RCB vs MI, IPL 2023: ಪಂದ್ಯಕ್ಕೂ ಮುನ್ನವೇ ಆರ್​ಸಿಬಿಗೆ ಬಿಗ್​ ರಿಲೀಫ್! ಆದ್ರೆ ಮುಂಬೈಗೆ ಬಿಗ್​ ಶಾಕ್!

ಉಭಯ ತಂಡಗಳು ಈ ಪಂದ್ಯದಲ್ಲಿ ಗೆದ್ದರೆ 3ನೇ ಸ್ಥಾನಕ್ಕೆ ಜಿಗಿಯಲಿದೆ. ಎರಡೂ ತಂಡಗಳು ಬಹುತೇಕ ಒಂದೇ ಪರಿಸ್ಥಿತಿಯಲ್ಲಿವೆ. ಬೆಂಗಳೂರು ರಾಯಲ್ ಚಾಲೆಂಜರ್ಸ್ ಇಂದು ಮುಂಬೈ ಇಂಡಿಯನ್ಸ್ ತಂಡವನ್ನು ಎದುರಿಸಲಿದೆ. ಇದನ್ನು ಕೊಹ್ಲಿ ವರ್ಸಸ್ ರೋಹಿತ್ ಪಂದ್ಯ ಎಂದು ಅಭಿಮಾನಿಗಳು ಪರಿಗಣಿಸಿದ್ದಾರೆ.

ಉಭಯ ತಂಡಗಳು ಕಳೆದ ಕೊನೆಯ ಪಂದ್ಯದಲ್ಲಿ ಸೋತಿರುವುದರಿಂದ ಈ ಪಂದ್ಯ ನಿರ್ಣಾಯಕವಾಗಿದೆ. ಉಭಯ ತಂಡಗಳು 10 ಅಂಕಗಳೊಂದಿಗೆ ಸಮಬಲದಲ್ಲಿವೆ. ಆದರೆ RCB ನಿವ್ವಳ ರನ್ ರೇಟ್ ಸ್ವಲ್ಪ ಉತ್ತಮವಾಗಿದೆ. ಹೀಗಾಗಿ ಬೆಂಗಳೂರು 6ನೇ ಸ್ಥಾನದಲ್ಲಿದ್ದರೆ ಮುಂಬೈ ಇಂಡಿಯನ್ಸ್ 8ನೇ ಸ್ಥಾನದಲ್ಲಿದೆ.

ಈ ಪಂದ್ಯಕ್ಕೂ ಮುನ್ನ ರೋಹಿತ್ ಕೆಟ್ಟ ದಾಖಲೆಯನ್ನು ಸನಿಹದಲ್ಲಿದ್ದಾರೆ. ಮುಂಬೈ ಇಂಡಿಯನ್ಸ್ ತಂಡ ಈ ಸೀಸನ್​ನಲ್ಲಿ RCB ಎದುರು ಒಮ್ಮೆ ಸೋತಿದೆ. ಅಲ್ಲದೇ ಮುಂಬೈ ತಂಡದಲ್ಲಿ ಹಳೆಯ ಆಟದ ಗತ್ತು ಕಂಡುಬರುತ್ತಿಲ್ಲ.

ಆರ್‌ಸಿಬಿ ನಾಯಕ ಫಾಫ್ ಡು ಪ್ಲೆಸಿಸ್ ನಾಯಕನಾಗಿ ವಾಂಖೆಡೆ ಸ್ಟೇಡಿಯಂನಲ್ಲಿ ವಿಶೇಷ ದಾಖಲೆ ಹೊಂದಿದ್ದಾರೆ. ಈ ಕ್ರೀಡಾಂಗಣದಲ್ಲಿ ಅವರು ಕಳೆದ ನಾಲ್ಕು ಬಾರಿ ನಾಯಕರಾಗಿ ಗೆದ್ದಿದ್ದಾರೆ.

ಎರಡೂ ತಂಡಗಳಲ್ಲಿ ಸ್ಟಾರ್ ಆಟಗಾರರ ಕೊರತೆ ಇಲ್ಲ. ಬ್ಯಾಟಿಂಗ್ ಮತ್ತು ಬೌಲಿಂಗ್ ವಿಭಾಗಗಳಲ್ಲಿ ಏಕಾಂಗಿಯಾಗಿ ಪಂದ್ಯದ ಫಲಿತಾಂಶವನ್ನು ಬದಲಾಯಿಸುವ ಕ್ರಿಕೆಟಿಗರು ತಂಡಗಳಲ್ಲಿದ್ದಾರೆ. ಇದೊಂದು ಕುತೂಹಲಕಾರಿ ಪಂದ್ಯವಾಗಿರುವುದು ಖಚಿತ. ಆದರೆ ಆರಂಭಿಕರ ಫಾರ್ಮ್ ಮುಂಬೈ ತಂಡವನ್ನು ಕಂಗೆಡಿಸುತ್ತಿದೆ. ಅದರಲ್ಲೂ ರೋಹಿತ್ ತೀವ್ರ ನಿರಾಸೆ ಮೂಡಿಸಿದ್ದಾರೆ.

ಕೊಹ್ಲಿ ವಿರುದ್ಧವೂ ಹಲವು ಟೀಕೆಗಳಿವೆ. ಸ್ಟ್ರೈಕ್ ರೇಟ್ ಅನ್ನು ಪರಿಗಣಿಸದೆ ತಮ್ಮ ವೈಯಕ್ತಿಕ ಸ್ಕೋರ್‌ಗಾಗಿ ಆಡುತ್ತಿದ್ದಾರೆ ಎಂಬ ಆರೋಪಗಳಿವೆ. ಆದರೆ ಈ ಋತುವಿನಲ್ಲಿ ಕೊಹ್ಲಿ ಮುಂಬೈ ವಿರುದ್ಧ ಹೆಚ್ಚಿನ ಸ್ಟ್ರೈಕ್ ರೇಟ್‌ನೊಂದಿಗೆ ಬ್ಯಾಟ್ ಮಾಡಿದ್ದಾರೆ. ಪ್ರಸ್ತುತ, ಮುಂಬೈನ ಬೌಲಿಂಗ್ ಲೈನ್ ಅಪ್ ಎಲ್ಲಾ ತಂಡಗಳಿಗಿಂತ ಕೆಟ್ಟದಾಗಿದೆ.

ಮತ್ತು RCB ಬೌಲಿಂಗ್ ಉತ್ತಮವಾಗುತ್ತಿದೆ. ಸಿರಾಜ್, ಹರ್ಷಲ್, ಹ್ಯಾಜಲ್‌ವುಡ್, ಮ್ಯಾಕ್ಸ್‌ವೆಲ್, ಕರ್ಣ್ ಶರ್ಮಾ ಮತ್ತು ಹಸರಂಗ ಅವರ ಬೌಲಿಂಗ್ ಗಟ್ಟಿಯಾಗಿ ಕಾಣುತ್ತದೆ. ಈ ಪಂದ್ಯದಲ್ಲಿ ಬೆಂಗಳೂರಿಗೆ ಸ್ವಲ್ಪ ಉತ್ತಮ ಅವಕಾಶವಿದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ.

ಆದರೆ ಇಲ್ಲಿ ಒಟ್ಟಾರೆ ನೋಡುವುದಾದರೆ, ಮುಂಬೈ ವಿರುದ್ಧ ಕೊಹ್ಲಿ ದಾಖಲೆ ಉತ್ತಮವಾಗಿದೆ. ಅಲ್ಲದೇ ವಾಂಖೆಡೆಯಲ್ಲಿ ಫಾಫ್​ ನಾಯಕತ್ವವೂ ಉತ್ತಮ ದಾಖಲೆ ಹೊಂದಿದೆ. ಜೊತೆಗೆ ರೋಹಿತ್​ ಕಳಪೆ ಫಾರ್ಮ್​ ಮುಂಬೈಗೆ ತಲೆನೋವಾದರೆ ಆರ್​ಸಿಬಿ ತಂಡಕ್ಕೆ ಲಾಭವಾಗಿದೆ.