Pro Kabaddi: ಇಂದು ಡಬಲ್ ಧಮಾಕ.. 2 ಜಬರ್​ದಸ್ತ್​ ಪಂದ್ಯದಲ್ಲಿ ಗೆಲ್ಲೋ ತಂಡ ಯಾವ್ದು?

ಪ್ರೋ ಕಬಡ್ಡಿ 2022 ಟೂರ್ನಿ ಆರಂಭವಾಗಿ ಮುಕ್ಕಾಲು ಪಂದ್ಯಗಳು ನಡೆದಿದೆ. ಹಲವು ಕಾದಾಟ, ರಣ ರೋಚಕ ಪಂದ್ಯಗಳಿಗೆ ಈ ಬಾರಿಯ ಕಬಡ್ಡಿ ಟೂರ್ನಿ(Kabaddi Tournament) ಸಾಕ್ಷಿಯಾಗಿದೆ. ಟೂರ್ನಿ ಕೊನೆಯ ಪಂದ್ಯಗಳು ಸಾಕಷ್ಟು ರೋಚಕತೆಯಿಂದ ಕೂಡಿದೆ.

ಇಂದು ( ಫೆಬ್ರವರಿ 7) ಒಟ್ಟು 2 ಪಂದ್ಯಗಳು ನಡೆಯಲಿವೆ. ಈ 2 ಪಂದ್ಯಗಳ ಪೈಕಿ ಪ್ರಥಮ ಪಂದ್ಯದಲ್ಲಿ ಗುಜರಾತ್​ ಜೈಂಟ್ಸ್​ ಮತ್ತು ಪಿಂಕ್ ಪ್ಯಾಂಥರ್ಸ್​​​ ತಂಡಗಳು ಸೆಣಸಾಟ ನಡೆಸಿಲಿವೆ. ದ್ವಿತೀಯ ಪಂದ್ಯದಲ್ಲಿ ಬೆಂಗಾಲ್​ ವಾರಿಯರ್ಸ್ ಮತ್ತು ತೆಲುಗು ಟೈಟಾನ್ಸ್​ ತಂಡಗಳು ಸೆಣಸಾಟ ನಡೆಸಲಿವೆ.

ಗುಜರಾತ್​​ ಜೈಂಟ್ಸ್ ತಂಡ ಒಟ್ಟು 16 ಪಂದ್ಯಗಳನ್ನಾಡಿದ್ದು, 6 ಪಂದ್ಯ ಗೆದ್ದು, 7ರಲ್ಲಿ ಸೋಲು ಕಂಡಿದೆ. 43 ಅಂಕಗಳೊಂದಿಗೆ ಟೇಬಲ್​ನಲ್ಲಿ 9ನೇ ಸ್ಥಾನ ಪಡೆದುಕೊಂಡಿದೆ. ಇನ್ನೂ ಪಿಂಕ್​ ಪ್ಯಾಂರ್ಥಸ್​ ತಂಡ ಆಡಿರುವ 16 ಪಂದ್ಯದಲ್ಲಿ 7ರಲ್ಲಿ ಗೆದ್ದು, 7ರಲ್ಲಿ ಸೋತಿದೆ. 46 ಅಂಕಗಳಿಸಿ 7ನೇ ಸ್ಥಾನದಲ್ಲಿದೆ. ಮುಂಬರುವ ಪಂದ್ಯಗಳನ್ನೆಲ್ಲ ಗೆಲ್ಲುವುದು ಅನಿವಾರ್ಯವಾಗಿದೆ.

ಬೆಂಗಾಲ್​ ವಾರಿಯರ್ಸ್ ಒಟ್ಟು 17 ಪಂದ್ಯಗಳನ್ನಾಡಿದ್ದು, 7ರಲ್ಲಿ ಗೆದಿದೆ. 9 ಪಂದ್ಯಗಳನ್ನು ಸೋತಿದ್ದು, 41 ಅಂಕಗಳೊಂದಿಗೆ ಪಾಯಿಂಟ್ಸ್​ ಟೇಬಲ್​ 12ನೇ ಸ್ಥಾನದಲ್ಲಿದೆ. ಮುಂದಿನ ಹಂತಕ್ಕೆ ಈ ತಂಡ ಪ್ರವೇಶ ಪಡೆಯುವುದು ಬಹಳ ಕಷ್ಟ.

ಈ ಬಾರಿ ಇಡೀ ಟೂರ್ನಿಯಲ್ಲೇ ಕಳಪೆ ಪ್ರದರ್ಶನ ತೋರುತ್ತಿರುವ ತಂಡ ಅಂದರೆ ತೆಲುಗು ಟೈಟನ್ಸ್​. ಟೂರ್ನಿ ಆರಂಭದಿಂದ ಇಲ್ಲಿಯವರೆಗೂ 16 ಪಂದ್ಯಗಳನ್ನಾಡಿದ್ದು, ಕೇವಲ ಒಂದರಲ್ಲಿ ಮಾತ್ರ ಜಯ ಸಾಧಿಸಿದೆ. ಟೇಬಲ್​ನಲ್ಲಿ ಕೊನೆಯ ಸ್ಥಾನದಲ್ಲಿ. ಇನ್ನೂ ಈ ಪಂದ್ಯದಲ್ಲಿ ಬೆಂಗಾಲ್​ ವಾರಿಯರ್ಸ್​ ಗೆಲ್ಲುವ ಸಾಧ್ಯತೆ ಹೆಚ್ಚಿದೆ