IPL 2023: ಪದೇ ಪದೇ ರೋಹಿತ್​ ಶರ್ಮಾಗೆ ಮೋಸ, ನಾಟೌಟ್​ ಆದ್ರು ಔಟ್​ ನೀಡಿ ಥರ್ಡ್​ ಅಂಪೈರ್​ ಎಡವಟ್ಟು

ಬೆಂಗಳೂರಿನ ವಿರುದ್ಧ ಸೂಪರ್ ಗೆಲುವಿನ ನಂತರ ಮುಂಬೈ ಇಂಡಿಯನ್ಸ್ ಐಪಿಎಲ್ ಅಂಕಪಟ್ಟಿಯಲ್ಲಿ ಮೂರನೇ ಸ್ಥಾನಕ್ಕೆ ಜಿಗಿದಿದೆ. 200 ರನ್ ಗಳ ಗುರಿಯೊಂದಿಗೆ ಇನಿಂಗ್ಸ್ ಆರಂಭಿಸಿದ ಮುಂಬೈ ಇಂಡಿಯನ್ಸ್ ಆರಂಭದಿಂದಲೇ ಆಕ್ರಮಣಕಾರಿ ಆಟವಾಡಿತು.

ಚೇಸಿಂಗ್ ನಲ್ಲಿ ಮೊದಲ ಎಸೆತದಿಂದಲೇ ಇಶಾನ್ ಕಿಶನ್​ ಅಬ್ಬರಿಸಿದರು. ಆದರೆ ಬಳಿಕ 51 ರನ್​ ಗಳ ಅಬ್ಬರದ ಇನ್ನಿಂಗ್ಸ್ ಆಡುವಷ್ಟರಲ್ಲಿ ಇಶಾನ್​ ಕಿಶನ್​ ಮತ್ತು ನಾಯಕ ರೋಹಿತ್ ಶರ್ಮಾ ವಿಕೆಟ್​ ಒಪ್ಪಿಸಿದರು.

ರೋಹಿತ್ ಶರ್ಮಾ ಔಟಾದ ವಿಚಾರವಾಗಿ ಐಪಿಎಲ್ ನಲ್ಲಿ ಮತ್ತೊಮ್ಮೆ ವಿವಾದ ಎದ್ದಿದೆ. ಹನರಂಗ ಬೌಲಿಂಗ್ ನಲ್ಲಿ ಫ್ರಂಟ್ ಫೂಟ್ ಗೆ ಬಂದ ರೋಹಿತ್ ಶರ್ಮಾ ಸಿಂಗಲ್ ತೆಗೆಯಲು ಯತ್ನಿಸಿದರು. ಆದರೆ ಅದು ಪ್ಯಾಡ್‌ಗೆ ಸ್ವಲ್ಪ ತಟ್ಟಿತು. ಕೂಡಲೇ ಹಸರಂಗ ಔಟ್​ಗೆ ಮನವಿ ಮಾಡಿದರು. ಆದರೆ ಅಂಪೈರ್ ನಾಟೌಟ್ ಎಂದು ಘೋಷಿಸಿದರು.

ರೋಹಿತ್ ಶರ್ಮಾ ಅವರು ಕ್ರೀಸ್‌ನಿಂದ ತುಂಬಾ ಮುಂದಿರುವ ಕಾರಣ ಹಸರಂಗ ರಿವ್ಯೂ ಹೋಗಲು ಬಯಸಲಿಲ್ಲ. ಆದರೆ RCB ನಾಯಕ ಡುಪ್ಲೆಸಿಸ್ ರಿವ್ಯೂ ತೆಗೆದುಕೊಂಡರು.

ಆದರೆ ಇಲ್ಲಿ ಮೂರನೇ ಅಂಪೈರ್ ಔಟ್​ ನೀಡಿದರು. ರೋಹಿತ್ ಶರ್ಮಾ ಎಷ್ಟು ಮುಂದೆ ಬಂದರು ಎಂದು ನೋಡದೆ, ಕೇವಲ ಡಿಆರ್‌ಎಸ್‌ನೊಂದಿಗೆ ಕುರುಡು ನಿರ್ಧಾರವನ್ನು ನೀಡಿದರು. ಬಾಲ್ ಟ್ರ್ಯಾಕಿಂಗ್ ನೇರವಾಗಿ ವಿಕೆಟ್‌ಗಳನ್ನು ಹೊಡೆಯುತ್ತಿದ್ದಂತೆ ಅವರು ಔಟ್ ಎಂದು ತೀರ್ಪು ನೀಡಿದರು.

ರೋಹಿತ್ ಶರ್ಮಾಗೆ ಏನಾಯಿತು ಎಂದು ನನಗೆ ಅರ್ಥ ಆಗುವುದರೊಳಗಾಗಿ ಅವರು ಔಟ್​ ಎಂದು ತೀರ್ಪು ನೀಡಲಾಯಿತು. , ನಿಯಮಗಳ ಪ್ರಕಾರ, ವಿಕೆಟ್ 3 ಮೀಟರ್‌ಗಿಂತ ಹೆಚ್ಚು ಮುಂದಿದ್ದರೆ ಎಲ್ಬಿಡಬ್ಲ್ಯೂ ನೀಡುವ ಸಾಧ್ಯತೆ ಇಲ್ಲ. ಆದರೆ ಮೂರನೇ ಅಂಪೈರ್ ಔಟ್ ನೀಡಿದರು.

ಮುಂಬೈ ಅಭಿಮಾನಿಗಳ ಜೊತೆಗೆ ಮಾಜಿ ಆಟಗಾರರಾದ ಕೈಫ್, ಮುನಾಫ್ ಪಟೇಲ್ ಕೂಡ ಇದನ್ನು ಪ್ರಶ್ನಿಸುತ್ತಿದ್ದಾರೆ. ಈ ನಿರ್ಧಾರದಿಂದ ಮುಂಬೈ ಡಗೌಟ್ ಕೂಡ ಅಚ್ಚರಿಗೆ ಒಳಗಾಗಿಯಿತು.