IND vs NZ: ಕಳೆದ ಆಗಸ್ಟ್​ನಲ್ಲಿ 90ನೇ ರ‍್ಯಾಂಕ್​, ಈಗ 3ನೇ ರ‍್ಯಾಂಕ್​! ರಾಕೆಟ್‌ನಂತೆ ಏರಿತು RCB ಆಟಗಾರನ ಸ್ಥಾನ

2023ರಲ್ಲಿ ಟೀಂ ಇಂಡಿಯಾ ತಂಡ ಭರ್ಜರಿ ಫಾರ್ಮ್​ನಲ್ಲಿದೆ. ಈಗಾಗಲೇ ಶ್ರೀಲಂಕಾ ವಿರುದ್ಧದ ಟಿ20 ಹಾಗೂ ಏಕದಿನ ಸರಣಿಯನ್ನು ಗೆದ್ದುಕೊಂಡಿರುವ ಭಾರತ, ಇತ್ತೀಚೆಗೆ ನ್ಯೂಜಿಲೆಂಡ್ ವಿರುದ್ಧದ ಏಕದಿನ ಸರಣಿಯನ್ನು 1 ಪಂದ್ಯದ ಮುನ್ನವೇ ಗೆದ್ದುಕೊಂಡಿದೆ.

ಕಿವೀಸ್​ ವಿರುದ್ಧದ 3 ಪಂದ್ಯಗಳ ಸರಣಿಯಲ್ಲಿ ಭಾರತ ಇನ್ನೂ 1 ಪಂದ್ಯ ಇರುವಾಗಳೇ ಸರಣಿಯನ್ನು ಗೆದ್ದುಕೊಂಡಿದೆ. ಈ ಮೂಲಕ 2023 ಆರಂಭದಲ್ಲಿ ಭಾರತ ತಂಡ ಸಾಲು ಸಾಲು ಸರಣಿಗಳನ್ನು ಗೆಲ್ಲುತ್ತಿದೆ.

ಈ ಸರಣಿಯಲ್ಲಿ ಭಾರತದ ಬೌಲಿಂಗ್ ಅಮೋಘವಾಗಿತ್ತು. ಶಮಿ ಮೂರು ವಿಕೆಟ್ ಪಡೆದರೆ, ಹಾರ್ದಿಕ್ ಪಾಂಡ್ಯ ಮತ್ತು ವಾಷಿಂಗ್ಟನ್ ಸುಂದರ್ ತಲಾ ಎರಡು ವಿಕೆಟ್ ಪಡೆದರು. ಕುಲದೀಪ್ ಯಾದವ್, ಸಿರಾಜ್ ಮತ್ತು ಶಾರ್ದೂಲ್ ಠಾಕೂರ್ ತಲಾ ಒಂದು ವಿಕೆಟ್ ಪಡೆದರು.

ಸದ್ಯ ಹೈದರಾಬಾದ್ ವೇಗಿ ಮೊಹಮ್ಮದ್ ಸಿರಾಜ್ ಸೂಪರ್ ಫಾರ್ಮ್ ನಲ್ಲಿದ್ದಾರೆ. ಪ್ರತಿ ಪಂದ್ಯದಲ್ಲೂ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಕಳೆದ ವರ್ಷ ಐಪಿಎಲ್‌ನಲ್ಲಿ ವಿಫಲರಾದ ಸಿರಾಜ್ ಸೀಮಿತ ಓವರ್‌ಗಳ ಕ್ರಿಕೆಟ್‌ನಲ್ಲಿ ರಾಷ್ಟ್ರೀಯ ತಂಡದಲ್ಲಿ ಸ್ಥಾನ ಕಳೆದುಕೊಂಡಿದ್ದರು. ಆದರೆ ಇದೀಗ ಅವರು ಮತ್ತೊಮ್ಮೆ ಭರ್ಜರಿಯಾಗಿ ಕಂಬ್ಯಾಕ್​ ಮಾಡಿದ್ದಾರೆ.

ಹಿರಿಯರು ವಿಶ್ರಾಂತಿ ಪಡೆದಾಗ ಅಥವಾ ಜಿಂಬಾಬ್ವೆಯಂತಹ ಸಣ್ಣ ತಂಡಗಳೊಂದಿಗೆ ಸರಣಿ ಆಡುವಾಗ ಸಿರಾಜ್‌ಗೆ ಏಕದಿನದಲ್ಲಿ ಆಡುವ ಅವಕಾಶ ಸಿಕ್ಕಿತು. ಆದರೆ ಇದೀಗ ಅವರು ಏಕದಿನ ಮಾದರಿಯಲ್ಲಿಯೂ ಖಾಯಂ ಸ್ಥಾನ ಪಡೆಯುವಲ್ಲಿ ಹೋರಾಟ ನಡೆಸುತ್ತಿದ್ದಾರೆ.

ಇದರಿಂದಾಗಿ ಕಳೆದ ಆಗಸ್ಟ್ ನಲ್ಲಿ ಸಿರಾಜ್ ಅವರ ಏಕದಿನ ಬೌಲಿಂಗ್ ರ‍್ಯಾಂಕಿಂಗ್ 90ಕ್ಕೆ ಕುಸಿದಿತ್ತು. ಆದರೆ ಕಳೆದ ವರ್ಷ ಕೌಂಟಿ ಕ್ರಿಕೆಟ್ ಆಡಿದ್ದ ಸಿರಾಜ್ ಅಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದರು. ವೆಸ್ಟ್ ಇಂಡೀಸ್ ಮತ್ತು ಜಿಂಬಾಬ್ವೆ ವಿರುದ್ಧದ ಏಕದಿನ ಸರಣಿಯಲ್ಲೂ ಮಿಂಚಿದ್ದರು.

ಅದೇ ಸಮಯದಲ್ಲಿ, ಏಷ್ಯಾ ಕಪ್ ನಂತರ ಬುಮ್ರಾ ಗಾಯಗೊಂಡರು, ಅವೇಶ್ ಖಾನ್ ಅವರ ಕಳಪೆ ಫಾರ್ಮ್, ಪ್ರಸಿದ್ಧ್ ಗಾಯದಿಂದಾಗಿ ತಂಡದಿಂದ ಹೊರಗುಳಿದರು. ಕೊನೆಯ ನಿಮಿಷದಲ್ಲಿ ದೀಪಕ್ ಚಹಾರ್ ಕೂಡ ಗಾಯದಿಂದ ಹೊರಗುಳಿದರು. ಹೀಗಾಗಿ ಸಿರಾಜ್​ಗೆ ಇದೀಗ ಸತತ ಅವಕಾಶ ದೊರಕುತ್ತಿದ್ದು, ಉತ್ತಮವಾಗಿ ಬಳಸಿಕೊಳ್ಳುತ್ತಿದ್ದಾರೆ.

ಟಿ20 ವಿಶ್ವಕಪ್ ಬಳಿಕ ಸಿರಾಜ್ ಏಕದಿನ ಪಂದ್ಯಗಳಲ್ಲಿ ಉತ್ತಮ ಪ್ರದರ್ಶನ ನೀಡುತ್ತಿದ್ದಾರೆ. ಪ್ರತಿ ಪಂದ್ಯದಲ್ಲೂ ವಿಕೆಟ್ ಪಡೆಯುವ ಮೂಲಕ ವಿಕೆಟ್ ಪಡೆಯುವ ಬೌಲರ್ ಎನಿಸಿಕೊಂಡರು. ಇದಲ್ಲದೆ, ಅವರು ತಮ್ಮ ODI ಶ್ರೇಯಾಂಕವನ್ನು ಸುಧಾರಿಸಿಕೊಂಡಿದ್ದಾರೆ. ಕಳೆದ ಆಗಸ್ಟ್ ನಲ್ಲಿ 90ನೇ ರ‍್ಯಾಂಕಿಂಗ್​ನಲ್ಲಿದ್ದ ಅವರು ಈಗ 3ನೇ ರ‍್ಯಾಂಕಿಂಗ್ ತಲುಪಿದ್ದಾರೆ. ಒಂದು ವೇಳೆ ಸಿರಾಜ್ ಫಾರ್ಮ್ ಮುಂದುವರಿಸಿದರೆ ಏಕದಿನ ವಿಶ್ವಕಪ್ ನಲ್ಲಿ ಭಾರತ ತಂಡದ ಪ್ರಮುಖ ಬೌಲರ್ ಆಗಿ ಕಾರ್ಯನಿರ್ವಹಿಸುವ ಸಾಧ್ಯತೆ ಇದೆ.