Imran Khan: 4 ಬಾಲಿವುಡ್​ ಬೆಡಗಿಯರ ಜೊತೆ ಪಾಕ್​ ಮಾಜಿ ಆಟಗಾರನ ಹೆಸರು ತಳುಕು, ಆದ್ರೆ ಮದ್ವೆ ಆಗಿದ್ದು ಮಾತ್ರ ಇವರನ್ನ!

ಒಂದಾನೊಂದು ಕಾಲದಲ್ಲಿ ಪಾಕಿಸ್ತಾನಿ ಕ್ರಿಕೆಟಿಗ ಮತ್ತು ಬಾಲಿವುಡ್ ನಟಿಯರ ನಡುವಿನ ಸಂಬಂಧದ ಸುದ್ದಿಸಖತ್​ ವೈರಲ್ ಆಗಿತ್ತು. ಆದರೆ ಅಂತಿಮವಾಗಿ ಮೊಹ್ಸಿನ್ ಖಾನ್ ಮತ್ತು ರೀನಾ ರಾಯ್ ಅವರ ಸಂಬಂಧವು ಮದುವೆಗೆ ತಲುಪಿತ್ತು. ಒಂದಾನೊಂದು ಕಾಲದಲ್ಲಿ ಬಾಲಿವುಡ್ ನಟಿ ಸುಶ್ಮಿತಾ ಸೇನ್ ಜೊತೆ ವಾಸಿಂ ಅಕ್ರಂ ಡೇಟಿಂಗ್​ ಮಾಡುತ್ತಿದ್ದರು ಎಂಬ ಸುದ್ದಿ ಭಾರೀ ಸದ್ದು ಮಾಡಿತ್ತು. ಆದರೆ ಓರ್ವ ಆಟಗಾರನ ಹೆಸರು ಮಾತ್ರ 4 ಬಾಲಿವುಡ್​ ನಟಿಯರ ಜೊತೆ ತಳುಕು ಹಾಕಿಕೊಂಡಿತ್ತು.

ಪಾಕಿಸ್ತಾನ ತಂಡದ ನಾಯಕರಾಗಿದ್ದ ಇಮ್ರಾನ್​ ಖಾನ್​ ಅವರನ್ನು ಪ್ಲೇಬಾಯ್ ಎಂದೂ ಕರೆಯಲಾಗುತ್ತಿತ್ತು. 1992ರಲ್ಲಿ ಇಮ್ರಾನ್ ನಾಯಕತ್ವದಲ್ಲಿ ಪಾಕಿಸ್ತಾನ ಮೊದಲ ಬಾರಿಗೆ ಏಕದಿನ ವಿಶ್ವಕಪ್ ಗೆದ್ದಿತ್ತು. ಇಮ್ರಾನ್ ಪಾಕಿಸ್ತಾನದ ಕ್ರಿಕೆಟ್ ಇತಿಹಾಸದಲ್ಲಿ ಅತ್ಯಂತ ವರ್ಚಸ್ವಿ ನಾಯಕರು ಎಂದು ಹೇಳಲಾಗುತ್ತದೆ.

ಇಮ್ರಾನ್ ಖಾನ್ ಅವರ ಆಟದಲ್ಲಿ ಅಗ್ರಸ್ಥಾನದಲ್ಲಿದ್ದಾಗ, ಅವರ ಹೆಸರು ಅನೇಕ ಬಾಲಿವುಡ್ ನಟಿಯರೊಂದಿಗೆ ಕೇಳಿಬಂದಿತ್ತು. ಮಾಧ್ಯಮ ವರದಿಗಳ ಪ್ರಕಾರ, ಈ ಕೆಲವು ನಟಿಯರೊಂದಿಗಿನ ಅವರ ಸಂಬಂಧವು ಮದುವೆಗೂ ತಲುಪಿತ್ತು. ಆದರೆ ಒಂದಲ್ಲ ಒಂದು ಕಾರಣದಿಂದ ಅವರೊಂದಿಗಿನ ಸಂಬಂಧ ಕಡಿತವಾಯಿತು.

ಭಾರತ-ಪಾಕಿಸ್ತಾನ ಸದ್ಯ ಮುಂದೆ ದ್ವಿಪಕ್ಷೀಯ ಸರಣಿಗಳನ್ನು ಆಡದಿರಬಹುದು. ಆದರೆ 1990ರ ಮೊದಲು ಹೀಗಿರಲಿಲ್ಲ. ಉಭಯ ದೇಶಗಳ ನಡುವೆ ಕ್ರಿಕೆಟ್ ನಡೆಯುತ್ತಿತ್ತು. ಈ ಅವಧಿಯಲ್ಲಿ ಇಮ್ರಾನ್ ಖಾನ್ ಹಲವು ಭಾರತೀಯ ನಟಿಯರ ನಡುವೆ ಡೇಟಿಂಗ್​ ಮಾಡುತ್ತಿದ್ದರು ಎಂದು ಹೇಳಲಾಗುತ್ತಿತ್ತು.

ಇಮ್ರಾನ್ ಖಾನ್ ಅವರ ಮೊದಲ ಹೆಸರು ಬಂಗಾಳಿ ನಟಿ ಮುನ್ಮುನ್ ಅವರೊಂದಿಗೆ ಕೇಳಿಬಂದಿತ್ತು. ಇಮ್ರಾನ್ ಮತ್ತು ಮೂನ್ ಮೂನ್ ಸೇನ್ ಅವರ ಸಾಮೀಪ್ಯವು ಒಂದು ಕಾಲದಲ್ಲಿ ಬಹಳಷ್ಟು ಸುದ್ದು ಮಾಡಿತ್ತು. ಇಮ್ರಾನ್ ಮುನ್ಮುನ್ ಸೇನ್ ಅವರನ್ನು ತುಂಬಾ ಇಷ್ಟಪಡುತ್ತಿದ್ದರು ಮತ್ತು ಅವರ ಸಂಬಂಧವು ಮದುವೆಯ ಹಂತಕ್ಕೆ ತಲುಪಿತ್ತು ಎಂದು ವರದಿಯಾಗಿತ್ತು.

ಇದಾದ ನಂತರ ಇಮ್ರಾನ್ ಖಾನ್ ಹೆಸರು ಬಾಲಿವುಡ್ ನಟಿ ಶಬಾನಾ ಅಜ್ಮಿ ಜೊತೆ ಕೂಡ ಸೇರಿಕೊಂಡಿತ್ತು. ಆದರೆ ಇಬ್ಬರೂ ತಮ್ಮ ಸಂಬಂಧದ ಬಗ್ಗೆ ಮಾತನಾಡಲಿಲ್ಲ. ಅವರ ನಡುವೆ ಏನಾದರೂ ಇದೆಯೋ ಇಲ್ಲವೋ ಎಂಬ ಮಾತುಗಳು ಆ ವೇಳೆ ಸಾಕಷ್ಟು ಚರ್ಚೆಗೆ ಕಾರಣವಾಗಿತ್ತು.

ಇಮ್ರಾನ್ ಖಾನ್ ಮತ್ತು ಬಾಲಿವುಡ್ ನಟಿ ಜೀನತ್ ಅಮಾನ್ ನಡುವಿನ ಸಂಬಂಧವು ಸಾಕಷ್ಟು ಚರ್ಚೆಗೆ ಕಾರಣವಾಗಿತ್ತು. 1979ರಲ್ಲಿ ಪಾಕಿಸ್ತಾನದ ಕ್ರಿಕೆಟ್ ತಂಡ ಭಾರತ ಪ್ರವಾಸಕ್ಕೆ ಬಂದಿತ್ತು. ಆ ಸಮಯದಲ್ಲಿ ಇಮ್ರಾನ್ ಖಾನ್ ತಮ್ಮ 27ನೇ ಹುಟ್ಟುಹಬ್ಬವನ್ನು ಜೀನತ್ ಅಮಾನ್ ಅವರೊಂದಿಗೆ ಆಚರಿಸಿಕೊಂಡಿದ್ದರು ಎಂದು ಮಾಧ್ಯಮ ವರದಿಗಳಾಗಿದ್ದವು.

ಲವ್ ಲೈಫ್ ನಂತೆಯೇ ಇಮ್ರಾನ್ ದಾಂಪತ್ಯ ಜೀವನವೂ ಅಷ್ಟೊಂದು ಚೆನ್ನಾಗಿರಲಿಲ್ಲ. ಅವರು ಮೂರು ಬಾರಿ ವಿವಾಹವಾಗಿದ್ದಾರೆ. ಬುಶ್ರಾ ಬೀಬಿ ಅವರ ಮೂರನೇ ಪತ್ನಿ.

ಮೊದಲು ಅವರು ಜೆಮಿಮಾ ಗೋಲ್ಡ್ ಸ್ಮಿತ್ ಅವರನ್ನು ವಿವಾಹವಾದರು. ಅವರ ಸಂಬಂಧವು 9 ವರ್ಷಗಳ ಕಾಲ ನಡೆಯಿತು ಮತ್ತು ರೆಹಮ್ ಖಾನ್ ಅವರೊಂದಿಗಿನ ಅವರ ವಿವಾಹವು 10 ತಿಂಗಳಲ್ಲಿ ಅಂತ್ಯವಾಗಿತ್ತು.