Ken Block: ಖ್ಯಾತ ರ‍್ಯಾಲಿ ಪಟು ಕೆನ್ ಬ್ಲಾಕ್ ನಿಧನ, ತುಂಬಾ ಇಷ್ಟಪಟ್ಟಿದ್ದೇ ಇವರ ಪ್ರಾಣ ತೆಗೀತು!

ರ‍್ಯಾಲಿ ರೇಸರ್ ಮತ್ತು ಹೂನಿಗನ್ ಸಹ-ಸಂಸ್ಥಾಪಕ ಕೆನ್ ಬ್ಲಾಕ್ ಹಿಮವಾಹನ ಅಪಘಾತದಲ್ಲಿ ನಿಧನರಾಗಿದ್ದಾರೆ. ಇವರ ಸಾವಿಗೆ ಕ್ರೀಡಾ ಲೋಕದ ದಿಗ್ಗಜರು ಸಂತಾಪ ಸೂಚಿಸಿದ್ದಾರೆ.

ಕೆನ್ ಬ್ಲಾಕ್ ಅವರಿಗೆ 55 ವರ್ಷ ವಯಸ್ಸಾಗಿತ್ತು. ಕೆನ್ ಒಬ್ಬ ದಾರ್ಶನಿಕ, ಪ್ರವರ್ತಕ ಮತ್ತು ಐಕಾನ್ ಆಗಿದ್ದರು. ಕಡಿದಾದ ಇಳಿಜಾರಿನಲ್ಲಿ ಹಿಮವಾಹನವನ್ನು ಓಡಿಸುತ್ತಿದ್ದಾಗ ಸಮತೋಲನ ತಪ್ಪಿ ಕೆನ್​ ಕಾರು ಅಪಘಾತವಾಗಿದ್ದು, ಸಾವನ್ನಪ್ಪಿದ್ದಾರೆ.

2005 ರಲ್ಲಿ USA ನ ರ‍್ಯಾಲಿ ಅಮೇರಿಕಾ ಸರಣಿಯಲ್ಲಿ ತನ್ನ ರೇಸಿಂಗ್ ವೃತ್ತಿಜೀವನವನ್ನು ಪ್ರಾರಂಭಿಸಿದ ಅವರು, ನಂತರ ವಿಶ್ವ ರ‍್ಯಾಲಿ ಚಾಂಪಿಯನ್‌ಶಿಪ್‌ನಲ್ಲಿ ಕಾಣಿಸಿಕೊಂಡರು. ಅಲ್ಲದೇ FIA ವರ್ಲ್ಡ್ ರ‍್ಯಾಲಿ ಕ್ರಾಸ್ ಚಾಂಪಿಯನ್‌ಶಿಪ್‌ಗಳಲ್ಲಿ ಸಹ ಭಾಗವಹಿಸಿದ್ದರು.

2021 ರಲ್ಲಿ, ಬ್ಲಾಕ್ ಎಲೆಕ್ಟ್ರಿಕ್ ಚಲನಶೀಲತೆಯ ಮೇಲೆ ಕೇಂದ್ರೀಕರಿಸುವ ಯೋಜನೆಗಳ ಸರಣಿಗಾಗಿ ಆಡಿ ಕಂನಿ ಜೊತೆ ಕೈ ಜೋಡಿಸಿದ್ದರು. ಅಲ್ಲದೇ ಇವರ ರ್ಯಾಲಿಯ ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದ್ದವು.

ಕೆನ್ ಬ್ಲಾಕ್ ಕಾರನ್ನು ಡ್ರಿಫ್ಟಿಂಗ್ ಮಾಡುವ ಕಲೆಯಲ್ಲಿ ನಿಪುಣರಾಗಿದ್ದರು. ಇವರ ಈ ಕಲೆಗೆ ಅನೇಕ ಅಭಿಮಾನಿಗಳನ್ನೂ ಸಹ ಹೊಂದಿದ್ದರು.

ನಂತರ ಅವರು ಪ್ರಸಿದ್ಧ ಕಾರ್ ಟೆಲಿವಿಷನ್ ಶೋ 'ಟಾಪ್ ಗೇರ್' ನಲ್ಲಿ ಕಾಣಿಸಿಕೊಂಡಿದ್ದರು. ಟಾಪ್ ಗೇರ್‌ನಲ್ಲಿ ಅವರ ಎಪಿಸೋಡ್​ ಅಂದಿನ ಸಮಯದಲ್ಲಿ ಅತ್ಯಂತ ಹೆಚ್ಚು ವೀಕ್ಷಣೆ ಪಡೆದ ವಿಡಿಯೋ ಆಗಿತ್ತು.

ಕಳೆದ ವರ್ಷ ಜೇ ಲೆನೋ ಅವರು ಮಾರಣಾಂತಿಕ ಕಾರು ಅಪಘಾತಕ್ಕೆ ಒಳಗಾಗಿದ್ದರು ಈ ಅಪಘಾತದ ಬಳಿಕ ಇದೀಗ ಕೆನ್​ ಅವರ ಅಪಘಾತ ರೇಸರ್​ಗಳಲ್ಲಿ ಬೇಸರವನ್ನು ತರಿಸಿದೆ.

ಇನ್ನು, ಡಿಸೆಂಬರ್ 30ರ 2022ರಂದು ಖ್ಯಾತ ಟಈಂ ಇಂಡಿಯಾ ಆಟಗಾರ ರಿಷಭ್ ಪಂತ್ ಸಹ ಕಾರು ಅಪಘಾತಕ್ಕೆ ಒಳಗಾಗಿದ್ದರು. ಆದರೆ ಅದೃಷ್ಟವಶಾತ್ ಅವರು ಪ್ರಾಣಾಪಾಯದಿಂದ ಪಾರಾಗಿದ್ದು, ಇದೀಗ ಚೇತರಿಸಿಕೊಳ್ಳುತ್ತಿದ್ದಾರೆ.