Rohit Sharma: ಕ್ಯಾಪ್ಟನ್ ರೋಹಿತ್ ಮೇಲೆ ಅಶ್ವಿನ್ ಮುನಿಸು! ಎಲ್ಲರಿಗೂ ಒಂದೇ ರೀತಿ ನ್ಯಾಯ ಸಿಗಬೇಕು ಎಂದಿದ್ದೇಕೆ ಸ್ಟಾರ್ ಪ್ಲೇಯರ್?

ಟೀಂ ಇಂಡಿಯಾದ ಅನುಭವಿ ಸ್ಪಿನ್ನರ್ ರವಿಚಂದ್ರನ್ ಅಶ್ವಿನ್ ತಮ್ಮದೇ ತಂಡದ ನಾಯಕನ ಮೇಲೆ ಕೋಪವನ್ನು ವ್ಯಕ್ತಪಡಿಸಿದ್ದಾರೆ. ರೋಹಿತ್ ಶರ್ಮಾ ಅವರ ಆ ಒಂದು ನಿರ್ಧಾರವು ನಿರಾಶೆಗೊಳಿಸಿದೆ ಎಂದು ಅಶ್ವಿನ್​ ಹೇಳಿದ್ದಾರೆ.

ಶ್ರೀಲಂಕಾ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ ದಾಸುನ್ ಸನಕ ಮಂಕಾಡಿಂಗ್ ರನ್ ಔಟ್ ಮನವಿಯನ್ನು ಹಿಂಪಡೆದಿದ್ದು ಗೊತ್ತೇ ಇದೆ. ಈ ವಿಚಾರವಾಗಿ ರವಿಚಂದ್ರನ್ ಅಶ್ವಿನ್ ಈ ರೀತಿ ಮಾಡಿದ್ದು ತಪ್ಪು ಎನ್ನುತ್ತಿದ್ದಾರೆ.

ನಾನ್ ಸ್ಟ್ರೈಕರ್ ಬೌಲಿಂಗ್ ಮಾಡುವ ಮುನ್ನ ಬ್ಯಾಟರ್​ ಮೂಮದೆ ಹೋದಲ್ಲಿ ರನೌಟ್ ಮಾಡುವುದು ನೈತಿಕ ಹಾಗೂ ಐಸಿಸಿ ನಿಯಮದಲ್ಲೂ ಸೇರಿಸಲಾಗಿದೆ ಎಂದು ಸ್ಪಷ್ಟಪಡಿಸಿದರು. ಇದನ್ನು ಇತರ ಔಟ್‌ಗಳಂತೆ ಪರಿಗಣಿಸಬೇಕು ಎಂದಿದ್ದಾರೆ.

ಮೊಹಮ್ಮದ್ ಶಮಿ 98 ರನ್‌ಗಳಲ್ಲಿದ್ದ ದಸುನ್ ಸನಕ ಅವರನ್ನು ಔಟ್​ ಮಾಡಿದ್ದರು. ಆದರೆ ರೋಹಿತ್ ಶರ್ಮಾ ಆ ಮನವಿಯನ್ನು ಹಿಂಪಡೆದರು. ಇದರಿಂದಾಗಿ ರೋಹಿತ್ ಪರವಾಗಿ ಎಲ್ಲೆಡೆ ಪ್ರಶಂಸೆಯ ಕೇಳಿಬಂದಿತು.

ಇತ್ತೀಚೆಗೆ ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಈ ನಿರ್ಧಾರದ ಬಗ್ಗೆ ಮಾತನಾಡಿರುವ ಅಶ್ವಿನ್, ನಿಯಮವನ್ನು ಅನೈತಿಕವೆಂದು ಪರಿಗಣಿಸುವುದು ಇನ್ನೂ ತಪ್ಪು ಎಂದು ಹೇಳಿದ್ದಾರೆ. ಮೊಹಮ್ಮದ್ ಶಮಿ ತನ್ನ ಮನವಿಯನ್ನು ಹಿಂಪಡೆಯುವಂತೆ ಕೇಳಿದ್ದು ರೋಹಿತ್ ಅವರ ತಪ್ಪು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಬ್ಯಾಟ್ಸ್‌ಮನ್‌ಗಳು ಮತ್ತು ಬೌಲರ್‌ಗಳಿಗೆ ಸಮಾನ ಅವಕಾಶ ಸಿಗಬೇಕು ಎಂದಿದ್ದಾರೆ.

ಇತರ ಔಟ್‌ಗಳ ಸಂದರ್ಭದಲ್ಲಿ ಅವರು ತಮ್ಮ ಮನವಿಯನ್ನು ಹಿಂಪಡೆಯುತ್ತಾರೆಯೇ? ಎಂದು ಅಶ್ವಿನ್​ ಕೇಳಿದ್ದಾರೆ. ಸಾಮಾನ್ಯವಾಗಿ ಕ್ರಿಕೆಟ್‌ನಲ್ಲಿ ಫೀಲ್ಡರ್ ಮೇಲ್ಮನವಿ ಸಲ್ಲಿಸಿದರೆ ಔಟ್​ ನೀಡುವುದು ಅಂಪೈರ್‌ ಅವರ ಕರ್ತವ್ಯವಾಗಿದೆ. ಆದರೆ ಮಂಕಾಡಿಂಗ್ ಔಟ್ ಬಗ್ಗೆ ಇನ್ನೂ ಭಿನ್ನಾಭಿಪ್ರಾಯಗಳಿರುವುದು ಅಚ್ಚರಿ ಮೂಡಿಸಿದೆ ಎಂದು ಅವರು ಪ್ರತಿಕ್ರಿಯಿಸಿದ್ದಾರೆ.

ಆದರೆ ಶ್ರೀಲಂಕಾ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಮೊಹಮ್ಮದ್ ಶಮಿ ಸರಿಯಾಗಿಯೇ ಮಾಡಿದ್ದಾರೆ ಎಂದು ಅಶ್ವಿನ್ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಪ್ರಸ್ತುತ ಕ್ರಿಕೆಟ್‌ನಲ್ಲಿರುವ ಎಲ್ಲಾ ನಿಯಮಗಳು ಬ್ಯಾಟರ್ ಪರವಾಗಿವೆ ಎಂದು ಅಶ್ವಿನ್ ಹೇಳಿದ್ದಾರೆ. ನಿಯಮಗಳು ಬ್ಯಾಟರ್‌ಗೆ ಒಂದು ಮತ್ತು ಬೌಲರ್‌ಗೆ ಇನ್ನೊಂದು ಇರಬಾರದು. ಅಲ್ಲದೇ ಕ್ರಿಕೆಟ್​ ಒಂದು ಆಟವಾಗಿರುವುದರಿಂದ ಇಲ್ಲಿ ಬ್ಯಾಟರ್​ಗಳಿಗೆ ಮತ್ತು ಬೌಲರ್​ಗಳಿಗೆ ಸಮಾನವಾದ ನಿಯಮಬೇಕು ಎಂದು ಹೇಳಿದ್ದಾರೆ.