RCB ಗೆಲ್ಲೋ ತನಕ ಈಕೆ ಮದ್ವೆನೇ ಆಗಲ್ವಂತೆ, ಪಾಪ ಈಗ ಇನ್ನೂ ಒಂದು ವರ್ಷ ಕಾಯಬೇಕಿದೆ!

ಇಂಡಿಯನ್ ಪ್ರೀಮಿಯರ್ ಲೀಗ್ ನಲ್ಲಿ ಈ ಬಾರಿ ಪ್ರಶಸ್ತಿ ಫೇವರಿಟ್ ಎನಿಸಿದ್ದ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಕ್ಕೆ ಮತ್ತೊಮ್ಮೆ ನಿರಾಸೆಯಾಗಿದೆ. ನೂತನ ನಾಯಕ ಫಾಫ್ ಡು ಪ್ಲೆಸಿಸ್ ಐಪಿಎಲ್ ಕಪ್ ಗೆಲ್ಲುತ್ತಾರೆ ಎಂಬ ನಿರೀಕ್ಷೆಯಲ್ಲಿದ್ದ RCB ಅಭಿಮಾನಿಗಳಿಗೆ ಕೊನೆಗೂ ನಿರಾಸೆಯಾಗಿದೆ.

ಸೋಲಿನೊಂದಿಗೆ ಸೀಸನ್ ಆರಂಭಿಸಿದ್ದ ಬೆಂಗಳೂರು ತಂಡ ಆ ಬಳಿಕ ಪುಟಿದೆದ್ದಿತು. ನಂತರ ಲೀಗ್ ಹಂತದಲ್ಲಿ 8 ಪಂದ್ಯಗಳನ್ನು ಗೆದ್ದು ಫ್ಲೇ ಆಫ್ ಹಂತಕ್ಕೆ ತಲುಪಿತ್ತು.

ನಂತರ ಕೆಎಲ್ ರಾಹುಲ್ ನಾಯಕತ್ವದ ಲಕ್ನೋ ತಂಢದ ವಿರುದ್ಧ ಭರ್ಜರಿ ಗೆಲುವು ಸಾಧಿಸುವ ಮೂಲಕ ಎಲಿಮಿನೇಟರ್ ಹಂತಕ್ಕೆ ಲಗ್ಗೆ ಇಟ್ಟಿತ್ತು. ಅಲ್ಲದೇ ಅಭಿಮಾಣಿಗಳು ಈ ಬಾರಿ ತಂಡ ಕಫ್ ಗೆಲ್ಲಲಿದೆ ಎಂದು ಹೆಚ್ಚಿನ ನಿರೀಕ್ಷೆ ಇಟ್ಟುಕೊಂಡಿದ್ದರು.

ರಾಜಸ್ಥಾನ್ ರಾಯಲ್ಸ್ ವಿರುದ್ಧದ ಪಂದ್ಯದಲ್ಲಿ ಬೆಂಗಳೂರು 7 ವಿಕೆಟ್ ಗಳಿಂದ ಸೋತು ಟೂರ್ನಿಯಿಂದ ಹೊರನಡೆಯಿತು. ಆದರೆ, ಈ ಋತುವಿನಲ್ಲಿ RCB ಮೇಲೆ ಮಹಿಳಾ ಅಭಿಮಾನಿಯೊಬ್ಬರು ತೋರಿದ ಪ್ರೀತಿ ಇದೀಗ ಮತ್ತೆ ವೈರಲ್ ಆಗುತ್ತಿದೆ.

ಪಂದ್ಯದ ವೇಳೆ, ಆರ್​ಸಿಬಿ ಅಭಿಮಾನಿ ಮೈದಾನದಲ್ಲಿ 'RCB IPL ಚಾಂಪಿಯನ್ ಆಗುವವರೆಗೂ ನಾನು ಮದುವೆಯಾಗುವುದಿಲ್ಲ' ಎಂಬ ಫಲಕವನ್ನು ಪ್ರದರ್ಶಿಸಿದ್ದರು. ಆ ವೇಳೆ ಮಹಿಳಾ ಅಭಿಮಾನಿ ಎಲ್ಲಡೆ ಸಖತ್ ಸುದ್ದಿಯಲ್ಲಿದ್ದರು. ಅದೇ ರಿತಿ ಇದಿಘ ಆರ್​ಸಿಬಿ ಸೋತ ತಕ್ಷಣ ಸಾಮಾಜಿಕ ಮಾಧ್ಯಮಗಳಲ್ಲಿ ಅದೇ ಫೋಟೋ ಮತ್ತೊಮ್ಮೆ ಸಖತ್ ವೈರಲ್ ಆಗುತ್ತಿದೆ.

ಹೌದು, RCB ಸೋತ ನಂತರ ಈ ಫೋಟೋ ಮತ್ತೊಮ್ಮೆ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಅಲ್ಲದೆ ಈ ಫೋಟೋಗೆ ಹಲವರು ತಮಾಷೆಯ ಕಾಮೆಂಟ್‌ಗಳನ್ನು ಮಾಡುತ್ತಿದ್ದಾರೆ. 'ಆರ್‌ಸಿಬಿಗೆ ಸೋತಿದೆ, ಈ ಜನ್ಮದಲ್ಲಿ ನೀನು ಮದುವೆಯಾಗುವುದಿಲ್ಲ' ಎಂದು ಒಬ್ಬರು ಪೋಸ್ಟ್ ಹಾಕಿದರೆ, ಮತ್ತೊಬ್ಬರು ಆಕೆಗೆ ಮದುವೆಯಾಗಲು ಇಷ್ಟವಿಲ್ಲ. ಮದುವೆ ತಪ್ಪಿಸಲು ಈ ರೀತಿ ಮಾಡಿದ್ದಾರೆ ಎಂದು ಕಮೆಂಟ್ ಮಾಡಿದ್ದಾರೆ. ಒಟ್ಟಿನಲ್ಲಿ ಈ ಮಹಿಳಾ ಅಭಿಮಾನಿ ಸಖತ್ ಸದ್ದು ಮಾಡುತ್ತಿದ್ದಾರೆ. ಏನಾದರೂ ಆರ್​ಸಿಬಿ ಅಭಿಮಾನಿಗಳು ತಮ್ಮ ತಂಡ ಮುಂದಿನ ಬಾರಿ ಗೆಲ್ಲಲಿದೆ ಎಂಬ ನಿರೀಕ್ಷೆಯಲ್ಲಿ ಕಾಯುತ್ತಿದ್ದಾರೆ.