ಯಾಪಿಡ್ ಫೈರ್​ ಪ್ರಶ್ನೆಗಳನ್ನು ಕೇಳಲಾಯಿತು. ಸ್ಮೃತಿ ಅವರ ಸೆಲೆಬ್ರಿಟಿ ಕ್ರಶ್ ಯಾರು ಎಂದು ಕೇಳಲಾಯಿತು. ಆ ಸಮಯದಲ್ಲಿ ಸ್ಮೃತಿ ಒಂದು ಸೆಕೆಂಡ್ ತೆಗೆದುಕೊಳ್ಳದೆ ಬಾಲಿವುಡ್ ಸೂಪರ್ ಸ್ಟಾರ್​ ಹೆಸರನ್ನು ತಿಳಿಸಿದ್ದಾರೆ.

ಹೌದು, ಹೀರೋ ಹೃತಿಕ್ ರೋಷನ್ ಹೆಸರನ್ನು ಹೇಳಿದ್ದಾರೆ. ನಟ ಹೃತಿಕ್ ರೋಷನ್ ಅವರು ಸ್ಮೃತಿ ಅವರ ಸೆಲೆಬ್ರಿಟಿ ಕ್ರಶ್ ಎಂದು ಹೇಳಿಕೊಂಡಿದ್ದಾರೆ. ಅವರೆಂದರೆ ನನಗೆ ತುಂಬಾ ಇಷ್ಟ ಎಂದು ಅವರು ಹೇಳಿದ್ದಾರೆ.

ಇದರೊಂದಿಗೆ ಸ್ಮೃತಿ ರ‍್ಯಾಪಿಡ್ ಫೈರ್ ರೌಂಡ್​ನಲ್ಲಿ ಹಲವು ಪ್ರಶ್ನೆಗಳಿಗೆ ಉತ್ತರಿಸಿದರು. ನೀವು ಕ್ರಿಕೆಟಿಗರಾಗಿರದಿದ್ದರೆ ಏನು ಮಾಡುತ್ತಿದ್ದೀರಿ ಎಂದು ಸ್ಮೃತಿ ಅವರನ್ನು ಕೇಳಲಾಯಿತು. ಆಗ ನಾನು ಕ್ರಿಕೆಟಿಗನಲ್ಲದಿದ್ದರೆ ಬಾಣಸಿಗನಾಗುತ್ತಿದ್ದೆ ಎಂದು ಸ್ಮೃತಿ ಹೇಳಿದ್ದಾರೆ. ನನಗೆ ಅಡುಗೆ ಮಾಡುವುದು ತುಂಬಾ ಇಷ್ಟ ಎಂದು ಸ್ಮೃತಿ ಹೇಳಿದ್ದಾರೆ.

ಇನ್ನು, ಪುರುಷ ಪ್ರಧಾನ ಕ್ರಿಕೆಟ್ ಸಮಾಜದಲ್ಲಿಯೂ ಸ್ಮೃತಿ ಮಂದಾನ ಮಹಿಳಾ ಕ್ರಿಕೆಟ್​ನಲ್ಲಿ ಅಪಾರ ಕ್ರೇಜ್ ಹೊಂದಿದ್ದಾರೆ. ಸ್ಮೃತಿ ಮಂದಾನ ಜುಲೈ 18, 1996 ರಂದು ಮುಂಬೈನಲ್ಲಿ ಜನಿಸಿದರು. ತನ್ನ ಬ್ಯಾಟಿಂಗ್ ಜೊತೆಗೆ ತನ್ನ ಸೌಂದರ್ಯದಿಂದ ಸಖತ್ ಸುದ್ದಿಯಲ್ಲಿರುತ್ತಾರೆ.

ಇನ್‌ಸ್ಟಾಗ್ರಾಮ್‌ನಲ್ಲಿ 70 ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಹೊಂದಿರುವ ಏಕೈಕ ಮಹಿಳಾ ಕ್ರಿಕೆಟ್​ ಆಟಗಾರ್ತಿ ಮಂದಾನಾ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಅಭಿಮಾನಿಗಳು ಮಂಧಾನ ಅವರನ್ನು ಬಾಲಿವುಡ್ ನಾಯಕಿಯರೊಂದಿಗೆ ಹೋಲಿಸುತ್ತಾರೆ.

ಕ್ರಿಕೆಟ್ ನಲ್ಲಿ ಅಗ್ರಸ್ಥಾನದಲ್ಲಿರುವ ಸ್ಮೃತಿ ಆದಾಯದಲ್ಲೂ ಉತ್ತಮವಾಗಿ ಗಳಿಸುತ್ತಿದ್ದಾರೆ. ಸ್ಮೃತಿ ಸಾಮಾನ್ಯವಾಗಿ ಯಾವುದೇ ಬ್ರ್ಯಾಂಡ್ ಅನ್ನು ಪ್ರಚಾರ ಮಾಡಲು ವರ್ಷಕ್ಕೆ ಕನಿಷ್ಠ 50 ಲಕ್ಷ ರೂಪಾಯಿಗಳನ್ನು ತೆಗೆದುಕೊಳ್ಳುತ್ತಾರೆ.