Shubman Gill: ರಶ್ಮಿಕಾ ಇಷ್ಟ ಅಂತ ನಾನು ಹೇಳೇ ಇಲ್ಲ, ವೈರಲ್​ ಸುದ್ದಿಗೆ ಫುಲ್​ಸ್ಟಾಪ್​ ಇಟ್ಟ ಸ್ಟಾರ್​ ಪ್ಲೇಯರ್​!

ಕ್ರಿಕೆಟ್ ಹಾಗೂ ಬಾಲಿವುಡ್​ಗೆ ತೀರದ ನಂಟು. ಅದೆಷ್ಟೋ ಮಂದಿ ಕ್ರಿಕೆಟಿಗರು ಬಾಲಿವುಡ್​ ನಟಿಯರನ್ನು ಮದುವೆಯಾಗಿರುವುದನ್ನು ನೋಡಿದ್ದೇವೆ. ಅದರಲ್ಲೂ ಈ ಕ್ರಿಕೆಟಿಗರು ಹಾಗೂ ನಟಿಯರ ನಡುವೆ ಬರೋ ಗಾಸಿಪ್​ ಹೆಚ್ಚೇ ಇರುತ್ತೆ ಎಂದರೆ ತಪ್ಪಾಗಲ್ಲ.

ಈಗಿನ ಯುವ ಕ್ರಿಕೆಟ್ ಪೀಳಿಗೆಯೂ ಇದಕ್ಕೆ ಹೊರತಲ್ಲ. ಇತ್ತೀಚೆಗೆ ಸ್ಟಾರ್ ಕ್ರಿಕೆಟಿಗನೊಬ್ಬ ತಮಗೆ ನಟಿ ರಶ್ಮಿಕಾ ಕಂಡರೆ ಇಷ್ಟ ಎಂದು ಹೇಳಿಕೊಂಡಿದ್ದಾರೆ ಅಂತ ಸುದ್ದಿಯಾಗಿತ್ತು.

ಬಾಲಿವುಡ್ ನಟಿ ಸಾರಾ ಅಲಿ ಖಾನ್ (Sara Ali Khan) ಜೊತೆಗೆ ಹೆಚ್ಚಾಗಿ ಹೆಸರು ಕೇಳಿ ಬರುತ್ತಿರುವ ಭಾರತದ ಭರವಸೆಯ ಯುವ ಕ್ರಿಕೆಟರ್ ಶುಭ್ಮನ್ ಗಿಲ್ (Shubman Gill), ಇತ್ತೀಚೆಗೆ ಮಾಧ್ಯಮದವರ ಮುಂದೆ ತಮಗೆ ನಟಿ ರಶ್ಮಿಕಾ ಮಂದಣ್ಣ (Rashmika Mandanna) ಎಂದರೆ ಇಷ್ಟ ಅಂತ ಹೇಳಿದ್ದರು ಅಂತ ಸುದ್ದಿಯಾಗಿತ್ತು.

ಆದರೆ ಈ ಬಗ್ಗೆ ಸ್ವತಃ ಶುಭ್​ಮನ್​ ಗಿಲ್​ ಸ್ಪಷ್ಟನೆ ಕೊಟ್ಟಿದ್ದಾರೆ. ಸೋಷಿಯಲ್​ ಮೀಡಿಯಾದಲ್ಲಿ ಕಾಮೆಂಟ್​ ಮಾಡುವ ಮೂಲಕ ಸಖತ್​ ರಿಪ್ಲೈ ಕೊಟ್ಟಿದ್ದಾರೆ ಶುಭ್​ಮನ್​ ಗಿಲ್​.

'ನಾನು ಯಾವಾಗ ಈ ರೀತಿ ಹೇಳಿದ್ದೇನೆ, ನನಗೆ ಗೊತ್ತಿಲ್ಲ. ಎಲ್ಲಿಯೂ ನಾನು ಇದರ ಬಗ್ಗೆ ಮಾತಾಡಿಲ್ಲ' ಅಂತ ಯೋಚನೆ ಮಾಡ್ತಿರುವ ಎಮೋಜಿ ಹಾಕಿ ಕಾಮೆಂಟ್ ಮಾಡಿದ್ದಾರೆ.

ಶುಭ್​ಮನ್ ಗಿಲ್​ ಇತ್ತೀಚಿನ ನೀಡಿದ ಮಾಧ್ಯಮ ಸಂವಾದದಲ್ಲಿ ಅವರಿಗೆ ನಿಮಗೆ ಯಾವ ನಟಿಯೆಂದರೆ ಇಷ್ಟ? ಯಾರ ಮೇಲೆ ಕ್ರಶ್ ಇದೆ ಎಂಬ ಪ್ರಶ್ನೆ ಎದುರಾಗಿತ್ತು.

ಅಸಲಿಗೆ ಶುಭ್​ಮನ್ ಗಿಲ್ ಹೆಸರು ಬಾಲಿವುಡ್ ನಟಿ ಸಾರಾ ಅಲಿ ಖಾನ್ ಜೊತೆಗೆ ಹೆಚ್ಚು ಕೇಳಿ ಬರುತ್ತಿದೆ. ಇವರಿಬ್ಬರೂ ಡೇಟಿಂಗ್ ನಡೆಸುತ್ತಿದ್ದಾರೆ ಎಂಬ ಗಾಸಿಪ್ ಸಹ ಹರಿದಾಡುತ್ತಿದೆ.