Team India: ನಾನು ವಾಪಸ್ ಬರ್ತಿದ್ದೀನಿ; ಅಭಿಮಾನಿಗಳಿಗೆ ಗುಡ್​ನ್ಯೂಸ್​ ಕೊಟ್ಟ ಟೀಂ ಇಂಡಿಯಾ ಸ್ಟಾರ್ ಕ್ರಿಕೆಟರ್

ಟೀಂ ಇಂಡಿಯಾ ಅಭಿಮಾನಿಗಳಿಗೆ ಸ್ಟಾರ್ ಕ್ರಿಕೆಟಿಗ ಗುಡ್​ನ್ಯೂಸ್ ಕೊಟ್ಟಿದ್ದಾರೆ. ಗಾಯದ ಸಮಸ್ಯೆಯಿಂದ ಸಾಕಷ್ಟು ಸಮಯದಿಂದ ತಂಡದಿಂದ ದೂರವಾಗಿದ್ದ ಕ್ರಿಕೆಟಿಗ ಶೀಘ್ರ ಟೀಂ ಇಂಡಿಯಾಗೆ ವಾಪಸ್​ ಆಗ್ತೀದ್ದಿನಿ ಎಂದು ತಿಳಿಸಿದ್ದಾರೆ. ಆತ ಬೇರೆ ಯಾರು ಅಲ್ಲ, ಟೀಂ ಇಂಡಿಯಾ ಸ್ಟಾರ್ ಆಲ್​ರೌಂಡರ್​, ರವೀಂದ್ರ ಜಡೇಜಾ.

ಏಷ್ಯಾ ಕಮ್​ ಸಮಯದಲ್ಲಿ ಮೊಣಕಾಲಿನ ಗಾಯದ ಸಮಸ್ಯೆಗೆ ತುತ್ತಾಗಿ ತಂಡದಿಂದ ರವೀಂದ್ರ ಜಡೇಜಾ ತಂಡದಿಂದ ದೂರವಾಗಿದ್ದರು. ಆ ಬಳಿಕ ಟಿ20 ವಿಶ್ವಕಪ್​​ ಟೂರ್ನಿ ಕೂಡ ಆಡಿರಲಿಲ್ಲ. ಬಾಂಗ್ಲಾದೇಶದ ವಿರುದ್ಧ ನಡೆದ ಟೆಸ್ಟ್​ ಟೂರ್ನಿಯನ್ನು ಮಿಸ್ ಮಾಡಿಕೊಂಡಿದ್ದರು.

ಸಮುದ್ರದ ಬಳಿ ನಿಂತಿಕೊಂಡಿರುವ ಫೋಟೋವನ್ನು ಹಂಚಿಕೊಂಡಿರುವ ಜಡೇಜಾ, ಶೀಘ್ರ ಭೇಟಿ ಆಗೋಣಾ ಎಂದು ಹಣೆಬರಹ ನೀಡಿದ್ದಾರೆ. ಇದನ್ನು ನೋಡಿದ ಅಭಿಮಾನಿಗಳು ಸಖತ್​ ಸಂತೋಷಗೊಂಡಿದ್ದಾರೆ.

2019ರ ಏಕದಿನ ವಿಶ್ವಕಪ್​​ ಬಳಿಕ ಜಡೇಜಾ ತಮ್ಮನ್ನು ಸಾಕಷ್ಟು ಬದಲಿಸಿಕೊಂಡಿದ್ದರು. ಸೀಮಿತ ಓವರ್​ ಕ್ರಿಕೆಟ್​​ಗೆ ಸೂಕ್ತವಾಗುವಂತೆ ತಂಡದ ಫಿನಿಷರ್​ ಆಗಿ ಸ್ಫೋಟಕ ಆಟ ಪ್ರದರ್ಶಿಸಿದ್ದರು. ಅಲ್ಲದೇ ಟೆಸ್ಟ್​ ಮಾದರಿಯಲ್ಲಿ ಪ್ರಮುಖ ಬ್ಯಾಟರ್​ ಆಗಿಯೂ ಮಿಂಚಿದ್ದರು. ಆ ಮೂಲಕ ವಿಶ್ವ ಕ್ರಿಕೆಟ್​ನ ಆಲ್​ರೌಂಡರ್​ ಸ್ಥಾನದಲ್ಲಿ ನಂಬರ್​ 01 ಸ್ಥಾನ ಪಡೆದುಕೊಂಡಿದ್ದರು.

ಆದರೆ, ಪ್ರಮುಖ ಸಮಯದಲ್ಲೇ ಗಾಯಕ್ಕೆ ಒಳಗಾಗಿ ಜಡೇಜಾ ತಂಡದಿಂದ ದೂರವಾಗಿದ್ದರು. ಆದರೆ ಶ್ರೀಲಂಕಾ ವಿರುದ್ಧ ಪ್ರಕಟಿಸಿದ್ದ ಏಕದಿನ ಕ್ರಿಕೆಟ್​​ ಸರಣಿಯಲ್ಲಿ ಜಡೇಜಾ ಆಯ್ಕೆ ಆಗಿರಲಿಲ್ಲ. ಆದ್ದರಿಂದ ಶ್ರೀಲಂಕಾ ಟೂರ್ನಿಯ ಬಳಿಕ ನಡೆಯುವ ಆಸ್ಟ್ರೇಲಿಯಾ ವಿರುದ್ಧ ಬಾರ್ಡರ್​ ಗವಾಸ್ಕರ್ ಟ್ರೋಫಿಯಲ್ಲಿ ಜಡೇಜಾ ಕಮ್​ ಬ್ಯಾಕ್​ ಮಾಡುವ ಸಾಧ್ಯತೆ ಇದೆ.

ಆಸ್ಟ್ರೇಲಿಯಾ ವಿರುದ್ಧದ ಟೂರ್ನಿಯಲ್ಲಿ ಟೀಂ ಇಂಡಿಯಾ ನಾಲ್ಕು ಟೆಸ್ಟ್​ ಪಂದ್ಯಗಳನ್ನು ಆಡಲಿದೆ. ಆದ್ದರಿಂದ ಆಲ್​​ರೌಂಡರ್​​ ಆಗಿರುವ ರವೀಂದ್ರ ಜಡೇಜಾ ತಂಡದ ಕೀ ಪ್ಲೇಯರ್​ ಆಗುವ ಆಗಲಿದ್ದಾರೆ.

ಭಾರತದಲ್ಲೇ ಟೂರ್ನಿ ನಡೆಯುವುದರಿಂದ ಪಿಚ್​​ಗಳು ಸ್ಪಿನ್​​ಗೆ ಹೆಚ್ಚು ಸಹಕಾರ ನೀಡುವ ಸಾಧ್ಯತೆ ಹೆಚ್ಚಿದೆ. ಆದ್ದರಿಂದ ಅಶ್ವಿನ್​​ರೊಂದಿಗೆ ಜಡೇಜಾ ಬ್ಯಾಟಿಂಗ್​ ಮಾತ್ರವಲ್ಲದೇ, ಬೌಲಿಂಗ್​​ನಲ್ಲೂ ಪ್ರಮುಖ ಅಸ್ತ್ರವಾಗಲಿದ್ದಾರೆ.

ಇನ್ನು, ಈ ಟೂರ್ನಿಯಲ್ಲಿ ಜಡೇಜಾ ಆಡುವುದು ಖಚಿತನಾ ಎಂಬುವುದು ತಿಳಿಯಬೇಕಾದರೆ, ಬಿಸಿಸಿಐ ಆಯ್ಕೆ ಸಮಿತಿ ತಂಡ ಪ್ರಕಟಿಸುವವರೆಗೂ ಕಾದು ನೋಡಬೇಕಿದೆ.