RR vs RCB: ಅಭಿಮಾನಿಗಳ ಬಳಿ ಕ್ಷಮೆ ಕೇಳಿದ ರಾಜಸ್ಥಾನ್​, ಸೋತರೂ ಹೃದಯ ಗೆದ್ದ ರಾಯಲ್ಸ್!

ಇಂಡಿಯನ್ ಪ್ರೀಮಿಯರ್ ಲೀಗ್ 2023ರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಅಬ್ಬರಿಸಿತು. ಈ ಮೂಲಕ ಪ್ಲೇಆಫ್ ರೇಸ್‌ನಲ್ಲಿ ಉಳಿದಿದೆ.

ಬೆಂಗಳೂರು ಪಂದ್ಯದಲ್ಲಿ ರಾಜಸ್ಥಾನ ಹೀನಾಯವಾಗಿ ಸೋಲನ್ನಪ್ಪಿತು. ಮೊದಲು ಬ್ಯಾಟಿಂಗ್ ಮಾಡಿ 5 ವಿಕೆಟ್‌ಗೆ 171 ರನ್ ಗಳಿಸಿದ ಆರ್​ಸಿಬಿ, ಬಳಿಕ ಭರ್ಜರಿ ಬೌಲಿಂಗ್​ ಮಾಡಿತು. ಇದಕ್ಕೆ ಉತ್ತರವಾಗಿ ಇಡೀ ರಾಜಸ್ಥಾನ ತಂಡ ಕೇವಲ 59 ರನ್‌ಗಳಿಗೆ ಆಲೌಟ್ ಆಯಿತು.

ಫಾಫ್ ಡು ಪ್ಲೆಸಿಸ್ ತಂಡದ ವಿರುದ್ಧ ಸಂಜು ಸ್ಯಾಮ್ಸನ್ ತಂಡ ಯಾರೂ ಯೋಚಿಸದ ರೀತಿಯಲ್ಲಿ ಹೀನಾಯ ಸೋಲನ್ನು ಕಂಡಿದೆ. ಕ್ಯಾಪ್ಟನ್ ಫಾಫ್ ಮತ್ತು ಗ್ಲೆನ್ ಮ್ಯಾಕ್ಸ್‌ವೆಲ್ ಅವರ ಅರ್ಧಶತಕದ ಆಧಾರದ ಮೇಲೆ ಬೆಂಗಳೂರು ತಂಡ 5 ವಿಕೆಟ್‌ಗೆ 171 ರನ್ ಗಳಿಸಿತು.

ಗುರಿ ಬೆನ್ನತ್ತಿದ ರಾಜಸ್ಥಾನ ತಂಡ ಕೇವಲ 59 ರನ್‌ಗಳಿಗೆ ಸೋಲನುಭವಿಸಿತು. ಕೇವಲ 2 ಬ್ಯಾಟರ್‌ಗಳು ಮಾತ್ರ ಎರಡಂಕಿ ತಲುಪುವಲ್ಲಿ ಯಶಸ್ವಿಯಾದರು. ಶಿಮ್ರಾನ್ ಹೆಟ್ಮೆಯರ್ ಗರಿಷ್ಠ 35 ರನ್ ಗಳಿಸಿದರು.

ಬೆಂಗಳೂರು ವಿರುದ್ಧದ ಹೀನಾಯ ಸೋಲಿನ ಬಳಿಕ ರಾಜಸ್ಥಾನ ರಾಯಲ್ಸ್ ತಂಡದ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಒಂದು ಪೋಸ್ಟ್ ಹಾಕಿದೆ. ಪೋಸ್ಟ್‌ನಲ್ಲಿ, ತಂಡಕ್ಕಾಗಿ ಅತಿದೊಡ್ಡ ಇನ್ನಿಂಗ್ಸ್ ಆಡಿದ ವಿದೇಶಿ ಬ್ಯಾಟ್ಸ್‌ಮನ್ ಶಿಮ್ರಾನ್ ಹೆಟ್ಮೆಯರ್ ಅವರ ಚಿತ್ರವನ್ನು ಹಂಚಿಕೊಂಡಿದೆ.

ಈ ಫೋಸ್ಟ್​ನ್ನು ಅಭಿಮಾನಿಗಳಿಗಾಗಿ ತಂಡ ಮಾಡಿದ್ದು, ಈ ಚಿತ್ರದೊಂದಿಗೆ ರಾಜಸ್ಥಾನ ರಾಯಲ್ಸ್ ತಂಡವು ‘Sorry #RoyalsFamily‘ ಎಂದುಒಡೆದ ಹೃದಯದ ಇಮೋಜಿಯನ್ನು ಹಾಕುವ ಮೂಲಕ, ಅಭಿಮಾನಿಗಳಲ್ಲಿ ಕ್ಷಮೆಯಾಚಿಸಿದೆ.

ಈ ಪಂದ್ಯದಲ್ಲಿ ಹೀನಾಯ ಸೋಲಿನ ಬಳಿಕ ತಂಡದ ನೆಟ್ ರನ್ ರೇಟ್ ಮೇಲೆ ಭಾರಿ ಪರಿಣಾಮ ಬೀರಿದ್ದು, ಇದೀಗ 1 ಪಂದ್ಯ ಮಾತ್ರ ಬಾಕಿ ಉಳಿದಿದೆ. ರಾಜಸ್ಥಾನ ತಂಡ 16 ಅಂಕ ತಲುಪುವ ಅವಕಾಶವನ್ನು ಕಳೆದುಕೊಂಡಿದ್ದು, ಪ್ಲೇಆಫ್​ ಆಸೆ ದೂರವಾಗಿದೆ.