PAK vs NZ: 35ನೇ ವಯಸ್ಸಿನಲ್ಲಿ ತಂಡಕ್ಕೆ ಕಂಬ್ಯಾಕ್​,! ಕೇವಲ 12 ದಿನದಲ್ಲಿ ಬದಲಾಯ್ತು ಅದೃಷ್ಟ

ಸರ್ಫರಾಜ್ ಅಹ್ಮದ್ ಅವರು 35ನೇ ವಯಸ್ಸಿನಲ್ಲಿ ಕ್ರಿಕೆಟ್ ಮೈದಾನಕ್ಕೆ ಮರಳಿದ್ದಾರೆ. ಸುಮಾರು ನಾಲ್ಕು ವರ್ಷಗಳ ನಂತರ ಪಾಕಿಸ್ತಾನ ಟೆಸ್ಟ್ ತಂಡದಲ್ಲಿ ಸ್ಥಾನ ಪಡೆದರು. ಅವರು ನ್ಯೂಜಿಲೆಂಡ್ ವಿರುದ್ಧ 2 ಪಂದ್ಯಗಳಲ್ಲಿ 4 ಇನ್ನಿಂಗ್ಸ್‌ಗಳಲ್ಲಿ 335 ರನ್ ಗಳಿಸಿದರು. ಅವರ ಸರಾಸರಿ 84 ಆಗಿತ್ತು. ಒಂದು ಶತಕ, ಮೂರು ಅರ್ಧ ಶತಕ ಸಿಡಿಸಿದ್ದಾರೆ.

ಕರಾಚಿಯಲ್ಲಿ ಜನವರಿ 2 ರಿಂದ 6ರ ವರೆಗೆ ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಪಾಕಿಸ್ತಾನ 80 ರನ್‌ಗಳಿಗೆ 5 ವಿಕೆಟ್ ಕಳೆದುಕೊಂಡು 319 ರನ್‌ಗಳ ಹಿನ್ನಡೆ ಹೊಂದಿತ್ತು. ಇದರೊಂದಿಗೆ ಪಾಕಿಸ್ತಾನ ತಂಡದ ಸೋಲುತ್ತದೆ ಎಂದೇ ಎಲ್ಲರೂ ಭಾವಿಸಿದ್ದರು. ಆದರೆ ಸರ್ಫರಾಜ್ ಅಹ್ಮದ್ 176 ಎಸೆತಗಳಲ್ಲಿ 118 ರನ್‌ಗಳ ಸೂಪರ್ ಇನ್ನಿಂಗ್ಸ್‌ನೊಂದಿಗೆ ತಂಡಕ್ಕೆ ಆಸರೆಯಾದರು.

ಒಂದು ಹಂತದಲ್ಲಿ ಪಾಕಿಸ್ತಾನ ತಂಡಕ್ಕೆ ಗೆಲುವು ತಂದುಕೊಟ್ಟಂತೆ ಕಾಣುತ್ತಿದ್ದರು. ಅವರ ಇನ್ನಿಂಗ್ಸ್‌ನಲ್ಲಿ 9 ಬೌಂಡರಿ ಹಾಗೂ ಒಂದು ಸಿಕ್ಸರ್‌ ಸಿಡಿಸಿದ್ದರು. ಸುಮಾರು 4 ವರ್ಷಗಳ ನಂತರ ಪಾಕಿಸ್ತಾನ ತಂಡದಲ್ಲಿ ಸ್ಥಾನ ಪಡೆದರು.

ಸರ್ಫರಾಜ್ ಅಹ್ಮದ್ ಅವರ ಅದ್ಭುತ ಪ್ರದರ್ಶನದಿಂದ ಮೊಹಮ್ಮದ್ ರಿಜ್ವಾನ್ ಅವರ ಟೆಸ್ಟ್ ತಂಡದಲ್ಲಿ ಸ್ಥಾನ ಕಠಿಣವಾಗಿದೆ. ಇತ್ತೀಚೆಗಷ್ಟೇ ತವರಿನಲ್ಲಿ ನಡೆದ ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಪಾಕಿಸ್ತಾನ 0-3 ಅಂತರದಲ್ಲಿ ಸೋಲು ಅನುಭವಿಸಿತ್ತು. ಇಡೀ ಸರಣಿಯಲ್ಲಿ ರಿಜ್ವಾನ್ ಒಂದೇ ಒಂದು ಅರ್ಧಶತಕ ಗಳಿಸಲು ವಿಫಲರಾದರು. ಆ ಬಳಿಕ ಶಾಹಿದ್ ಅಫ್ರಿದಿ ನೇತೃತ್ವದ ನೂತನ ಆಯ್ಕೆ ಸಮಿತಿ ಮಾಜಿ ನಾಯಕ ಸರ್ಫರಾಜ್‌ಗೆ ಅವಕಾಶ ನೀಡಿತ್ತು. ಈಗ ಅವರ ನಂಬಿಕೆ ಉಳಿಸಿಕೊಂಡು ದೊಡ್ಡ ಯಶಸ್ಸು ಗಳಿಸಿದ್ದಾರೆ.

ಸರ್ಫರಾಜ್ ನಾಯಕತ್ವದಲ್ಲಿ ಪಾಕಿಸ್ತಾನವು ಭಾರತವನ್ನು ಸೋಲಿಸಿ 2017 ರಲ್ಲಿ ಚಾಂಪಿಯನ್ಸ್ ಟ್ರೋಫಿ ಪ್ರಶಸ್ತಿಯನ್ನು ಗೆದ್ದುಕೊಂಡಿತು. ಸರ್ಫರಾಜ್ ಡಿಸೆಂಬರ್ 26ರಂದು ಕಂಬ್ಯಾಕ್ ನಂತರ ತಮ್ಮ ಮೊದಲ ಟೆಸ್ಟ್ ಆಡಿದರು. ಅಂದರೆ ಡಿಸೆಂಬರ್ 26 ರಿಂದ ಜನವರಿ 6ರ ನಡುವೆ ಅಂದರೆ 12 ದಿನಗಳಲ್ಲಿ ಅವರ ವೃತ್ತಿ ಜೀವನ ಸಂಪೂರ್ಣ ಬದಲಾಯಿತು.

35 ವರ್ಷ ವಯಸ್ಸಿನ ಸರ್ಫರಾಜ್ ಈ ಸರಣಿಯಲ್ಲಿ ತಮ್ಮ ಮೊದಲ ಟೆಸ್ಟ್ ಅನ್ನು ತವರಿನಲ್ಲಿ ಆಡಿದರು. ಅವರ ವೃತ್ತಿಜೀವನದಲ್ಲಿ ಅವರು 51 ಟೆಸ್ಟ್‌ಗಳಲ್ಲಿ 90 ಇನ್ನಿಂಗ್ಸ್‌ಗಳಲ್ಲಿ 39 ಸರಾಸರಿಯಲ್ಲಿ 2992 ರನ್ ಗಳಿಸಿದ್ದಾರೆ. ಅವರು 4 ಶತಕ ಮತ್ತು 21 ಅರ್ಧ ಶತಕಗಳನ್ನು ಗಳಿಸಿದರು. ಅತ್ಯುತ್ತಮ ಸ್ಕೋರ್ 118 ರನ್. 117 ODIಗಳಲ್ಲಿ 2 ಶತಕಗಳೊಂದಿಗೆ 2315 ರನ್ ಮತ್ತು 61 T20 ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ 3 ಅರ್ಧ ಶತಕಗಳೊಂದಿಗೆ 818 ರನ್ ಗಳಿಸಿದ್ದಾರೆ. ಒಟ್ಟಾರೆಯಾಗಿ ಅವರು T20 ನಲ್ಲಿ ಸುಮಾರು 4000 ರನ್ ಗಳಿಸಿದ್ದಾರೆ.

30 ವರ್ಷ ವಯಸ್ಸಿನ ವಿಕೆಟ್‌ಕೀಪರ್ ಬ್ಯಾಟ್ಸ್‌ಮನ್ ಮೊಹಮ್ಮದ್ ರಿಜ್ವಾನ್ ಅವರ ಟೆಸ್ಟ್ ವೃತ್ತಿಜೀವನದ ಬಗ್ಗೆ ಮಾತನಾಡುತ್ತಾ, ಅವರು 27 ಪಂದ್ಯಗಳಲ್ಲಿ 43 ಇನ್ನಿಂಗ್ಸ್‌ಗಳಲ್ಲಿ 38 ರ ಸರಾಸರಿಯಲ್ಲಿ 1373 ರನ್ ಗಳಿಸಿದ್ದಾರೆ. 2 ಶತಕ, 7 ಅರ್ಧ ಶತಕಗಳು ಅವರ ಖಾತೆಯಲ್ಲಿವೆ. 49 ODIಗಳಲ್ಲಿ 2 ಶತಕಗಳ ಸಹಾಯದಿಂದ 1065 ರನ್ ಮತ್ತು 80 T20 ಅಂತರಾಷ್ಟ್ರೀಯ ಪಂದ್ಯಗಳಲ್ಲಿ 2635 ರನ್ ಗಳಿಸಿದ್ದಾರೆ. ಟಿ20ಯಲ್ಲಿ ಒಂದು ವರ್ಷದಲ್ಲಿ 2 ಸಾವಿರಕ್ಕೂ ಹೆಚ್ಚು ರನ್ ಗಳಿಸಿದ ವಿಶ್ವದ ಏಕೈಕ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು.