Sara Tendulkar: ಸಚಿನ್ ತೆಂಡೂಲ್ಕರ್ ಮಗಳು ಸಾರಾಗೆ ಮದ್ವೆ ಆಗಿದ್ಯಾ? ಆಕೆ ನನ್ನ ಹೆಂಡತಿ ಅಂತ ಹೇಳ್ತೀರೋ ಆ ವ್ಯಕ್ತಿ ಯಾರು?

ಸಾರಾ ತೆಂಡೂಲ್ಕರ್ ಯಾವಾಗಲೂ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯವಾಗಿರುತ್ತಾರೆ. ಅವರು ತಮ್ಮ ಮನಮೋಹಕ ಫೋಟೋಗಳನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಳ್ಳುವ ಮೂಲಕ ತಮ್ಮ ಜೀವನದ ಬಗ್ಗೆ ಯಾವಾಗಲೂ ತಮ್ಮ ಅಭಿಮಾನಿಗಳಿಗೆ ತಿಳಿಸುತ್ತಿರುತ್ತಾರೆ.

ಸಚಿನ್ ತೆಂಡೂಲ್ಕರ್ ಅವರು ತಮ್ಮ ವೃತ್ತಿಜೀವನದಲ್ಲಿ ಕ್ರಿಕೆಟ್‌ನಲ್ಲಿ ಅವರ ಅತ್ಯುತ್ತಮ ಪ್ರದರ್ಶನದಿಂದಾಗಿ ವಿಶ್ವದಾದ್ಯಂತ ಅಭಿಮಾನಿಗಳನ್ನು ಹೊಂದಿದ್ದಾರೆ. ಆದರೆ ಸಚಿನ್ ಪುತ್ರಿ ಸಾರಾ ಮತ್ತು ಮಗ ಅರ್ಜುನ್ ತೆಂಡೂಲ್ಕರ್ ಇಬ್ಬರೂ ಸಾಮಾಜಿಕ ಜಾಲತಾಣಗಳಲ್ಲಿ ಅಪಾರ ಅಭಿಮಾನಿಗಳನ್ನು ಹೊಂದಿದ್ದಾರೆ.

ಏತನ್ಮಧ್ಯೆ, ಅಪರಿಚಿತ ವ್ಯಕ್ತಿಯೊಬ್ಬರು ಸಚಿನ್ ತೆಂಡೂಲ್ಕರ್ ಅವರ ಮಗಳು ಸಾರಾ ಅವರು ತನ್ನ ಪತ್ನಿ ಎಂದು ಹೇಳಿಕೊಂಡಿದ್ದಾರೆ. ಸದ್ಯ ಈ ಹೇಳಿಕೆಯಿಂದ ಸಾರಾ ಅಭಿಮಾನಿಗಳು ಶಾಕ್​ ಆಗಿದ್ದಾರೆ.

ಅಪರಿಚಿತ ವ್ಯಕ್ತಿಯೊಬ್ಬ ಸಾರಾಗೆ ಪದೇ ಪದೇ ಮನೆಗೆ ಕರೆ ಮಾಡಿ ಕಿರುಕುಳ ನೀಡುತ್ತಿದ್ದರಂತೆ. ಈ ವ್ಯಕ್ತಿಯ ಹೆಸರು ದೇವಕುಮಾರ್ ಮೈತಿ ಮತ್ತು ಈ ವ್ಯಕ್ತಿಯು ಸಾರಾಳನ್ನು ಎಷ್ಟು ಹುಚ್ಚನಂತೆ ಪ್ರೀತಿಸುತ್ತಿದ್ದನೆಂದರೆ ಅವನಿಗೆ ಅವಳನ್ನು ಹೊರತುಪಡಿಸಿ ಬೇರೇನೂ ಇಷ್ಟವಿಲ್ಲ ಎಂದು ಹೇಳಿಕೊಂಡಿದ್ದಾರೆ.

ದೇವಕುಮಾರ್ ಎಂಬ ವ್ಯಕ್ತಿ ಸಾರಾ ಮನೆಗೆ 20ಕ್ಕೂ ಹೆಚ್ಚು ಫೋನ್ ಕರೆಗಳನ್ನು ಮಾಡಿದ್ದಾರೆ. ಇದರಿಂದ ವಿಚಲಿತರಾದ ಸಾರಾ ಕೊನೆಗೆ ಈ ವ್ಯಕ್ತಿಯ ವಿರುದ್ಧ ಬಾಂದ್ರಾ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಇದರಲ್ಲಿ ದೇವ್‌ಕುಮಾರ್ ಮೈತಿ ಎಂಬ ವ್ಯಕ್ತಿ ನನಗೆ ಕರೆ ಮಾಡಿ ನಾನೇ ಅವನ ಹೆಂಡತಿ ಎಂದು ಹೇಳುತ್ತಿದ್ದಾನೆ ಎಂದು ದೂರಿನಲ್ಲಿ ತಿಳಿಸಿದ್ದಾರೆ.

ಪೊಲೀಸ್ ತನಿಖೆಯಲ್ಲಿ ಸಾರಾಗೆ ಕಿರುಕುಳ ನೀಡಿದ ದೇವಕುಮಾರ್ ಮೈತಿ ಎಂಬ ವ್ಯಕ್ತಿ ಪಶ್ಚಿಮ ಬಂಗಾಳದವನಾಗಿದ್ದು, ಮಾನಸಿಕ ರೋಗಿಯಾಗಿದ್ದಾನೆ. ಆರೋಪಿಯನ್ನು ಪೊಲೀಸರು ಬಂಧಿಸಿದ್ದಾರೆ ಎಂದು ತಿಳಿದು ಬಂದಿದೆ.

ಆರೋಪಿಯ ಮನೆಯಿಂದ ಪೊಲೀಸರು ಡೈರಿಯನ್ನು ವಶಪಡಿಸಿಕೊಂಡಿದ್ದು, ಅದರಲ್ಲಿ ಆರೋಪಿ ದೇವಕುಮಾರ್ ಸಚಿನ್ ತೆಂಡೂಲ್ಕರ್ ಅವರ ಮಗಳ ಹೆಸರನ್ನು ಪತ್ನಿ ಎಂದು ಬರೆದಿದ್ದಾರೆ. ಆರೋಪಿಯನ್ನು ವಿಚಾರಣೆಗೆ ಒಳಪಡಿಸಿದಾಗ, ಪಂದ್ಯದ ವೇಳೆ ಟಿವಿಯಲ್ಲಿ ಸಾರಾಳನ್ನು ನೋಡಿದ್ದೆ ಮತ್ತು ಅಂದಿನಿಂದ ನಾನು ಅವಳನ್ನು ಪ್ರೀತಿಸುತ್ತಿದ್ದೆ ಎಂದು ಹೇಳಿದ್ದಾರೆ.

ಇದರ ನಡುವ ಸಾರಾ ತೆಂಡೂಲ್ಕರ್​ ಅವರ ಹೆಸರು ಹೆಚ್ಚಾಗಿ ಯುವ ಕ್ರಿಕೆಟಿಗ ಶುಭ್​ಮನ್ ಗಿಲ್​ ಜೊತೆ ಕೇಳಿಬರುತ್ತದೆ. ಗಿಲ್ ಮತ್ತು ಸಾರಾ ಇಬ್ಬರೂ ಪ್ರೇಮಿಗಳು ಎಂದು ಅನೇಕ ಸಲ ಸಾಮಾಜಿಕ ಜಾಲತಾಣದಲ್ಲಿ ರೂಮರ್ಸ್​ಗಳು​ ಹರಿದಾಡುತ್ತಿರುತ್ತದೆ.