Rohit Sharma: ಏಕದಿನ ವಿಶ್ವಕಪ್​ಗೂ ಮುನ್ನ ಸಂಕಷ್ಟದಲ್ಲಿ ರೋಹಿತ್, ಬದಲಾಗುತ್ತಾ ಟೀಂ ಇಂಡಿಯಾ ನಾಯಕತ್ವ?

2023ರ ಏಕದಿನ ವಿಶ್ವಕಪ್ (ODI World CUp 2023) ಮುನ್ನ ಭಾರತೀಯ ಕ್ರಿಕೆಟ್ ತಂಡದ ಸ್ಥಿತಿ ಅಭಿಮಾನಿಗಳಲ್ಲಿ ಆತಂಕ ಮೂಡಿಸಿದೆ. ಸರಣಿ ಸೋಲಿನ ಜೊತೆಗೆ ಸಾಲು ಸಾಲು ಆಟಗಾರರ ಇಂಜುರಿ ದೊಡ್ಡ ತಲೆನೋವಾಗಿದೆ. ಕಳೆದ ಕೆಲ ದಿನಗಳಿಂದ ಫಾರ್ಮ್​ ಸಮಸ್ಯೆಯಲ್ಲಿ ಇದದ್ ರೋಹಿತ್ ಕಳೆದ ಕೊನೆಯ ಪಂದ್ಯದಲ್ಲಿ ಅರ್ಧಶತಕ ಸಿಡಿಸಿದರು.

ಆದರೆ ಕೇವಲ 1 ಪಂದ್ಯದಿಂದ ಅವರು ಫಾರ್ಮ್​ಗೆ ಮರಳಿದ್ದಾರೆ ಎಂದು ಹೇಳಲು ಸಾಧ್ಯವಿಲ್ಲ. ಅಲ್ಲದೇ ಅವರು ನಾಯಕತ್ವದಲ್ಲಿಯೂ ಎಡವಿದ್ದಾರೆ. ಅವರ ನಾಯಕತ್ವದಲ್ಲಿ ಟಿ20 ವಿಶ್ವಕಪ್​ ಮತ್ತು ಏಷ್ಯಾಕಪ್‌ನಲ್ಲಿ ಫೈನಲ್ ತಲುಪಲು ಸಾಧ್ಯವಾಗಿರಲಿಲ್ಲ.

ಇತ್ತೀಚೆಗಷ್ಟೇ ನ್ಯೂಜಿಲೆಂಡ್‌ನಲ್ಲಿ ನಡೆದಿದ್ದ ಏಕದಿನ ಸರಣಿಯಲ್ಲಿ ಭಾರತ ಸೋತಿತ್ತು. ಅಲ್ಲದೇ ಇದೀಗ ಬಾಂಗ್ಲಾ ವಿರುದ್ಧವೂ ಸಹ ಭಾರತ ತಮಡ ಸರಣಿ ಸೋಲನ್ನು ಅನುಭವಿಸಿದೆ. 2023ರ ಏಕದಿನ ವಿಶ್ವಕಪ್‌ ದೃಷ್ಟಿಯಿಂದ ಆದಷ್ಟು ಬೇಗ ಟೀಂ ಇಂಡಿಯಾ ಸಜ್ಜಾಗಬೇಕಿದೆ.

ಅಲ್ಲದೆ, ಏಕದಿನ ವಿಶ್ವಕಪ್‌ಗೂ ಮುನ್ನ ಸರಣಿ ಸೋಲು ನಾಯಕ ರೋಹಿತ್ ಶರ್ಮಾ ಮೇಲೆ ಒತ್ತಡ ಹೆಚ್ಚಿಸಬಹುದು. ಅದಕ್ಕೆ ಕಾರಣಗಳನ್ನು ಈಗ ನೋಡೋಣ.

ರೋಹಿತ್ ನಾಯಕತ್ವ: ರೋಹಿತ್ ಶರ್ಮಾ ಐಪಿಎಲ್​ನಲ್ಲಿ ಓರ್ವ ಯಶಸ್ವಿ ನಾಯಕ ಎಂದು ಹೇಳಬಹುದು. ಆದರೆ ಕಳೆದ 2 ವರ್ಷದಿಂದ ಟೀಂ ಇಂಡಿಯಾದಲ್ಲಿ ರೋಹಿತ್ ನಾಯಕತ್ವದಲ್ಲಿ ಪ್ರಭಾವ ಬೀರಲು ಸಾಧ್ಯವಾಗಿಲ್ಲ. ಇದು ಮುಂಬೈ ಇಂಡಿಯನ್ಸ್, ಎರಡು ಕಳಪೆ ಇಂಡಿಯನ್ ಪ್ರೀಮಿಯರ್ ಲೀಗ್ ಋತುಗಳೊಂದಿಗೆ ಪ್ರಾರಂಭವಾಯಿತು. ಅಂತರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಮುಂದುವರಿಯುತ್ತಿದೆ.

ಇತ್ತೀಚೆಗಷ್ಟೇ ಬಾಂಗ್ಲಾದೇಶದ ಮೊದಲ ODIನಲ್ಲಿ ಸ್ಪಿನ್ನರ್ ಸ್ನೇಹಿ ಪಿಚ್‌ನಲ್ಲಿ ರೋಹಿತ್ ವಾಷಿಂಗ್ಟನ್ ಸುಂದರ್ ಅವರನ್ನು ಐದು ಓವರ್‌ಗಳಿಗೆ ನಿರ್ಬಂಧಿಸಿದರು. ಮೈದಾನದಲ್ಲಿ ಭಾರತೀಯ ನಾಯಕ ಯಾವಾಗಲೂ ಸಿಟ್ಟಿನಿಂದ ಇರುವುದು ಕಂಡುಬರುತ್ತದೆ. ಸರಿಯಾದ ತಂಡವನ್ನು ಆಯ್ಕೆ ಮಾಡುವಲ್ಲಿ ವಿಫಲವಾಗುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ.

ಸ್ಕೋರ್ ವೈಫಲ್ಯ: ಸದ್ಯದ ಪರಿಸ್ಥಿತಿಯಲ್ಲಿ ಆರಂಭಿಕ ಆಟಗಾರ ರೋಹಿತ್ ಅಂತರರಾಷ್ಟ್ರೀಯ ಕ್ರಿಕೆಟ್ ಮತ್ತು ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಎರಡರಲ್ಲೂ ದೊಡ್ಡ ಮೊತ್ತ ಗಳಿಸಲು ವಿಫಲರಾಗಿದ್ದಾರೆ. ಇದರೊಂದಿಗೆ ರೋಹಿತ್ ಭಾರತ ಟಿ20 ತಂಡದಲ್ಲಿ ಸ್ಥಾನ ಪಡೆಯುವುದು ಸದ್ಯ ಚರ್ಚೆಗೆ ಗ್ರಾಸವಾಗಿದೆ. ಈ ರೀತಿ ರನ್ ಗಳಿಸಲು ತೊಂದರೆಯಾದರೆ ಏಕದಿನ ತಂಡದಲ್ಲಿ ಅವರ ಸ್ಥಾನದ ಬಗ್ಗೆ ಚರ್ಚೆ ನಡೆಯುವ ಸೂಚನೆಗಳಿವೆ.

ಕಳೆದ 10 ಇನ್ನಿಂಗ್ಸ್‌ಗಳಲ್ಲಿ ರೋಹಿತ್ ಅವರ ಗರಿಷ್ಠ ಸ್ಕೋರ್ 76*. ಕೇವಲ ಮೂರು ಬಾರಿ ಮಾತ್ರ 30 ರನ್‌ಗಳ ಗಡಿ ದಾಟಿದರು. ಕಳೆದ 10 ಪಂದ್ಯಗಳಲ್ಲಿ ರೋಹಿತ್ ಏಳು ಬಾರಿ ಎದುರಾಳಿ ತಂಡದ ವೇಗಿಗಳಿಂದ ಔಟಾದರು.

ರೋಹಿತ್ ಫಿಟ್ನೆಸ್: ಆಟಗಾರರ ಫಿಟ್ನೆಸ್ ಆಧಾರದ ಮೇಲೆ ಅವರ ಪ್ರದರ್ಶನವನ್ನು ನಿರ್ಣಯಿಸುವುದು ಸರಿಯಲ್ಲ. ಆದರೆ ರೋಹಿತ್ ದೈಹಿಕವಾಗಿ ಬೆಸ್ಟ್ ಅಲ್ಲ ಎಂಬುದು ಸ್ಪಷ್ಟವಾಘಿದೆ. ಭಾರತೀಯ ನಾಯಕನ ಫೀಲ್ಡಿಂಗ್‌ನಲ್ಲಿ ಹಿಂದಿನ ಕ್ರಿಯಾಶೀಲತೆಯ ಕೊರತೆಯಿದೆ. ಅದೇ ಅವರ ಬ್ಯಾಟಿಂಗ್‌ನಲ್ಲಿ ಕಂಡುಬರುತ್ತದೆ. ಈಗ ರೋಹಿತ್‌ಗೆ 35 ವರ್ಷ ವಯಸ್ಸಾಗಿದೆ. ಹೀಗಾಗಿ ವಿಶ್ವಕಪ್​ ವೇಳೆ ಅವರ ನಾಯಕತ್ವ ಬದಲಾದರೂ ಅಚ್ಚರಿಯಿಲ್ಲ ಎನ್ನಲಾಗುತ್ತಿದೆ.