Ravindra Jadeja Captaincy: ಈ 5 ಕಾರಣಗಳಿಂದ ಜಡೇಜಾ ಸಿಎಸ್‌ಕೆ ನಾಯಕರಾದರು!, ಹೇಗಿದೆ ಜಡ್ಡು ದಾಖಲೆಗಳು

ಐಪಿಎಲ್ 2022 ರಲ್ಲ ಮಹೇಂದ್ರ ಸಿಂಗ್ ಧೋನಿ ರವೀಂದ್ರ ಜಡೇಜಾಗೆ ಚೆನ್ನೈ ಸೂಪರ್ ಕಿಂಗ್ಸ್ ನಾಯಕತ್ವವನ್ನು ಹಸ್ತಾಂತರಿಸಿದ್ದಾರೆ. ಟೀಮ್ ಇಂಡಿಯಾ ಮತ್ತು ಸಿಎಸ್‌ಕೆಯ ಸ್ಟಾರ್ ಆಲ್‌ರೌಂಡರ್ ರವೀಂದ್ರ ಜಡೇಜಾ ಅವರನ್ನು ಚೆನ್ನೈ ಸೂಪರ್ ಕಿಂಗ್ಸ್ 16 ಕೋಟಿ ರೂ.ಗೆ ಉಳಿಸಿಕೊಂಡಿತ್ತು, ಅದೇ ಸಮಯದಲ್ಲಿ ಧೋನಿಗೆ 12 ಕೋಟಿ ರೂ ಗೆ ಉಳಿಸಿಕೊಂಡಿತ್ತು. ಇನ್ನು ಜಡೇಜಾ ಅವರನ್ನೇ ನಾಯಕರನ್ನಾಗಿ ಮಾಡಲು ಕೆಲ ಪ್ರಮುಖ 5 ಕಾರಣಗಳು ಇಲ್ಲಿವೆ ನೋಡಿ

ಬ್ಯಾಟಿಂಗ್: ರವೀಂದ್ರ ಜಡೇಜಾ ಆಕ್ರಮಣಕಾರಿ ಬ್ಯಾಟಿಂಗ್ ಮತ್ತು ಸುದೀರ್ಘ ಇನ್ನಿಂಗ್ಸ್‌ಗೆ ಹೆಸರುವಾಸಿಯಾಗಿದ್ದಾರೆ. ರಣಜಿಯಲ್ಲಿ ಎರಡು ತ್ರಿಶತಕ ಬಾರಿಸಿರುವ ಜಡ್ಡು, ODI-T20 ನಲ್ಲಿ ಅವರು ಪರಿಸ್ಥಿತಿಗೆ ಅನುಗುಣವಾಗಿ ಹುರುಪಿನಿಂದ ಬ್ಯಾಟ್ ಮಾಡುತ್ತಾರೆ. ಅಂತಾರಾಷ್ಟ್ರೀಯ ಟಿ20ಯಲ್ಲಿ ಅವರ ಸ್ಟ್ರೈಕ್ ರೇಟ್ 125ರ ಆಸುಪಾಸಿನಲ್ಲಿದೆ. ಐಪಿಎಲ್‌ನಲ್ಲಿ, ಅವರು 128 ಸ್ಟ್ರೈಕ್ ರೇಟ್‌ನಲ್ಲಿ ರನ್ ಗಳಿಸಿದ್ದಾರೆ.

ಬೌಲಿಂಗ್: ಜಡೇಜಾ ಎಡಗೈ ಸ್ಪಿನ್ನರ್ ಆಗಿದ್ದು, ಟೆಸ್ಟ್ ಕ್ರಿಕೆಟ್‌ನಲ್ಲಿ 242, ಏಕದಿನದಲ್ಲಿ 188 ಮತ್ತು ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳಲ್ಲಿ 48 ವಿಕೆಟ್‌ಗಳನ್ನು ಪಡೆದಿದ್ದಾರೆ. ಜೊತೆಗೆ 200 ಐಪಿಎಲ್ ಪಂದ್ಯಗಳಲ್ಲಿ 127 ವಿಕೆಟ್ ಗಳನ್ನು ಪಡೆದಿದ್ದಾರೆ.

ಫೀಲ್ಡಿಂಗ್: ಯುವರಾಜ್ ಸಿಂಗ್ ಅವರಂತೆ ರವೀಂದ್ರ ಜಡೇಜಾ ಕೂಡ ಅದ್ಭುತ ಫೀಲ್ಡರ್. ಜಡೇಜಾ ಯಾವುದೇ ಸ್ಥಾನದಲ್ಲಿ ಫೀಲ್ಡಿಂಗ್ ಮಾಡಲು ಹೆಸರುವಾಸಿಯಾಗಿದ್ದಾರೆ. ಟಿ20 ಕ್ರಿಕೆಟ್‌ನಲ್ಲಿ 100ಕ್ಕೂ ಹೆಚ್ಚು ಕ್ಯಾಚ್‌ಗಳನ್ನು ಪಡೆದಿರುವ ಆಯ್ದ ಆಟಗಾರರ ಪಟ್ಟಿಯಲ್ಲಿ ಜಡೇಜಾ ಸಹ ಒಬ್ಬರು. ಜಡೇಜಾ 276 ಟಿ20 ಪಂದ್ಯಗಳಲ್ಲಿ 107 ಕ್ಯಾಚ್‌ಗಳನ್ನು ಪಡೆದಿದ್ದಾರೆ.

ಇದುವರೆಗೆ ಮಹೇಂದ್ರ ಸಿಂಗ್ ಧೋನಿ ಮತ್ತು ಸುರೇಶ್ ರೈನಾ ಮಾತ್ರ ಸಿಎಸ್‌ಕೆಗೆ ನಾಯಕರಾಗಿದ್ದರು. ಇಬ್ಬರೂ ಭಾರತೀಯ ಆಟಗಾರರು. ಚೆನ್ನೈನಲ್ಲಿ ಮೊಯಿನ್ ಅಲಿ ಮತ್ತು ಡ್ವೇನ್ ಬ್ರಾವೋ ಅವರಂತಹ ಹಿರಿಯ ಆಟಗಾರರೂ ಇದ್ದಾರೆ, ಆದರೆ ಫ್ರಾಂಚೈಸ್ ಭಾರತೀಯ ಆಟಗಾರನನ್ನೇ ಈ ಬಾರಿಯೂ ನಾಯಕನನ್ನಾಗಿ ಮಾಡಿದೆ. ಇನ್ನು, ಜಡೇಜಾಗೆ ಕೇವಲ 33 ವರ್ಷ. ಅವರು ಅಲಿ-ಬ್ರಾವೋಗಿಂತ ಕಿರಿಯರು. ಹೀಗಾಗಿ ಜಡ್ಡು ಮುಂದಿನ ಕೆಲವು ವರ್ಷಗಳವರೆಗೆ ಸುಲಭವಾಗಿ ನಾಯಕರಾಗಿರಬಹುದು.

ಈ ಕಾರಣಗಳ ಹೊರತಾಗಿ, ಜಡೇಜಾ ಇಡೀ ಋತುವಿನಲ್ಲಿ IPL ನಲ್ಲಿ ಲಭ್ಯವಿರುವ ಆಟಗಾರ. ಅವರು ಭಾರತೀಯ ಕ್ರಿಕೆಟ್ ತಂಡದ ಪ್ರಮುಖ ಸದಸ್ಯರಾಗಿದ್ದಾರೆ ಮತ್ತು ಬಿಸಿಸಿಐ ಒಪ್ಪಂದದೊಂದಿಗೆ ಸಹ ಸಂಬಂಧ ಹೊಂದಿದ್ದಾರೆ. ಬಿಸಿಸಿಐ ಒಪ್ಪಂದದ ಆಟಗಾರರು ಐಪಿಎಲ್ ಸಮಯದಲ್ಲಿ ಯಾವುದೇ ಟಿ20 ಲೀಗ್‌ನಲ್ಲಿ ಆಡುವಂತಿಲ್ಲ. ಜಡೇಜಾ ಐಪಿಎಲ್ ನಿಂದ ಇದುವರೆಗೆ 93 ಕೋಟಿ ರೂ. ಸಂಪಾಧಿಸಿದ್ದಾರೆ.