Shardul Thakur Marriage: ವೈವಾಹಿಕ ಜೀವನಕ್ಕೆ ಕಾಲಿಟ್ಟ ಟೀಂ ಇಂಡಿಯಾ ಸ್ಟಾರ್​​ ಆಟಗಾರ, ನವಜೋಡಿಯ ಕ್ಯೂಟ್​ ಫೋಟೋಸ್ ನೀವೂ ನೋಡಿ​

ಭಾರತ ತಂಡದ ಆಲ್ ರೌಂಡರ್ ಶಾರ್ದೂಲ್ ಠಾಕೂರ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಶಾರ್ದೂಲ್ ಮುಂಬೈನಲ್ಲಿ ತನ್ನ ಗೆಳತಿ ಮಿಥಾಲಿ ಪಾರುಲ್ಕರ್ ಅವರನ್ನು ವಿವಾಹವಾದರು. ಇಬ್ಬರಿಗೂ ಮರಾಠಿ ಪದ್ಧತಿಯಂತೆ ಮದುವೆ ಮಾಡಲಾಯಿತು. ಈ ವೇಳೆ ಇಬ್ಬರ ಮದುವೆಯ ಚಿತ್ರಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ.

ಈ ವರ್ಷ ಭಾರತ ತಂಡದ ಮೂರನೇ ಸ್ಟಾರ್​ ಆಟಗರಾ ಮದುವೆಯಾಗುತ್ತಿದ್ದಾರೆ. ಮೊದಲನೆಯದಾಗಿ, ಕೆಎಲ್ ರಾಹುಲ್ ಮತ್ತು ಆಥಿಯಾ ಶೆಟ್ಟಿ ಅವರ ವಿವಾಹವು ನಡೆಯಿತು. ಇದಾದ ನಂತರ ಆಲ್ ರೌಂಡರ್ ಅಕ್ಷರ್ ಪಟೇಲ್ ಮೇಹಾ ಅವರನ್ನು ವಿವಾಹವಾದರು. ಇದೀಗ ಶಾರ್ದೂಲ್ ಠಾಕೂರ್ ಕೂಡ ಗರ್ಲ್ ಫ್ರೆಂಡ್ ಮಿಥಾಲಿ ಪಾರುಲ್ಕರ್ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ.

ಶಾರ್ದೂಲ್ ಮತ್ತು ಮಿಥಾಲಿ ಅವರ ಅರಿಶಿನ ಶಾಸ್ತ್ರದ ಚಿತ್ರಗಳೂ ಸಹ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದವು. ಶಾರ್ದೂಲ್ ಅವರ ಮದುವೆಯಲ್ಲಿ ಶ್ರೇಯಸ್ ಅಯ್ಯರ್ ವೇದಿಕೆಯಲ್ಲಿ ಹಾಡಿದ್ದ ವಿಡಿಯೋ ಸಹ ವೈರಲ್ ಆಗಿತ್ತು. ರೋಹಿತ್ ಶರ್ಮಾ, ರಿತಿಕಾ ಮತ್ತು ಧನಶ್ರೀ ವರ್ಮಾ ಮದುವೆಯ ಭಾಗಿಯಾಗಿದ್ದರು. ಅವರ ಚಿತ್ರಗಳು ಸಾಮಾಜಿಕ ಮಾಧ್ಯಮದಲ್ಲಿ ಟ್ರೆಂಡಿಂಗ್ ಆಗಿವೆ.

ಶಾರ್ದೂಲ್ ಠಾಕೂರ್ ಮತ್ತು ಅವರ ಗೆಳತಿ ಮಿಥಾಲಿ ಪಾರುಲ್ಕರ್ 2021 ರಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಇಬ್ಬರೂ ಮುಂಬೈನಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. ಪೂರ್ವ ನಿಗದಿತ ವೇಳಾಪಟ್ಟಿಯ ಪ್ರಕಾರ, ಇಬ್ಬರೂ T20 ವರ್ಲ್ಡ್ ನಂತರ 2022 ರಲ್ಲಿ ಮದುವೆಯಾಗಬೇಕಿತ್ತು ಆದರೆ ಕೆಲವು ಕಾರಣಗಳಿಂದ ದಿನಾಂಕವನ್ನು ಮುಂದೂಡಬೇಕಾಯಿತು. ಅದರ ನಂತರ ಈಗ ಫೆಬ್ರವರಿ 27 ರಂದು ಇಬ್ಬರೂ ವಿವಾಹವಾದರು.

ಶಾರ್ದೂಲ್ ಅವರ ಮದುವೆಯ ಚಿತ್ರಗಳು ಅಧಿಕೃತವಾಗಿ ಇನ್ನೂ ಬಹಿರಂಗಗೊಂಡಿಲ್ಲ. ಶಾರ್ದೂಲ್ ಮತ್ತು ಮಿಥಾಲಿ ಮದುವೆಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಶಾರ್ದೂಲ್ ಅವರ ಫ್ಯಾನ್ ಪೇಜ್ ಮೂಲಕ ಹರಿದಾಡುತ್ತಿವೆ.

ಶಾರ್ದೂಲ್ ಪತ್ನಿ ಬಿಸಿನೆಸ್ ಮಾಡುತ್ತಿದ್ದಾರೆ. ಅವರು ತಮ್ಮದೇ ಆದ ಸ್ಟಾರ್ಟ್ಅಪ್ ಹೊಂದಿದ್ದಾರೆ. ಇಬ್ಬರೂ ಬಹಳ ದಿನಗಳಿಂದ ಒಬ್ಬರಿಗೊಬ್ಬರು ಪರಿಚಿತರು. ಸದ್ಯ ಶಾರ್ದೂಲ್ ವಯಸ್ಸು 31 ವರ್ಷ. ಅವರು ಭಾರತ ಪರ ಟೆಸ್ಟ್ ಮಾದರಿಯಲ್ಲಿ ಆಡುವುದಿಲ್ಲ.

ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಮೂರನೇ ಟೆಸ್ಟ್ ಪಂದ್ಯ ಮಾರ್ಚ್ 1 ರಿಂದ ನಡೆಯಲಿದೆ. ಎರಡನೇ ಟೆಸ್ಟ್ ನಂತರ ಸಾಕಷ್ಟು ವಿರಾಮವಿದೆ. ಇದರಿಂದಾಗಿ ರೋಹಿತ್ ಶರ್ಮಾ ಅವರು ಶಾರ್ದೂಲ್​ ವಿವಾಹ ಕಾರ್ಯಕ್ರಮಕ್ಕೆ ಆಗಮಿಸಿದ್ದರು. ಮುಂಬೈನ ಎಂಸಿಎ ಕಾಂಪ್ಲೆಕ್ಸ್‌ನಲ್ಲಿ ಶಾರ್ದೂಲ್ ಮತ್ತು ಮಿಥಾಲಿ ಮದುವೆ ನಡೆದಿದೆ.