Shikhar Dhawan: ಹೆಚ್​​ಐವಿ ಟೆಸ್ಟ್​ ಮಾಡಿಸಿಕೊಂಡಿದ್ರಂತೆ ಟೀಂ ಇಂಡಿಯಾ ಗಬ್ಬರ್ ಸಿಂಗ್​! ಏನಿದು ಧವನ್​ ಜೀವನದ ಸೀಕ್ರೆಟ್​​?

ಟೀಂ ಇಂಡಿಯಾದ ಅನುಭವಿ ಆಟಗಾರ ಶಿಖರ್ ಧವನ್ ಅವರು ಕೆಲವು ಹಚ್ಚೆಗಳನ್ನು ಹೊಂದಿದ್ದಾರೆ. ಹಲವು ಹಚ್ಚೆಗಳನ್ನು ಅವರು ಹದಿಹರೆಯದ ವಯಸ್ಸಿನಲ್ಲೇ ಹಾಕಿಸಿಕೊಂಡಿದ್ದಾಗಿ ಇತ್ತೀಚೆಗೆ ಭಾಗಿಯಾಗಿದ್ದ ಸಂದರ್ಭದಲ್ಲಿ ರಿವೀಲ್​ ಮಾಡಿದ್ದಾರೆ.

ಹದಿಹರೆಯದ ವಯಸ್ಸಿನಲ್ಲೇ ಧವನ್​​ ಹಚ್ಚೆಗಳನ್ನು ಹಾಕಿಸಿಕೊಂಡ ಪರಿಣಾಮ ಅವುಗಳನ್ನು ಮನೆಯವರಿಗೆ ತಿಳಿಯದಂತೆ ಮರೆಮಾಚಲು ಸಾಕಷ್ಟು ಕಷ್ಟಪಟ್ಟಿದ್ದರಂತೆ. ಆದರೆ ಅವರಿಗೆ ಮನೆಯಲ್ಲಿ ಏನಾದರೂ ಬೈಯುತ್ತಾರೆ ಅನ್ನೋ ಭಯಕ್ಕಿಂತ ಬೇರೆಯದ್ದೆ ಚಿಂತೆ ಕಾಡುತಿತ್ತಂತೆ.

ಈ ಕುರಿತಂತೆ ಇತ್ತೀಚೆಗೆ ಆಜ್ ತಕ್‌ ಮಾಧ್ಯಮದ 'ಸೀಧಿ ಬಾತ್' ಕಾರ್ಯಕ್ರಮದಲ್ಲಿ ಮಾತನಾಡಿದ ಶಿಖರ್ ಧವನ್, ಹಚ್ಚೆಗೆ ಯಾವ ಯಾವ ಸೂಜಿ ಬಳಸಿದ್ದಾರೋ ಎಂಬ ಭಯದಿಂದ ಹೆಚ್‌ಐವಿ ಪರೀಕ್ಷೆಯನ್ನು ಮಾಡಿಸಿಕೊಂಡಿದ್ದೆ ಎಂಬ ಅಂಶವನ್ನು ತೆರೆದಿಟ್ಟಿದ್ದಾರೆ.

ಈ ಕುರಿತಂತೆ ಮಾತನಾಡಿರುವ ಧವನ್​​, ನಾನು 14 ಮತ್ತು 15ನೇ ವಯಸ್ಸಿನಲ್ಲಿ ಮನಾಲಿಗೆ ಹೋಗಿದ್ದೆ. ಆ ವೇಳೆ ಮನೆಯವರಿಗೆ ತಿಳಿಯದಂತೆ ಬೆನ್ನ ಮೇಲೆ ಹಚ್ಚೆ ಹಾಕಿಸಿಕೊಂಡಿದ್ದೆ. ಅದನ್ನು ಮನೆಯವರಿಂದ 3 ರಿಂದ 4 ತಿಂಗಳು ಮುಚ್ಚಿಟ್ಟಿದ್ದೆ. ಆ ಬಳಿಕ ಈ ವಿಚಾರ ನನ್ನ ತಂದೆಗೆ ತಿಳಿದು ನಾಲ್ಕು ಬಾರಿಸಿದ್ದರು ಎಂದು ಹೇಳಿದ್ದಾರೆ.

ಅಲ್ಲದೆ, ಹಚ್ಚೆ ಹಾಕಿಸಿಕೊಂಡ ಬಳಿಕ ನನಗೆ ಭಯ ಕಾಡಲು ಆರಂಭಿಸಿತ್ತು. ಏಕೆಂದರೆ ಹೆಚ್ಚೆ ಹಾಕಿಸಿಕೊಳ್ಳುವಾಗ ಬಳಸಿದ್ದ ಸೂಜಿಯನ್ನು ಯಾರು ಯಾರಿಗೆ ಬಳಸಿದ್ದರು ಅಂತ ಎಂಬ ಬಗ್ಗೆ ಯಾವುದೇ ಸುಳಿವು ಇರಲಿಲ್ಲ. ಆದ್ದರಿಂದ ನಾನು ಹೆಚ್‌ಐವಿ ಪರೀಕ್ಷೆಯನ್ನು ಮಾಡಿಸಿದ್ದೆ. ಇಂದಿಗೂ ನನ್ನ ಹೆಚ್​ಐವಿ ರಿಪೋರ್ಟ್​​ ನೆಗೆಟಿವ್​ ಎಂದು ಧವನ್​ ನಗು ಚೆಲ್ಲಿದ್ದರು.

ಇನ್ನು, ಸಂದರ್ಶನದಲ್ಲಿ ಟೀಂ ಇಂಡಿಯಾದ ಗಬ್ಬರ್ ಸಿಂಗ್​ ಖ್ಯಾತಿಯ ತಮ್ಮ ಮಾಜಿ ಪತ್ನಿ ಆಯೇಷಾ ಮುಖರ್ಜಿ ಜೊತೆಗಿನ ವಿಚ್ಛೇದನದ ಬಗ್ಗೆಯೂ ಮೌನ ಮುರಿದಿದ್ದಾರೆ. ಅಲ್ಲದೆ ತಮ್ಮ ಜೀವನದ ಹಲವು ವೈಯಕ್ತಿಕ ಸಂಗತಿಗಳನ್ನು ಬಿಚ್ಚಿಟ್ಟಿದ್ದಾರೆ.

ಸದ್ಯ ಶಿಖರ್ ಧವನ್​ ಅವರು ವಿಶ್ವಕಪ್​​ ಆಡುವ ಟೀಂ ಇಂಡಿಯಾ ತಂಡದಲ್ಲಿ ಸ್ಥಾನ ಪಡೆಯುವ ಸಾಧ್ಯತೆ ಕಡಿಮೆ ಇದ್ದು, ಮುಂಬರುವ ಐಪಿಎಲ್​​ 2023ರ ಆವೃತ್ತಿಯ ಮೇಲೆ ತಮ್ಮ ಗಮನವನ್ನು ಕೇಂದ್ರಿಕರಿಸಿದ್ದಾರೆ. ಏಕೆಂದರೆ ಐಪಿಎಲ್​​ನಲ್ಲಿ ಧವನ್​​ ನೀಡುವ ಪ್ರದರ್ಶನ ಅವರಿಗೆ ವಿಶ್ವಕಪ್​ ತಂಡದಲ್ಲಿ ಸ್ಥಾನವನ್ನು ಪಡೆಯುವ ಅವಕಾಶವನ್ನು ನೀಡಬಹುದಾಗಿದೆ.