Hockey World Cup: ಭಾರತ ಹಾಕಿ ವಿಶ್ವಕಪ್ ಆಟಗಾರರಿಗೆ ಒಡಿಶಾ ಮುಖ್ಯಮಂತ್ರಿಯಿಂದ 1 ಕೋಟಿ ರೂ ಬಹುಮಾನ ಘೋಷಣೆ!

ಇನ್ನೇನು ಕೆಲವೇ ದಿನಗಳಲ್ಲಿ ಹಾಕಿ ವಿಶ್ವಕಪ್ 2023 ಪ್ರಾರಂಭವಾಗಲಿದೆ. ಇದರ ಜೊತೆಗೆ ಹರಾಜು ಪ್ರಕ್ರಿಯೆ ಆರಂಭವಾಗಲಿದೆ. ಆದರೆ ಇದರ ಮುಂಚಿತವಾಗಿಯೇ ಒಡಿಶಾ ಮುಖ್ಯಮಂತ್ರಿ ಭಾರತೀಯ ಪುರುಷ ತಂಡದ ಆಟಗಾರರಿಗೆ ಶುಭಸುದ್ದಿಯನ್ನು ನೀಡಿದ್ದಾರೆ. ಈ ಬಾರಿ ಹಾಕಿ ವಿಶ್ವಕಪ್​ನಲ್ಲಿ ನಮ್ಮ ಭಾರತೀಯ ತಂಡ ಗೆದ್ದರಿ, ತಂಡದ ಪ್ರತಿಯೊಬ್ಬ ಆಟಗಾರನಿಗೂ 1 ಕೋಟಿ ರೂಪಾಯಿಯ ಬಹುಮಾನ ನೀಡುವುದಾಗಿ ಘೋಷಣೆ ಮಾಡಿದ್ದಾರೆ./

ಜನವರಿ 13ರಿಂದ ಒಡಿಶಾದಲ್ಲಿ ಪುರುಷರ ಹಾಕಿ ವಿಶ್ವಕಪ್ ನಡೆಯಲಿದೆ. ಇದರ ಪೂರ್ವತಯಾರಿಗಳು ಈಗಾಗಲೆ ಮುಕ್ತಾಯದ ಹಂತದಲ್ಲಿದೆ. ಇದಲ್ಲದೆ ಬಹುದಿನದ ಭಾರತದ ಕನಸಾಗಿದ್ದ ಹಾಕಿ ವಿಶ್ವಕಪ್​ ಈ ಬಾರಿ ತನ್ನ ತವರಿನಲ್ಲೇ ನಡೆಯುವುದರಿಂದ ಉತ್ತಮ ಪ್ರದರ್ಶನ ನೀಡುವ ನಿರೀಕ್ಷಯಿದೆ. ಹಾಗಾಗಿ ಒಡಿಶಾ ಮುಖ್ಯಮಂತ್ರಿ ಕೂಡ ಒಂದು ಭರ್ಜರಿ ಕೊಡುಗೆಯನ್ನೂ ನೀಡಿದ್ದಾರೆ.

ಇದೇ ಜನವರಿ 5, 2023 ರಂದು ಭಾರತದ ಪುರುಷರ ತಂಡ ಈ ಬಾರಿ ಹಾಕಿ ವಿಶ್ವಕಪ್​ ಅನ್ನು ಗೆದ್ದರೆ ಪ್ರತಿಯೊಬ್ಬ ಆಟಗಾರನಿಗೂ 1 ಕೋಟಿ ಬಹುಮಾನ ನೀಡುವುದಾಗಿ ಒಡಿಶಾ ಮುಖ್ಯಮಂತ್ರಿ ಘೋಷಿಸಿದ್ದಾರೆ.

ರೂರ್ಕೆಲಾಗೆ ಭೇಟಿ ನೀಡಿದ ನವೀನ್ ಪಟ್ನಾಯಕ್ ಅವರು ರೂರ್ಕೆಲಾದ ಬಿರ್ಸಾ ಮುಂಡಾ ಹಾಕಿ ಸ್ಟೇಡಿಯಂ ಕಾಂಪ್ಲೆಕ್ಸ್‌ನಲ್ಲಿ ಸ್ಥಾಪಿಸಲಾದ ’ವಿಶ್ವಕಪ್ ವಿಲೇಜ್​’ ಅನ್ನು ಉದ್ಘಾಟಿಸಿದರು.

’ವಿಶ್ವ ಕಪ್ ವಿಲೇಜ್’ ಅನ್ನು ದಾಖಲೆಯ ಕೇವಲ ಒಂಬತ್ತು ತಿಂಗಳೊಳಗೆ ಅಭಿವೃದ್ಧಿಪಡಿಸಲಾಗಿದೆ ಮತ್ತು ಹಾಕಿ ವಿಶ್ವಕಪ್‌ಗೆ ಸಹಕಾರಿಯಾಗುವ ನಿಟ್ಟಿನಲ್ಲಿ ಎಲ್ಲಾ ಸೌಲಭ್ಯದೊಂದಿಗೆ 225 ಕೊಠಡಿಗಳನ್ನು ವಿಶ್ವಕಪ್ ವಿಲೇಜ್​ನಲ್ಲಿ ರಚಿಸಲಾಗಿದೆ. 

ಈ ಸಂದರ್ಭದಲ್ಲಿ ಒಡಿಶಾ ಮುಖ್ಯಮಂತ್ರಿಗಳು ವಿಶ್ವಕಪ್ ಗ್ರಾಮದಲ್ಲಿ ವಾಸ್ತವ್ಯ ಹೂಡಿರುವ ರಾಷ್ಟ್ರೀಯ ಪುರುಷರ ಹಾಕಿ ತಂಡದೊಂದಿಗೆ ಸಂವಾದ ನಡೆಸಿದರು.

ಈ ಸಂದರ್ಭದಲ್ಲಿ "ನಮ್ಮ ದೇಶ ವಿಶ್ವಕಪ್ ಗೆದ್ದರೆ ಟೀಮ್ ಇಂಡಿಯಾದ ಪ್ರತಿಯೊಬ್ಬ ಆಟಗಾರನಿಗೆ 1 ಕೋಟಿ ರೂಪಾಯಿ ಬಹುಮಾನ ನೀಡಲಾಗುವುದು. ಟೀಮ್ ಇಂಡಿಯಾಗೆ ನಾನು ಶುಭ ಹಾರೈಸುತ್ತೇನೆ ಮತ್ತು ಅವರು ಚಾಂಪಿಯನ್ಸ್​​ ಆಗಿ ಹೊರಹೊಮ್ಮುತ್ತಾರೆ ಎಂದು ನಾನು ಭಾವಿಸುತ್ತೇನೆ" ಎಂದು ನವೀನ್​ ಪಟ್ನಾಯಕ್ ಹೇಳಿದ್ದಾರೆ.

ಅದೇ ರೀತಿ ಕೂಡ ಆಟಗಾರರು ಒಡಿಶಾ ಸರ್ಕಾರವನ್ನು ಶ್ಲಾಘಿಸಿದರು ಮತ್ತು ರಾಷ್ಟ್ರದ ಆಟಗಾರರಿಗೆ ಹಾಕಿಗಾಗಿ ಯಾರಿ ನಡೆಸಿ, ಅಭಿವೃದ್ಧಿಪಡಿಸಿದ್ದಕ್ಕಾಗಿ ಮುಖ್ಯಮಂತ್ರಿಗಳಿಗೆ ಧನ್ಯವಾದಗಳನ್ನು ಅರ್ಪಿಸಿದರು.