Rcb Playoff Scenario: ಮುಂಬೈ ಕೈಯಲ್ಲಿದೆ ಆರ್​ಸಿಬಿ ಅಳಿವು ಉಳಿವಿನ ಪ್ರಶ್ನೆ, ರೋಹಿತ್​ ಗೆಲುವಿನ ಮೇಲೆ ನಿಂತಿದೆ ಫಾಫ್​ ಭವಿಷ್ಯ

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಮತ್ತು ರಾಜಸ್ಥಾನ್ ರಾಯಲ್ಸ್ (RCB vs RR) ವಿರುದ್ಧ ನಡೆದ ಪಂದ್ಯದಲ್ಲಿ ಆರ್​ಸಿಬಿ ತಂಡ ಭರ್ಜರಿ ಜಯ ದಾಖಲಿಸಿತು. ಈ ಮೂಲಕ ಮತ್ತೆ ಆರ್​ಸಿಬಿ ಪ್ಲೇಆಫ್​ ಲೆಕ್ಕಚಾರ ಬದಲಾಗಿದೆ.

ಈ ಮೂಲಕ ಆರ್​ಸಿಬಿ ತಂಡದ ಪ್ಲೇಆಫ್​ ಕನಸು ಇನ್ನೂ ಜೀವಂತವಾಗಿದೆ. ಆರ್​ಸಿಬಿ ಇದೀಗ +0.166 ನೆಟ್​ ರನ್​ರೇಟ್ ಹೊಂದುವ ಮೂಲಕ ಪ್ಲೇಆಫ್​ ರೇಸ್​ನಲ್ಲಿ ಜೀವಂತವಾಗಿರಿಸಿದೆ.

ಆರ್​ಸಿಬಿ 12 ಪಂದ್ಯಗಳಲ್ಲಿ 6ರಲ್ಲಿ ಸೋತು 6ರಲ್ಲಿ ಗೆದ್ದು 12 ಅಂಕ ಗಳಿಸಿದೆ. ಈ ವೇಳೆ +0.116 ನೆಟ್​ ರನ್​ರೇಟ್​ ಮೂಲಕ 5ನೇ ಸ್ಥಾನಕ್ಕೇರಿದೆ. ಈ ಮೂಲಕ ರಾಜಸ್ಥಾನ್​ ತಂಡವು 6ನೇ ಸ್ಥಾನಕ್ಕೆ ಕುಸಿದಿದೆ. ರಾಜಸ್ಥಾನ್ +0.140 ನೆಟ್​ ರನ್​ರೇಟ್ ಹೊಂದಿದೆ.

ಆದರೆ ವಿಚಿತ್ರ ಎಂಬಂತೆ ಈ ಬಾರಿ ಐಪಿಎಲ್​ನಲ್ಲಿ ಯಾವುದೇ ತಂಡವೂ ಸಹ ಈವರೆಗೂ ಪ್ಲೇಆಫ್​ ಹಂತಕ್ಕೆ ತಲುಪಿಲ್ಲ. ಗುಜರಾತ್​ ಮಾತ್ರ ಪ್ಲೇಆಫ್​ ಸನಿಹಕ್ಕೆ ಬಂದು ನಿಂತಿದ್ದು, ಒಂದು ಪಂದ್ಯ ಗೆದ್ದರೆ ಪ್ಲೇಆಫ್​ ಪ್ರವೇಶಿಸಲಿದೆ.

ಆದರೆ ಆರ್​ಸಿಬಿ ಪ್ಲೇಆಫ್​ ಪ್ರವೇಶಿಸಲು ಕೇವಲ ತನ್ನ ಪಂದ್ಯಗಳನ್ನು ಗೆದ್ದರೆ ಸಾಕಾಗುವುದಿಲ್ಲ. ಬದಲಿಗೆ ಇತರ ತಂಡಗಳ ಗೆಲುವಿಗಾಗಿ ಹಾಗೂ ಸೋಲಿಗಾಗಿ ಕಾಯಬೇಕಿದೆ.

ಅದರಂತೆ ಆರ್​ಸಿಬಿ ಪ್ಲೇಆಫ್​ ಪ್ರವೇಶಕ್ಕೆ ಮುಂಬೈ ಇಂಡಿಯನ್ಸ್ ಸಹಾಯಕವಾಗಲಿದೆ. ಮುಂಬೈ ತನ್ನ ಮುಂದಿನ ಪಂದ್ಯವನ್ನು ಲಕ್ನೋ ವಿರುದ್ಧ ಆಡಲಿದೆ ಈ ಪಂದ್ಯದಲ್ಲಿ ಮುಂಬೈ ತಂಡ ಲಕ್ನೋ ವಿರುದ್ಧ ಗೆಲ್ಲಬೇಕಿದೆ.

ಹೀಗ ಗೆದ್ದರೆ ಮುಂಬೈ 16 ಅಂಕ ಹೊಂದುತ್ತದೆ. ಇತ್ತ ಲಕ್ನೋ 13 ಪಂದ್ಯದಿಂದ 13 ಅಂಕ ಪಡೆಯಲಿದೆ. ಇತ್ತ ಆರ್​ಸಿಬಿ ತಂಡ 12 ಅಂಕ ಹೊಂದಿದ್ದು ಮುಂದಿನ 2 ಪಂದ್ಯ ಗೆದ್ದರೆ 16 ಅಂಕವಾಗಲಿದೆ.

ಆದರೆ ಲಕ್ನೋ ತಂಡ ಒಂದು ಸೋತರೆ ಇನ್ನೊಂದು ಪಂದ್ಯ ಉಳಿಯುತ್ತದೆ ಆ ಒಂದು ಪಂದ್ಯ ಗೆದ್ದರೆ 15 ಅಂಕವಾಗುತ್ತದೆ. ಆಗ ಆರ್​ಸಿಬಿ 16 ಅಂಕದ ಮೂಲಕ ನೇರವಾಗಿ ಪ್ಲೇಆಫ್​ ಪ್ರವೇಶಿಸಲಿದೆ.