IPL 2023: ಈ 2 ತಂಡಗಳು ಐಪಿಎಲ್​ ಫೈನಲ್​ಗೆ ಹೋಗೋದು ಫಿಕ್ಸ್​ ಅಂತೆ! ಹಾಗಿದ್ರೆ ಕಪ್​ ಗೆಲ್ಲೋದು ಯಾರು?

ಚೆನ್ನೈ ಸೂಪರ್ ಕಿಂಗ್ಸ್ ಈ ಸೀಸನ್ ಐಪಿಎಲ್‌ನಲ್ಲಿ ಧೂಳೆಬ್ಬಿಸುತ್ತಿದೆ. ಅಗ್ರ ತಂಡಗಳನ್ನೂ ಮಣಿಸಿ ಟೇಬಲ್ ಟಾಪರ್ ಆಗಿದೆ.. ಹಾಫ್ ಸೀಸನ್ ಬಹುತೇಕ ಮುಗಿದಿದೆ. ಚೆನ್ನೈ ದಿನದಿಂದ ದಿನಕ್ಕೆ ಪ್ಲೇ ಆಫ್‌ಗೆ ಹತ್ತಿರವಾಗುತ್ತಿದೆ.

ವಾಸ್ತವವಾಗಿ, ಪ್ರತಿ ಬಾರಿಯೂ ಟ್ರೋಫಿ ಗೆಲ್ಲುವ ನಿರೀಕ್ಷೆಯಿರುವ ತಂಡಗಳಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಖಂಡಿತವಾಗಿಯೂ ಸೇರಿದೆ. ಆದರೆ ಈ ಬಾರಿ ಬೌಲಿಂಗ್ ಪಡೆ ಸೀಮಿತವಾಗಿರುವುದರಿಂದ ಧೋನಿ ತಂಡದ ಮೇಲೆ ಚೆನ್ನೈ ಅಭಿಮಾನಿಗಳು ಬಿಟ್ಟರೆ ಬೇರೆ ಯಾರೂ ನಿರೀಕ್ಷೆ ಇಟ್ಟುಕೊಂಡಿಲ್ಲ. ಆದರೆ ಮೈದಾನದಲ್ಲಿ ಚೆನ್ನೈ ಎಲ್ಲಾ ವಿಭಾಗದಲ್ಲೂ ಉತ್ತಮ ರೀತಿ ಆಡುತ್ತಾರೆ ಎಂದು ಯಾರೂ ನಿರೀಕ್ಷಿಸಿರಲಿಲ್ಲ. ಸೂಪರ್ ಕಿಂಗ್ಸ್ ತಮ್ಮ ಅಮೋಘ ಆಟದ ಶೈಲಿಯಿಂದ ಸತತ ಗೆಲುವನ್ನು ದಾಖಲಿಸುತ್ತಿದ್ದಾರೆ.

ಅಜಿಂಕ್ಯ ರಹಾನೆ ಈ ಋತುವಿನಲ್ಲಿ ರನ್‌ಗಳ ಮಳೆ ಸುರಿಸುತ್ತಿದ್ದಾರೆ. ಹಿಂದೆಂದೂ ನೋಡಿರದ ರೀತಿ ಅವರು ಬ್ಯಾಟಿಂಗ್​ ಮಾಡುತ್ತಿದ್ದಾರೆ. ಇದುವರೆಗೆ ರಹಾನೆ 5 ಇನ್ನಿಂಗ್ಸ್‌ಗಳಲ್ಲಿ 199 ಸ್ಟ್ರೈಕ್ ರೇಟ್‌ನೊಂದಿಗೆ 209 ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ.

ಆರಂಭಿಕ ಆಟಗಾರ ದೇವನ್ ಕಾನ್ವೆ ಪ್ರತಿ ಪಂದ್ಯದಲ್ಲೂ ಮಿಂಚುತ್ತಿದ್ದಾರೆ.. ಮೌಲ್ಯಯುತ ರನ್ ಗಳಿಸಿ ಚೆನ್ನೈ ತಂಡಕ್ಕೆ ಅಮೋಘ ಆರಂಭ ನೀಡುತ್ತಿದ್ದಾರೆ.. ಈ ಸೀಸನ್‌ನಲ್ಲಿ ಇದುವರೆಗೆ ಏಳು ಪಂದ್ಯಗಳನ್ನು ಆಡಿರುವ ಕಾನ್ವೆ 52ರ ಸರಾಸರಿಯಲ್ಲಿ 314 ರನ್ ಗಳಿಸಿದ್ದಾರೆ.

ಜೊತೆಗೆ ಶಿವಂ ದುಬೆ ಕೂಡ ಭರ್ಜರಿ ಬ್ಯಾಟಿಂಗ್​ ಮಾಡುತ್ತಿದ್ದಾರೆ. ಈ ವೇಳೆ 157 ಸ್ಟ್ರೈಕ್ ರೇಟ್‌ನೊಂದಿಗೆ ಬ್ಯಾಟಿಂಗ್ ಮಾಡುತ್ತಿರುವ ದುಬೆ, 7 ಇನ್ನಿಂಗ್ಸ್‌ಗಳಲ್ಲಿ 184 ರನ್ ಗಳಿಸಿದ್ದಾರೆ.. ಇದರಲ್ಲಿ 15 ಸಿಕ್ಸರ್ ಸೇರಿವೆ.

ಬೌಲಿಂಗ್ ನಲ್ಲೂ ತುಷಾರ್ ದೇಶ್ ಪಾಂಡೆ ಯಾರೂ ನಿರೀಕ್ಷೆ ಮಾಡದ ರೀತಿಯಲ್ಲಿ ಬೌಲಿಂಗ್ ಮಾಡುತ್ತಿದ್ದಾರೆ. ಇದುವರೆಗೆ ಆಡಿದ 7 ಇನ್ನಿಂಗ್ಸ್ ಗಳಲ್ಲಿ 12 ವಿಕೆಟ್ ಪಡೆದಿದ್ದಾರೆ. ಹೀಗಾಗಿ ಈ ಬಾರಿಯ ಐಪಿಎಲ್ ನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ವಿನ್ನರ್ ಆಗುವ ನಿರೀಕ್ಷೆಯಿದೆ.

ಆದರೆ, ಚೆನ್ನೈಗೆ ಫೈನಲ್​ನಲ್ಲಿ ಎದುರಾಳಿ ಯಾರೆಂದು ನೋಡುವುದಾದರೆ, ಅದು ಬೇರೆ ಯಾವ ತಂಡವೂ ಅಲ್ಲ. ಐಪಿಎಲ್​ನಲ್ಲಿನ ಹೈವೋಲ್ಟೇಜ್​ ಕದನಕ್ಕೆ ಸಾಕ್ಷಿಯಾಗುವ ಆರ್​ಸಿಬಿ ಮತ್ತು ಚೆನ್ನೈ ತಂಡಗಳು ಫೈನಲ್​ನಲ್ಲಿ ಸೆಣಸಾಡಲಿವೆಯಂತೆ.

ಹೌದು, ಆರ್​ಸಿಬಿ ಸಹ ಈ ಬಾರಿ ಭರ್ಜರಿ ಪ್ರದರ್ಶನ ನೀಡುತ್ತಿದೆ. ಅದರಲ್ಲಿಯೂ ವಿರಾಟ್ ಕೊಹ್ಲಿ ನಾಯಕತ್ದ ಪಡೆದುಕೊಂಡ ಮೇಲೆ ಸತತ 2 ಪಂದ್ಯಗಳನ್ನು ಆರ್​ಸಿಬಿ ಗೆದ್ದಕೊಂಡಿದೆ. ಹೀಗಾಗಿ ತಂಡ ಫೈನಲ್​ಗೆ ಲಗ್ಗೆ ಇಡುವ ಸಾಧ್ಯತೆ ಹೆಚ್ಚಿದೆ ಎಂದು ಕ್ರಿಕೆಟ್​ ಪಂಡಿತರು ಹೇಳುತ್ತಿದ್ದಾರೆ.

ಹೀಗಾಗಿ ಅನೇಕ ಕ್ರಿಕೆಟ್​ ವಿಶ್ಲೇಷಕರು ಮತ್ತು ಕ್ರಿಕೆಟ್​ ಪಂಡಿತರ ಅಂದಾಜಿನ ಮೇಲೆ ಈ ಬಾರಿ ಐಪಿಎಲ್​ ಫೈನಲ್​ನಲ್ಲಿ ಆರ್​ಸಿಬಿ ಮತ್ತು ಚೆನ್ನೈ ತಂಡಗಳು ಮುಖಾಮುಖಿ ಆಗುವ ಸಾಧ್ಯತೆ ಹೆಚ್ಚಿದೆ. ಆದರೆ ಯಾರೊಬ್ಬರೂ ಸಹ ಈ ತಂಡವೇ ಕಪ್​ ಗೆಲ್ಲಲಿದೆ ಎಂಬ ಮಾತುಗಳನ್ನು ಈವರೆಗೂ ಹೇಳಿಲ್ಲ.