Rashmika Mandanna: ರಶ್ಮಿಕಾಗೆ ಧೋನಿ ಅಂದ್ರೆ ಸಖತ್ ಇಷ್ಟ ಅಂತೆ! ಹಾಗಾದ್ರೆ ಐಪಿಎಲ್‌ನಲ್ಲಿ ಶ್ರೀವಲ್ಲಿ ಫೆವರೇಟ್ ಟೀಂ ಯಾವುದು?

ಇಂಡಿಯನ್ ಪ್ರೀಮಿಯರ್ ಲೀಗ್ (IPL 2023) 2023 ಮಾರ್ಚ್ 31 ರಂದು ಅಹಮದಾಬಾದ್‌ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ನಡೆಯಲಿದ್ದು, ಹಾಲಿ ಚಾಂಪಿಯನ್ ಗುಜರಾತ್ ಟೈಟಾನ್ಸ್ ಆರಂಭಿಕ ಪಂದ್ಯದಲ್ಲಿ ಎಂಎಸ್ ಧೋನಿ ನಾಯಕತ್ವದ ಚೆನ್ನೈ ಸೂಪರ್ ಕಿಂಗ್ಸ್ (CSK) ವಿರುದ್ಧ ಸೆಣಸಲಿದೆ.

ಐಪಿಎಲ್ 2023ರ ಬಗ್ಗೆ ಕ್ರಿಕೆಟ್ ಅಭಿಮಾನಿಗಳ ಉತ್ಸಾಹ ಜೋರಾಗಿದೆ. ಆದರೆ, ಈ ಟೂರ್ನಿಯ ಬಗ್ಗೆ ಜನ ಸಾಮಾನ್ಯರಂತೆ ಸಿನಿಮಾ ತಾರೆಯರು ಹೊಂದಿದ್ದಾರೆ. ಕೋಟ್ಯಾಂತರ ಅಭಿಮಾನಿಗಳನ್ನು ಹೊಂದಿರುವ ತಂಡಕ್ಕೆ ದಕ್ಷಿಣ ಭಾರತದ ಖ್ಯಾತ ನಟಿ ರಶ್ಮಿಕಾ ಮಂದಣ್ಣ ಕೂಡ ಅಭಿಮಾನಿಯಾಗಿದ್ದಾರೆ.

ಮಾರ್ಚ್​ 31 ರಂದು ಉದ್ಘಾಟನಾ ಕಾರ್ಯಕ್ರಮ ನಡೆಯಲಿದೆ. ಐಪಿಎಲ್ 2023ರ ಉದ್ಘಾಟನಾ ಸಮಾರಂಭದಲ್ಲಿ ಹಲವಾರು ಬಾಲಿವುಡ್ ಎ-ಲಿಸ್ಟ್ ತಾರೆಗಳು ಭಾಗವಹಿಸುತ್ತಾರೆ ಎಂದು ಬಿಸಿಸಿಐ ಮೂಲಗಳು ತಿಳಿಸಿವೆ. ಹೀಗಾಗಿ ದೊಡ್ಡಮಟ್ಟದಲ್ಲಿ ಬಿಸಿಸಿಐ ಚಿಂತನೆ ನಡೆಸಿದೆ ಎನ್ನಲಾಗಿದೆ.

ಹೌದು, ಸುಮಾರು 4 ವರ್ಷಗಳ ಬಳಿಕ ಐಪಿಎಲ್​ ಉದ್ಘಾಟನಾ ಸಮಾರಂಭ ನಡೆಯಲಿದೆ. ಇದರಲ್ಲಿ ರಶ್ಮಿಕಾ ಮಂದಣ್ಣ ಡ್ಯಾನ್ಸ್ ಮಾಡಲಿದ್ದಾರೆ. ಅವರೊಂದಿಗೆ ತಮನ್ನಾ ಭಾಟಿಯ, ಬಾಲಿವುಡ್ ಗಾಯಕ ಅರಿಜಿತ್ ಸಿಂಗ್ ಈ ಕಾರ್ಯಕ್ರಮದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ.

ಒಮ್ಮೆ ರಶ್ಮಿಕಾ ಮಂದಣ್ಣ ಇನ್‌ಸ್ಟಾಗ್ರಾಮ್ ಲೈವ್ ಸೆಷನ್ ಮಾಡಿದಾಗ, ಅವರ ಅಭಿಮಾನಿಯೊಬ್ಬರು ನಿಮ್ಮ ನೆಚ್ಚಿನ ಐಪಿಎಲ್ ತಂಡ ಯಾವುದು ಎಂದು ಕೇಳಿದ್ದರು. ಈ ವೇಳೆ ಉತ್ತರಿಸಿದ ರಶ್ಮಿಕಾ, ‘ಈ ಸಲ ಕಪ್ ನಮ್ದೆ’ ಅಂದರೆ ‘ಈ ವರ್ಷ ಕಪ್ ನಮ್ಮದಾಗುತ್ತೆ’ ಎಂದು ಕನ್ನಡದಲ್ಲಿ ಉತ್ತರಿಸುವ ಮೂಲಕ RCB ತಂಡ ಅಚ್ಚುಮೆಚ್ಚು ಎಂದು ಹೇಳಿದ್ದಾರೆ.

ಆದರೆ, ರಶ್ಮಿಕಾ ಮಂದಣ್ಣ ಆರ್​ಸಿಬಿ ತಂಡ ತನ್ನ ಮೆಚ್ಚಿನ ಆಟ ಎಂದು ಹೇಳಿದ್ದರೂ ಸಹ ಎಲ್ಲರನ್ನೂ ಅಚ್ಚರಿಗೊಳಿಸುವಂತೆ ಮತ್ತೊಂದು ಮಾಹಿತಿ ಹೇಳಿಕೊಂಡಿದ್ದರು. ಹೌದು, ತಮ್ಮ ಮೆಚ್ಚಿನ ಕ್ರಿಕೆಟಿಗ ಯಾರೆಂದು ಅವರು ಹೇಳಿಕೊಂಡಿದ್ದರು.

ತನಗೆ ಎಂಎಸ್​ ಧೋನಿ ಅಂದರೆ ಹೆಚ್ಚು ಇಷ್ಟ ಎಂದು ಹೇಳಿದ್ದರು. ಧೋನಿ ಬ್ಯಾಟಿಂಗ್, ನಾಯಕತ್ವ, ವಿಕೆಟ್ ಕೀಪಿಂಗ್ ಅಂದರೆ ನನಗೆ ತುಂಬಾ ಅಚ್ಚುಮೆಚ್ಚು. ಧೋನಿ ನನ್ನ ಹೀರೋ ಎಂದು ರಶ್ಮಿಕಾ ಸಾಮಾಜಿಕ ಮಾಧ್ಯಮದಲ್ಲಿ ಹೇಳಿಕೊಂಡಿದ್ದರು.

ಐಪಿಎಲ್ 2023 ರಿಲಯನ್ಸ್ ಜಿಯೋದ ಡಿಜಿಟಲ್​ ರೈಟ್ಸ್​ ಖರೀದಿಸಿದೆ. ಹೀಗಾಗಿ ಉಚಿತವಾಗಿ ಐಪಿಎಲ್​ನ್ನು ನೀವು ಜಿಯೋ ಸಿನಿಮಾ ಆ್ಯಪ್​ನಲ್ಲಿ ನೋಡಬಹುದಾಗಿದೆ. ಐಪಿಎಲ್​ನ ಎಲ್ಲ ಪಂದ್ಯಗಳು 4K ರೆಸಲ್ಯೂಶನ್ ನಲ್ಲಿ ವೀಕ್ಷಿಸಬಹುದು.