Neeraj Chopra: ಮತ್ತೊಂದು ಸಾಧನೆ ಮಾಡಿದ ಚಿನ್ನದ ಹುಡುಗ, ಉಸೇನ್​ ಬೋಲ್ಟ್​ ಹಿಂದಿಕ್ಕಿದ ನೀರಜ್​ ಚೋಪ್ರಾ!

ಉಸೇನ್ ಬೋಲ್ಟ್ ಈ ವರ್ಷದಲ್ಲಿ ಮೊದಲ ಬಾರಿಗೆ ಅಥ್ಲೀಟ್‌ಗಳ ಬಗ್ಗೆ ಹೆಚ್ಚು ಬರೆಯಲ್ಪಟ್ಟವರ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿರಲು ವಿಫಲರಾಗಿದ್ದಾರೆ. 2022 ರಲ್ಲಿ, ಭಾರತದ ಜಾವೆಲಿನ್ ತಾರೆ ನೀರಜ್ ಚೋಪ್ರಾ ಈ ಸ್ಥಾನವನ್ನು ಕಸಿದುಕೊಂಡಿದ್ದಾರೆ.

ಬೋಲ್ಟ್​ ಅವರು 2017 ರಲ್ಲಿ ನಿವೃತ್ತರಾಗಿದ್ದರೂ 100 ಮೀ ಮತ್ತು 200 ಮೀ ಓಟದಲ್ಲಿ ವಿಶ್ವ ದಾಖಲೆಯನ್ನು ಹೊಂದಿದ್ದಾರೆ. ಆದರೆ ಕಳೆದ ವರ್ಷ ನಡೆದ ಒಲಂಪಿಕ್ಸ್​ನಲ್ಲಿ ನೀರಜ್ ಚೋಪ್ರಾ ಜಾವೇಲಿನ್ ಥ್ರೋದಲ್ಲಿ ಭಾರತದ ಪರ ಚಿನ್ನದ ಪದಕ ಗೆದ್ದಿದ್ದರು.

aಷ್ಟೇ ಅಲ್ಲದೇ ಅವರು ಎಸೆತದ ಜಾವಲಿನ್​ ದಾಖಲೆಯ ದೂರಕ್ಕೆ ಎಸೆದ ಕಾರಣ ಅದೂ ಸಹ ದಾಖಲಾಗುವ ಮೂಲಕ ಚೋಪ್ರಾ ಕುರಿತು ವಿಶ್ವದೆಲ್ಲಡೆ ಸುದ್ದಿ ಆಗಿತ್ತು. ಇದರಿಂದಾಘಿ ಚೋಪ್ರಾ ಕುರಿತು ಈ ವರ್ಷ ಅತೀ ಹೆಚ್ಚು ಆರ್ಟಿಕಲ್​​ಗಳು ಪ್ರಕಟವಾಗಿದ್ದವು.

ಚೋಪ್ರಾ 812 ಲೇಖನಗಳೊಂದಿಗೆ ಜಮೈಕಾದ ಮಹಿಳಾ ಸ್ಪ್ರಿಂಟ್ ತಾರೆಗಳಾದ ಎಲೈನ್ ಥಾಂಪ್ಸನ್-ಹೆರಾ 751, ವಿಶ್ವ 100 ಮೀ ಚಾಂಪಿಯನ್ ಶೆಲ್ಲಿ-ಆನ್ ಫ್ರೇಸರ್-ಪ್ರೈಸ್ (698) ಮತ್ತು ವಿಶ್ವ 200 ಮೀ ಚಾಂಪಿಯನ್ ಶೆರಿಕಾ ಜಾಕ್ಸನ್ (679) ಲೇಖನಗಳನ್ನು ಹಿಂದಿಕ್ಕಿ 812 ಲೇಖನಗಳೊಂದಿಗೆ ಚೋಪ್ರಾ ಮುನ್ನಡೆ ಸಾಧಿಸಿದ್ದಾರೆ.

ವಿಶ್ವ ಅಥ್ಲೆಟಿಕ್ಸ್ ಮಾಧ್ಯಮ ವಿಶ್ಲೇಷಣಾ ಕಂಪನಿ ಯುನಿಸೆಪ್ಟಾದಿಂದ ಅಂಕಿಅಂಶಗಳನ್ನು ಉಲ್ಲೇಖಿಸಿದೆ. ಫೆಡರೇಶನ್‌ನ ಅಧ್ಯಕ್ಷ ಸೆಬಾಸ್ಟಿಯನ್ ಕೋ ಅವರು, ‘ಇದು ಆಸಕ್ತಿದಾಯಕವಾಗಿದೆ. ಈ ವರ್ಷ ಮೊದಲ ಬಾರಿಗೆ ಉಸೇನ್ ಬೋಲ್ಟ್ ವರ್ಷದ ಅಥ್ಲೀಟ್‌ಗಳ ಬಗ್ಗೆ ಹೆಚ್ಚು ಬರೆಯಲ್ಪಟ್ಟ ಪಟ್ಟಿಯನ್ನು ಮುನ್ನಡೆಸಲಿಲ್ಲ‘ ಎಂದು ಅಚ್ಚರಿ ವ್ಯಕ್ತಪಡಿಸಿದ್ದಾರೆ.

ಟೋಕಿಯೊ ಒಲಿಂಪಿಕ್ಸ್‌ನಲ್ಲಿ ಪದಕ ಗೆದ್ದ ನಂತರ ನೀರಜ್ ಚೋಪ್ರಾ (Neeraj Chopra) ಮತ್ತೊಮ್ಮೆ ಇತಿಹಾಸ ಸೃಷ್ಟಿಸಿದ್ದಾರೆ. ಒಲಿಂಪಿಕ್ ಚಾಂಪಿಯನ್ ನೀರಜ್ ಚೋಪ್ರಾ ಜಾವೆಲಿನ್ ಸ್ಪರ್ಧೆಯಲ್ಲಿ ಮತ್ತೊಮ್ಮೆ ಅದ್ಭುತ ಪ್ರದರ್ಶನ ನೀಡುವ ಮೂಲಕ ಜ್ಯೂರಿಚ್​ನಲ್ಲಿ ನಡೆದ ಡೈಮಂಡ್ ಲೀಗ್ (Diamond League) ಕೂಟದಲ್ಲಿ ಚಿನ್ನದ ಪದಕ ಗೆದ್ದಿದ್ದರು.

ಡೈಮಂಡ್ ಲೀಗ್ ಪ್ರಶಸ್ತಿಯನ್ನು ಗೆದ್ದ ಮೊದಲ ಭಾರತೀಯ ಎಂಬ ಸಾಧನೆ ಮಾಡಿದರು. ಡೈಮಂಡ್ ಲೀಗ್ ಫೈನಲ್‌ನಲ್ಲಿ ಒಲಿಂಪಿಕ್ ಚಿನ್ನದ ಪದಕ ವಿಜೇತ ನೀರಜ್ ಚೋಪ್ರಾ ಗೆದ್ದು ಇತಿಹಾಸ ನಿರ್ಮಿಸಿದ್ದರು.

ಜ್ಯೂರಿಚ್‌ನಲ್ಲಿ ನಡೆದ ಫೈನಲ್‌ನಲ್ಲಿ ನೀರಜ್ 88.44 ಮೀಟರ್‌ ದೂರ ಎಸೆದು ಪದಕಕ್ಕೆ ಮುತ್ತಿಕ್ಕಿದ್ದರು. ಫೈನಲ್‌ನಲ್ಲಿ ಭಾರತದ ಆಟಗಾರ ಒಲಿಂಪಿಕ್ ಬೆಳ್ಳಿ ಪದಕ ವಿಜೇತ ಯಾಕುಬ್ ವಾಡ್ಲೆಡ್ಜ್ ಮತ್ತು ಜರ್ಮನಿಯ ಜೂಲಿಯನ್ ವೆಬರ್ ಅವರನ್ನು ಚೋಪ್ರಾ ಸೋಲಿಸಿದರು.