IND vs AUS: ಔಟ್​ ಆದ್ರೂ ಎಲ್ಲರ ಮೆಚ್ಚುಗೆಗೆ ಪಾತ್ರರಾದ ರೋಹಿತ್, ಪೂಜಾರಾಗಾಗಿ ತನ್ನ ವಿಕೆಟ್​ ನೀಡಿದ ಹಿಟ್​ಮ್ಯಾನ್

ದೆಹಲಿಯಲ್ಲಿ ನಡೆದ ಆಸ್ಟ್ರೇಲಿಯಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಭಾರತ ಭರ್ಜರಿ ಜಯ ಸಾಧಿಸಿದೆ. ಆಸ್ಟ್ರೇಲಿಯಾವನ್ನು ಭಾರತ ತಂಡ 6 ವಿಕೆಟ್​ಗಳಿಂದ ಸೋಲಿಸಿದೆ.

115 ರನ್ ಗಳ ಗುರಿಯೊಂದಿಗೆ ಎರಡನೇ ಇನ್ನಿಂಗ್ಸ್ ಆರಂಭಿಸಿದ ಟೀಂ ಇಂಡಿಯಾ ಆರಂಭದಲ್ಲೇ ಹಿನ್ನಡೆ ಅನುಭವಿಸಿತು. ಫಾರ್ಮ್‌ನಲ್ಲಿ ಸಂಕಷ್ಟದಲ್ಲಿರುವ ಕೆಎಲ್ ರಾಹುಲ್ ಕೇವಲ ಒಂದು ರನ್‌ನಲ್ಲಿ ಪೆವಿಲಿಯನ್ ತಲುಪಿದರು.

ಬಳಿಕ ಪೂಜಾರ ಜೊತೆಗೂಡಿದ ನಾಯಕ ರೋಹಿತ್ ಶರ್ಮಾ ಆಕ್ರಮಣಕಾರಿ ಆಟವಾಡಿದರು. ಪೂಜಾರ ಒಂದು ತುದಿಯಲ್ಲಿ ಗೋಡೆಯಂತೆ ನಿಂತು ಬೆಂಬಲ ನೀಡುವುದರೊಂದಿಗೆ ರೋಹಿತ್ ಟಿ20 ಶೈಲಿಯಲ್ಲಿ ಅಬ್ಬರಿಸಿದರು.

ಈ ಅನುಕ್ರಮದಲ್ಲಿ ಅರ್ಧಶತಕ ಗಳಿಸುತ್ತಾರೆ ಎಂದುಕೊಂಡಿದ್ದ ರೋಹಿತ್ ಅನಿರೀಕ್ಷಿತ ರೀತಿಯಲ್ಲಿ ರನೌಟ್ ಆದರು. ರೋಹಿತ್ ಟೆಸ್ಟ್ ನಲ್ಲಿ ಈ ರೀತಿ ರನೌಟ್ ಆಗುತ್ತಿರುವುದು ಇದೇ ಮೊದಲು.

ಆದರೆ ಈ ರನ್ ಔಟ್ ಮೂಲಕ ರೋಹಿತ್ ಎಲ್ಲಾ ಕ್ರಿಕೆಟ್ ಅಭಿಮಾನಿಗಳ ಹೃದಯ ಗೆದ್ದಿದ್ದಾರೆ. ಏನಕ್ಕೆ ಎಂದು ನೋಡೋಣ ಬನ್ನಿ.

ಈ ಪಂದ್ಯದೊಂದಿಗೆ 100ನೇ ಅಂತರಾಷ್ಟ್ರೀಯ ಟೆಸ್ಟ್ ಪಂದ್ಯವನ್ನಾಡುತ್ತಿರುವ ಸಹ ಆಟಗಾರ ಪೂಜಾರ ಅವರಿಗೆ ರೋಹಿತ್ ತಮ್ಮ ವಿಕೆಟ್ ತ್ಯಾಗ ಮಾಡಿದರು.

ರೋಹಿತ್ ಆನ್ ಸೈಡ್ ಕಡೆಗೆ ಶಾಟ್ ಹೊಡೆದು ಒಂದು ರನ್ ಪೂರೈಸಿದ ನಂತರ. ಅವರು ಎರಡನೇ ರನ್ ಓಡಲು ಆರಂಭಿಸಿದರು. ಇದರೊಂದಿಗೆ ಪೂಜಾರ ಕೂಡ ಎರಡನೇ ರನ್​ಗೆ ಓಡಿ ಬಂದರು. ಆದರೆ ತಕ್ಷಣ ಬರಬೇಡಿ ಎಂದು ಹಿಟ್ ಮ್ಯಾನ್ ಹೇಳಿದ್ದಾರೆ. ಈ ವೇಳೆ ಪೂಜಾರ ಬಹುತೇಕ ರನ್ ಪೂರ್ಣಗೊಳಿಸಿದ್ದರು.

ಇದರೊಂದಿಗೆ 100ನೇ ಟೆಸ್ಟ್ ಆಡುತ್ತಿರುವ ಪೂಜಾರ ಪರ ರೋಹಿತ್ ತಮ್ಮ ವಿಕೆಟ್ ತ್ಯಾಗ ಮಾಡಿದರು.ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋಗಳು ವೈರಲ್ ಆಗಿದೆ. ಅಭಿಮಾನಿಗಳು ರೋಹಿತ್‌ ಕಾರ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.