Shubman Gill: ಸಾರಾ ಜೊತೆ ಮತ್ತೆ ಕಾಣಿಸಿಕೊಂಡ ಶುಭಮನ್, ಈ ಬಾರಿ ಆ ಸಾರಾ ಅಲ್ಲ, ಮತ್ತೊಂದು ಸಾರಾ!

ವಿಶ್ವದಾದ್ಯಂತ ಪ್ರೇಮಿಗಳ ದಿನವನ್ನು ಸಂಭ್ರಮದಿಂದ ಆಚರಿಸಲಾಯಿತು. ಅನೇಕ ಸೆಲೆಬ್ರಿಟಿಗಳು ತಮ್ಮ ವ್ಯಾಲೆಂಟೈನ್ ಜೊತೆ ಪ್ರೀತಿಯ ದಿನವನ್ನು ಆಚರಿಸಿದರು ಮತ್ತು ತಮ್ಮ ಫೋಟೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದಾರೆ.

ಇದರ ನಡುವೆ ಭಾರತದ ಯುವ ಸ್ಟಾರ್ ಕ್ರಿಕೆಟಿಗ ಶುಭಮನ್ ಗಿಲ್ ಮತ್ತು ಸಾರಾ ತೆಂಡೂಲ್ಕರ್ ಅವರ ಫೋಟೋವೊಂದು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಈ ಫೋಟೋದಿಂದ ನೆಟಿಜನ್‌ಗಳು ಶುಭಮನ್ ಮತ್ತು ಸಾರಾ ಪ್ರೇಮಿಗಳ ದಿನದಂದು ಡೇಟ್‌ಗೆ ಹೋಗಿದ್ದಾರೆ ಎಂದು ಹೇಳಲಾಗುತ್ತಿದೆ.

ಶುಭ್​ಮನ್ ಮತ್ತು ಸಾರಾ ತೆಂಡೂಲ್ಕರ್ ಪರಸ್ಪರ ಡೇಟಿಂಗ್ ಮಾಡುತ್ತಿದ್ದಾರೆ ಎಂಬ ವದಂತಿಗಳು ಕಳೆದ ಹಲವಾರು ತಿಂಗಳುಗಳಿಂದ ಹರಿದಾಡುತ್ತಿವೆ. ಅಲ್ಲದೆ, ಶುಭ್​ಮನ್ ಮತ್ತು ನಟಿ ಸಾರಾ ಅಲಿ ಖಾನ್ ಅವರ ಅನೇಕ ಫೋಟೋಗಳು ವೈರಲ್ ಆಗಿದ್ದವು.

ಸಾರಾ ಮತ್ತು ಶುಭಮನ್ ಗಿಲ್ ಡೇಟಿಂಗ್ ಮಾಡುತ್ತಿರುವ ಬಗ್ಗೆ ಯಾವಾಗಲೂ ಚರ್ಚೆಯಾಗುತ್ತಿರುತ್ತದೆ. ಆದರೆ ಈ ಬಗ್ಗೆ ಶುಭಮನ್ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಆದರೆ ಪ್ರೇಮಿಗಳ ದಿನದಂದು ಶುಭಮನ್ ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡ ಫೋಟೋ ಬಹಳಷ್ಟು ಚರ್ಚೆಗೆ ಕಾರಣವಾಗಿದೆ.

ಶುಭಮನ್ ಗಿಲ್ ಪ್ರೇಮಿಗಳ ದಿನದಂದು ಹಂಚಿಕೊಂಡ ಫೋಟೋದಲ್ಲಿ ಲಂಡನ್‌ನ ಹೋಟೆಲ್‌ನಲ್ಲಿ ಕುಳಿತು ಕಾಫಿ ಸೇವಿಸುತ್ತಿದ್ದಾರೆ. ಆದರೆ ಅಚ್ಚರಿಯ ಸಂಗತಿ ಎಂದರೆ, ಕಳೆದ ಕೆಲ ತಿಂಗಳ ಹಿಂದೆ ಸಾರಾ ತೆಂಡೂಲ್ಕರ್ ಸಹ ಇದೇ ಹೋಟೆಲ್​ನಲ್ಲಿ ಇದ್ದ ಫೋಟೋ ಶೇರ್ ಆಗಿತ್ತು.

ಸಾರಾ ಸಹ ಶೇರ್​ ಮಾಡಿದ್ದ ಫೋಟೋದಲ್ಲಿರುವ ಶುಭ್​ಮನ್ ಫೋಟೋದಲ್ಲಿ ಕಾಣುತ್ತಿರುವ ಹೋಟೆಲ್ ಅದೇ ಹೋಟೆಲ್ ಆಗಿದೆ. ಹಾಗಾಗಿ ಈ ಫೋಟೋಗಳನ್ನು ತೆಗೆದಾಗ ಒಬ್ಬರಿಗೊಬ್ಬರು ಇದ್ದರು ಎಂದು ನೆಟಿಜನ್‌ಗಳು ಹೇಳುತ್ತಿದ್ದಾರೆ.

ಶುಭ್​ಮನ್ ಹೆಸರು ಕ್ರಿಕೆಟ್​ ದೇವರು ಸಚಿನ್​ ಪುತ್ರಿ ಸಾರಾ ತೆಂಡೂಲ್ಕರ್​ ಜೊತೆಯೂ ಕೇಳಿಬರುತ್ತಿದೆ. ಇವರಿಬ್ಬರ ವಯಸ್ಸಿನ ಅಂತದಲ್ಲಿಯೂ ಸಹ ಗಿಲ್​ ಚಿಕ್ಕವರಾಗಿದ್ದಾರೆ. ಶುಭ್​ಮನ್​ ಅವರಿಗೆ 23 ವರ್ಷ ವಯಸ್ಸಾದರೆ, ಸಾರಾ ತೆಂಡೂಲ್ಕರ್​ಗೆ 25 ವರ್ಷ ವಯಸ್ಸಾಗಿದೆ.

ಆದರೆ, ಶುಭ್​ಮನ್​​ ಹೆಸರು ಮಾತ್ರ ಇಬ್ಬರು ಸಾರಾ ಎನ್ನುವವರ ಜೊತೆ ಕೇಳಿಬರುತ್ತಿರುವುದರಿಂದ ಗಿಲ್​ ಅವರಿಗೆ ಸಾರಾ ಎಂಬ ಹೆಸರಿನ ಜೊತೆ ಅವಿನಾಭಾವ ಸಂಬಂಧವಿದೆ ಎಂದು ನೆಟ್ಟಿಗರು ತಮಾಷೆಯ ಪೋಸ್ಟ್​ ಗಳನ್ನು ಆಗ್ಗಾಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುತ್ತಿರುತ್ತಾರೆ.