Rishabh Pant: 40 ದಿನಗಳ ಬಳಿಕ ಚೇತರಿಸಿ ಪುಟ್ಟ ಪುಟ್ಟ ಹೆಜ್ಜೆ ಇಟ್ಟ ಪಂತ್​, ಫೋಟೋ ನೋಡಿ ಫ್ಯಾನ್ಸ್​ ಭಾವುಕ!

ಇತ್ತೀಚೆಗಷ್ಟೇ ಅಪಘಾತದಿಂದ ಪಾರಾದ ಭಾರತೀಯ ಕ್ರಿಕೆಟ್ ತಂಡದ ವಿಕೆಟ್ ಕೀಪರ್ ರಿಷಭ್ ಪಂತ್ ಅವರು ಮತ್ತೆ ನಡೆದಾಡುತ್ತಿದ್ದಾರೆ. ಈ ಫೋಟೋವನ್ನೇ ಸ್ವತಃ ಅವರೇ ಶೇರ್​ ಮಾಡಿಕೊಂಡಿದ್ದಾರೆ. ವಾಕಿಂಗ್​ ಸ್ಟಿಕ್ಸ್​​​ ಹಿಡಿದುಕೊಂಡು ನಡೆಯುತ್ತಿರುವ ಫೋಟೋಗಳನ್ನು ತಮ್ಮ ಸಾಮಾಜಿಕ ಮಾಧ್ಯಮ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದಾರೆ. ಚಿತ್ರ ಕ್ರೆಡಿಟ್ (ಕೃಪೆ- Instagram/Rishabpant)

ಪಂತ್ ಕಳೆದ ವರ್ಷ ಡಿಸೆಂಬರ್ 30 ರಂದು ಕಾರಿನಲ್ಲಿ ಪ್ರಯಾಣಿಸುತ್ತಿದ್ದಾಗ ಡಿವೈಡರ್‌ಗೆ ಡಿಕ್ಕಿ ಹೊಡೆದು ಬೆಂಕಿ ಹೊತ್ತಿಕೊಂಡಿತ್ತು. ರಿಷಭ್​ ಪಂತ್ ಕೂಡ ತೀವ್ರವಾಗಿ ಗಾಯಗೊಂಡಿದ್ದರು.

ರೋಡ್ ವೇಸ್ ಚಾಲಕ ಮತ್ತು ಇಬ್ಬರು ಸ್ಥಳೀಯ ಯುವಕರು ಪಂತ್ ನನ್ನು ಕಾರಿನಿಂದ ಹೊರ ತಂದಿದ್ದರು. ಪಂತ್ ಆಗಲೇ ಗಂಭೀರವಾಗಿ ಗಾಯಗೊಂಡಿದ್ದರು. ಸಕಾಲದಲ್ಲಿ ಆಸ್ಪತ್ರೆಗೆ ಸಾಗಿಸಿದ್ದರಿಂದ ಪಂಥ್ ಪ್ರಾಣಾಪಾಯದಿಂದ ಪಾರಾಗಿದ್ದರು.

ಪಂತ್ ಇತ್ತೀಚೆಗಷ್ಟೇ ತಮ್ಮ ಆರೋಗ್ಯದ ಬಗ್ಗೆ ಮಾಹಿತಿ ನೀಡಿದ್ದಾರೆ. ಟ್ವಿಟ್ಟರ್ ಮತ್ತು ಇನ್‌ಸ್ಟಾಗ್ರಾಮ್‌ನಲ್ಲಿ ಅವರು ವಾಕಿಂಗ್​ ಸ್ಟಿಕ್ಸ್​​ ಸಹಾಯದಿಂದ ನಡೆಯುತ್ತಿರುವ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.

ಒಂದು ಹೆಜ್ಜೆ... ಮುಂದೆ! ಒಂದು ಹೆಜ್ಜೆ... ಬಲಿಷ್ಠ! ಒಂದು ಹೆಜ್ಜೆ... ಉತ್ತಮ! ಎಂದು ತಮ್ಮ ಫೋಟೋಗಳಿಗೆ ಪಂತ್​ ಶೀರ್ಷಿಕೆ ನೀಡಿದ್ದಾರೆ.

ಈ ಫೋಟೋಗಳಲ್ಲಿ ಪಂತ್ ಕಾಲಿಗೆ ಬ್ಯಾಂಡೇಜ್ ಹಾಕಿದ್ದಾರೆ. ಇನ್ನೂ ಕೂಡ ಅವರು ಸಂಪೂರ್ಣವಾಗಿ ಗುಣಮುಖರಾಗಿಲ್ಲ ಅಂತ ಗೊತ್ತಾಗುತ್ತೆ.

ರಿಷಬ್ ಫೋಟೋಗೆ ನೆಟ್ಟಿಗರು ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಬೇಗ ಗುಣಮುಖರಾಗಿ ಚಾಂಪಿಯನ್ ಎಂದು ಕಾಮೆಂಟ್‌ಗಳನ್ನು ಮಾಡಲಾಗುತ್ತಿದೆ. ಆಸ್ಟ್ರೇಲಿಯ ತಂಡ ನಿಮ್ಮನ್ನು ಮಿಸ್ ಮಾಡಿಕೊಳ್ಳುತ್ತಿದೆ. ಕಳೆದ ಬಾರ್ಡರ್ ಗವಾಸ್ಕರ್ ಟ್ರೋಫಿಯಲ್ಲಿ ಪಂತ್ ಆಡಿದ ಅಮೂಲ್ಯ ಇನ್ನಿಂಗ್ಸ್‌ಗಳನ್ನು ನೆನಪಿಸುತ್ತಿದ್ದಾರೆ.