Virat Kohli: ಆರ್​​ಸಿಬಿ ಕ್ಯಾಪ್ಟನ್ ಕೊಹ್ಲಿಗೆ ಬರೋಬ್ಬರಿ ₹24 ಲಕ್ಷ ದಂಡ; ಐಪಿಎಲ್ 2023ರಲ್ಲಿ ಭಾರೀ ಮೊತ್ತ ತೆತ್ತ ವಿರಾಟ್​​!

ರಾಯಲ್​ ಚಾಲೆಂಜರ್ಸ್​​ ಬೆಂಗಳೂರು ತಂಡದ ನಾಯಕ ವಿರಾಟ್​ ಕೊಹ್ಲಿ ಅವರಿಗೆ ಸ್ಲೋ ಓವರ್​ ರೇಟ್​ ಕಾರಣ ಬರೋಬ್ಬರಿ 24 ಲಕ್ಷ ರೂಪಾಯಿ ದಂಡ ವಿಧಿಸಲಾಗಿದೆ.

ಹೌದು, ಐಪಿಎಲ್​ 2023ನೇ ಆವೃತ್ತಿಯಲ್ಲಿ ಆರ್​​ಸಿಬಿ ತಂಡ ಎರಡನೇ ಬಾರಿಗೆ ಸ್ಲೋ ಓವರ್​ ರೇಟ್​​ ಹೊಂದಿದ್ದ ಕಾರಣಕ್ಕೆ ತಂಡದ ನಾಯಕರಾಗಿದ್ದ ವಿರಾಟ್​ ಕೊಹ್ಲಿಗೆ 24 ಲಕ್ಷ ರೂಪಾಯಿ ದಂಡ ವಿಧಿಸಲಾಗಿದೆ. ಉಳಿದಂತೆ ತಂಡದ ಆಟಗಾರರು ಮತ್ತು ಇಂಪ್ಯಾಕ್ಟ್​ ಪ್ಲೇಯರ್​​​ಗೆ 6 ಲಕ್ಷ ರೂಪಾಯಿ ಅಥವಾ ಪಂದ್ಯದ ಶೇಕಡಾ 25 ರಷ್ಟು ಮೊತ್ತವನ್ನು ದಂಡವಾಗಿ ವಿಧಿಸಲಾಗಿದೆ. ಎರಡರಲ್ಲಿ ಯಾವುದು ಕಡಿಮೆ ಮೊತ್ತ ಇರುತ್ತೆ ಅದು ಅಟಗಾರರಿಗೆ ಅನ್ವಯ ಆಗಲಿದೆ.

ಏಪ್ರಿಲ್​ 23 ರಂದು ನಡೆದ ರಾಜಸ್ಥಾನ ರಾಯಲ್ಸ್ ತಂಡದ ವಿರುದ್ಧ ಪಂದ್ಯದಲ್ಲಿ ಆರ್​ಸಿಬಿ ಸ್ಲೋ ಓವರ್​ ರೇಟ್​ ಹೊಂದಿತ್ತು. ಈ ಆವೃತ್ತಿಯಲ್ಲಿ ಇದಕ್ಕೂ ಮುನ್ನ ಫಾಫ್ ಡು ಪ್ಲೆಸಿಸ್​ ತಂಡದ ಕ್ಯಾಪ್ಟನ್​ ಆಗಿ ಲಕ್ನೋ ವಿರುದ್ಧ ಪಂದಯದಲ್ಲೂ ಸ್ಲೋ ಓವರ್ ರೇಟ್​ ಹೊಂದಿತ್ತು. ಪರಿಣಾಮ ಡು ಪ್ಲೆಸಿಸ್​ಗೆ 12 ಲಕ್ಷ ರೂಪಾಯಿ ದಂಡ ವಿಧಿಸಲಾಗಿತ್ತು. ಈ ಪಂದ್ಯದಲ್ಲಿ ಕೊನೆಯ ಎಸೆದದಲ್ಲಿ ಆರ್​​ಸಿಬಿ ತಂಡ ರೋಚಕ ಸೋಲುಂಡಿತ್ತು.

ಲಕ್ನೋ ವಿರುದ್ಧ ಪಂದ್ಯದಲ್ಲಿ ಮೊದಲ ಬಾರಿಗೆ ಸ್ಲೋ ಓವರ್ ರೇಟ್​ ಹೊಂದಿದ್ದ ಕಾರಣ ಕ್ಯಾಪ್ಟನ್​ ಆಗಿದ್ದ ಡು ಪ್ಲೆಸಿಸ್​ಗೆ 12 ಲಕ್ಷ ರೂಪಾಯಿ ದಂಡ ವಿಧಿಸಲಾಗಿತ್ತು. ಎರಡನೇ ಬಾರಿಗೆ ಐಪಿಎಲ್ ನಿಯಮ ಉಲ್ಲಂಘಿಸಿದ ಕಾರಣ ಮೊದಲ ದಂಡಕ್ಕಿಂತ ಡಬಲ್​ ಅಂದರೆ 24 ಲಕ್ಷ ರೂಪಾಯಿ ದಂಡವನ್ನು ಕ್ಯಾಪ್ಟನ್​ ಆಗಿದ್ದ ವಿರಾಟ್​ ಕೊಹ್ಲಿಗೆ ವಿಧಿಸಲಾಗಿದೆ.

ಆರ್​ಸಿಬಿ ತಂಡವನ್ನು ಡು ಪ್ಲೆಸಿಸ್​ ಆರಂಭದ ಪಂದ್ಯಗಳಲ್ಲಿ ಮುನ್ನಡೆಸಿದ್ದರು ಸಹ ಅವರು ಈಗ ಗ್ರೇಡ್-ಒನ್ ಇಂಟರ್ಕೊಸ್ಟಲ್ ಸ್ಟ್ರೈನ್ ಸಮಸ್ಯೆಯಿಂದ ಬಳುತ್ತಿದ್ದಾರೆ. ಪರಿಣಾಮ ಆರ್​ಸಿಬಿ ಫ್ರಾಂಚೈಸಿ ಡು ಪ್ಲೆಸಿಸ್​​​ಗೆ ಕೇವಲ ಆರ್​ಸಿಬಿ ಬ್ಯಾಟಿಂಗ್​ ವೇಳೆ ಮಾತ್ರ ಆಡಲು ನೀಡಿ, ಇಂಪ್ಯಾಕ್ಟ್​ ಪ್ಲೇಯರ್​ ಆಯ್ಕೆಯೊಂದಿಗೆ ಎರಡನೇ ಇನ್ನಿಂಗ್ಸ್​​ನಲ್ಲಿ ವಿಶ್ರಾಂತಿ ನೀಡುತ್ತಿದೆ.

ಇನ್ನು, ಸ್ಲೋ ಓವರ್ ರೇಟ್​​ ಕಾರಣ ಬೆಂಗಳೂರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ಆನ್​​-ಫಿಲ್ಡ್ ಪೆನಾಲ್ಟಿಯನ್ನು ಎದುರಿಸುತ್ತು. ಇದರ ಅನ್ವಯ ಇನ್ನಿಂಗ್ಸ್​ನ 20ನೇ ಓವರ್​​ನಲ್ಲಿ 30 ಯಾರ್ಡ್​ ಸರ್ಕಲ್​ ಹೊರಗೆ ಫೀಲ್ಡಿಂಗ್​​ ಮಾಡಲು ಕೇವಲ ನಾಲ್ವರು ಫೀಲ್ಡರ್​ಗಳಿಗೆ ಮಾತ್ರ ಅವಕಾಶ ನೀಡಲಾಗುತ್ತದೆ.

ಈಗಾಗಲೇ ಎರಡೆರು ಬಾರಿ ಸ್ಲೋ ಓವರ್​ ರೇಟ್​ನಿಂದ ದಂಡ ತೆತ್ತಿರುವ ಕಾರಣ ಆರ್​ಸಿಬಿ ತಂಡ ಮುಂದಿನ ಪಂದ್ಯದಲ್ಲಿ ಎಚ್ಚರಿಕೆಯಿಂದ ಆಡಬೇಕಾಗುತ್ತದೆ. ಇನ್ನು, ರಾಯಲ್​ ಚಾಲೆಂಜರ್ಸ್​ ಮತ್ತು ರಾಜಸ್ಥಾನ ನಡುವಿನ ಪಂದ್ಯವು ಅಭಿಮಾನಿಗಳಿಗೆ ಸಖತ್​ ಥ್ರಿಲ್​ ನೀಡಿತು. ಆರ್​ಸಿಬಿ ನೀಡಿದ 190 ರನ್ ಟಾರ್ಗೆಟ್​ ಬೆನ್ನಟ್ಟಿದ ರಾಜಸ್ಥಾನ್​ ತಂಡವು ನಿಗದಿತ 20 ಓವರ್​ಗಳಲ್ಲಿ 6 ವಿಕೆಟ್​ ನಷ್ಟಕ್ಕೆ 182 ರನ್​ ಗಳಿಸುವ ಮೂಲಕ 7 ರನ್​ಗಳ ಸೋಲನ್ನಪ್ಪಿತು.