Sania Mirza: ಮೂಗುತಿಯಿಂದ ಸದ್ದು, ಡ್ರೆಸ್‌ ವಿಚಾರಕ್ಕೆ ಗುದ್ದು! ವಿವಾದಗಳಿಂದಲೇ ಸಾಧನೆಯ ಶಿಖರವೇರಿದ ಸಾನಿಯಾ ಮಿರ್ಜಾ ಜರ್ನಿ ಹೇಗಿತ್ತು?

ಕ್ರಿಕೆಟ್ ಅನ್ನು ಧರ್ಮವೆಂದು ಪರಿಗಣಿಸುವ ಭಾರತದಲ್ಲಿ ಟೆನಿಸ್ ಅನ್ನು ಜನಪ್ರಿಯಗೊಳಿಸಿದ ಕೀರ್ತಿ ಸಾನಿಯಾ ಮಿರ್ಜಾ ಅವರಿಗೆ ಸಲ್ಲುತ್ತದೆ. ಕ್ರಿಕೆಟ್​ ಬಳಿಕ ಟೆನಿಸ್​ ಮೇಲೆಯೂ ಹೆಚ್ಚು ಕ್ರೇಜ್​ ಬರಲು ಸಾನಿಯಾ ಕಾರಣವೆಂದರೆ ತಪ್ಪಾಗಲಾರದು.

ಅವರು 2005ರಲ್ಲಿ ಹೈದರಾಬಾದ್‌ನಲ್ಲಿ ನಡೆದ WTA ವಿಶ್ವ ಪ್ರಶಸ್ತಿಯನ್ನು ಗೆದ್ದರು ಮತ್ತು ಮಹಿಳಾ ಸಿಂಗಲ್ಸ್‌ನಲ್ಲಿ ಈ ಸಾಧನೆ ಮಾಡಿದ ಮೊದಲ ಭಾರತೀಯ ಟೆನಿಸ್ ಆಟಗಾರ್ತಿ ಎಂಬ ಇತಿಹಾಸವನ್ನು ಸೃಷ್ಟಿಸಿದರು. ಮಹಿಳಾ ವಿಭಾಗದಲ್ಲಿ 27ನೇ ರ‍್ಯಾಂಕ್​ಗೆ ತಲುಪಿದ್ದರು. ಆದರೆ ಮಣಿಕಟ್ಟಿನ ಗಾಯವು ಅವರ ವೃತ್ತಿಜೀವನವನ್ನು ಹಾಳುಮಾಡಿತು.

ನಂತರ ಅವರು ಡಬಲ್ಸ್‌ನಲ್ಲಿ ಉತ್ತಮ ಪ್ರದರ್ಶನ ನೀಡಿದರು. ಜೊತೆಗೆ 6 ಗ್ರ್ಯಾಂಡ್ ಸ್ಲ್ಯಾಮ್ ಪ್ರಶಸ್ತಿಗಳನ್ನು ಗೆದ್ದರು. ಅವರು 2023ರ ಆಸ್ಟ್ರೇಲಿಯನ್ ಓಪನ್‌ನಲ್ಲಿ ಕೊನೆಯ ಬಾರಿ ಆಡಿದರು. ಇದೀಗ ಅವರು ತಮ್ಮ ವೃತ್ತಿ ಜೀವನಕ್ಕೆ ನಿವೃತ್ತಿ ಘೋಷಿಸಿದ್ದು, ಆಟದ ಜೊತೆಗೆ ಅವರು ವಿವಾದಗಳೂ ಸುತ್ತುವರಿದಿದ್ದವು.

ಟೆನಿಸ್ ಒಂದು ಮನಮೋಹಕ ಆಟ. ಈ ಆಟದಲ್ಲಿ ಮಹಿಳೆಯರು ಸ್ಕರ್ಟ್ ಧರಿಸಿ ಕಣಕ್ಕೆ ಇಳಿಯುತ್ತಾರೆ. ಸಾನಿಯಾ ಮಿರ್ಜಾ ಎಲ್ಲರಂತೆ ಸ್ಕರ್ಟ್ ಧರಿಸಿ ಕಣಕ್ಕೆ ಇಳಿದಾಗ ಮುಸ್ಲಿಂ ಧಾರ್ಮಿಕ ಮುಖಂಡರೂ ಇದರ ವಿರುದ್ಧ ಮಾತನಾಡಿದ್ದರು. ಅಲ್ಲದೇ ಆ ವೇಳೆ ಸಾನಿಯಾ ಅವರಿಗೆ ಫತ್ವಾ ಹೊರಡಿಸಿದ್ದರು. ಆದರೆ ಇದ್ಯಾವುದಕ್ಕೂ ತಲೆಕೆಡಿಸಿಕೊಳ್ಳದ ಸಾನಿಯಾ ತಮ್ಮ ಆಟದಿಂದ ದೇಶವೇ ಹೆಮ್ಮೆ ಪಡುವಂತೆ ಮಾಡಿದರು.

ಸಾನಿಯಾ ಮಿರ್ಜಾ ಎದುರಿಸಿದ ದೊಡ್ಡ ವಿವಾದ ಇದಾಗಿದೆ. 2008 ರಲ್ಲಿ, ಎದುರಿನ ಮೇಜಿನ ಮೇಲೆ ತನ್ನ ಪಾದಗಳನ್ನು ಇಟ್ಟು ಟೆನಿಸ್ ಪಂದ್ಯವನ್ನು ವೀಕ್ಷಿಸುತ್ತಿದ್ದಾಗ. ಅದೇ ಟೇಬಲ್ ಮೇಲೆ ಭಾರತದ ರಾಷ್ಟ್ರಧ್ವಜವಿತ್ತು. ಅವರ ಪಾದಗಳು ಧ್ವಜವನ್ನು ಸ್ಪರ್ಶಿಸುತ್ತಿರುವ ರೀತಿಯ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಿದವು. ಈ ಘಟನೆಯ ಬಗ್ಗೆ ಸಾಮಾಜಿಕ ಕಾರ್ಯಕರ್ತ ಪ್ರಕಾಶ್ ಸಿಂಗ್ ಠಾಕೂರ್ ಕೂಡ ನ್ಯಾಯಾಲಯದಲ್ಲಿ ಪ್ರಕರಣ ದಾಖಲಿಸಿದ್ದರು.

2009 ರಲ್ಲಿ, ಸಾನಿಯಾ ಮಿರ್ಜಾ ತನ್ನ ಬಾಲ್ಯದ ಸ್ನೇಹಿತ ಶೋರಬ್ ಮಿರ್ಜಾ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡರು. ಹೈದರಾಬಾದಿನಲ್ಲಿ ನಡೆದ ಈ ಕಾರ್ಯಕ್ರಮದ ನೇರ ಹಕ್ಕುಗಳನ್ನು ಮಾಧ್ಯಮವೊಂದಕ್ಕೆ ಮಾರಾಟ ಮಾಡಿದ್ದು ಆ ಕಾಲಕ್ಕೆ ಸಂಚಲನ ಮೂಡಿಸಿತ್ತು. ಆದರೆ ಈ ನಿಶ್ಚಿತಾರ್ಥ ಹೆಚ್ಚು ಕಾಲ ಉಳಿಯಲಿಲ್ಲ. ಆರು ತಿಂಗಳ ನಂತರ, ದಂಪತಿಗಳು ಬೇರ್ಪಡುವುದಾಗಿ ಘೋಷಿಸಿದರು. ಇದು ಹೊಸ ಚರ್ಚೆಗೆ ಕಾರಣವಾಗಿತ್ತು.

2012ರಲ್ಲಿ ಸಾನಿಯಾ ಮಿರ್ಜಾ ಅವರು ಪಾಕಿಸ್ತಾನಿ ಕ್ರಿಕೆಟಿಗ ಶೋಯಬ್ ಮಲಿಕ್ ಅವರನ್ನು ಮದುವೆಯಾಗುವುದಾಗಿ ಘೋಷಿಸಿ ಮತ್ತೊಂದು ವಿವಾದದ ಕೇಂದ್ರಬಿಂದುವಾಗಿದ್ದರು.ನವೆಂಬರ್ 2009ರಲ್ಲಿ ಮುಂಬೈ ದಾಳಿಯ ನಂತರ ಭಾರತ ಮತ್ತು ಪಾಕಿಸ್ತಾನ ತೀವ್ರ ಉದ್ವಿಗ್ನತೆಯಲ್ಲಿದ್ದ ಸಮಯ. ಆ ಸಮಯದಲ್ಲಿ ಆಕೆ ಪಾಕಿಸ್ತಾನಿ ವ್ಯಕ್ತಿಯನ್ನು ಮದುವೆಯಾಗುವುದು ಭಾರತೀಯರಿಗೆ ಇಷ್ಟವಿರಲಿಲ್ಲ.

ಅಲ್ಲದೆ ಆ ವೇಳೆ ಅನೇಕರು ಸಾನಿಯಾ ಅವರನ್ನು ದೇಶದ್ರೋಹಿ ಎಂದು ಕಟುವಾಗಿ ಟೀಕಿಸಲಾಗಿತ್ತು. ಸದ್ಯ ಅವರ ವೈವಾಹಿಕ ಜೀವನದ ಬಗ್ಗೆ ಹಲವು ವದಂತಿಗಳಿವೆ. ಹೇಗಾದರೂ, 17 ವರ್ಷಗಳ ಸುದೀರ್ಘ ಟೆನಿಸ್ ವೃತ್ತಿಜೀವನವು 2023 ರ ಆಸ್ಟ್ರೇಲಿಯನ್ ಓಪನ್‌ನೊಂದಿಗೆ ಕೊನೆಗೊಂಡಿದಎ. ಅಲ್ಲದೇ ಅವರು ಕ್ರೀಡಾ ಲೋಕದಿಂದ ಭಾರತಕ್ಕೆ ಹೆಮ್ಮೆ ತಂದಿದ್ದಾರೆ.