Matthew Hayden: ಮೊಸರನ್ನ-ಉಪ್ಪಿನಕಾಯಿಗೆ ಫಿದಾ ಆದ್ರಂತೆ ಆಸೀಸ್ ಆಟಗಾರ! ಐ ಮಿಸ್ ಯು ಚೆನ್ನೈ ಅಂತಿದ್ದಾರೆ ಸ್ಟಾರ್ ಕ್ರಿಕೆಟರ್

ಆಸ್ಟ್ರೇಲಿಯನ್ ಬ್ಯಾಟರ್ ಮ್ಯಾಥ್ಯೂ ಹೇಡನ್ ಸದ್ಯ ಕ್ರಿಕೆಟ್​ನಿಂದ ನಿವೃತ್ತಿ ಪಡೆದಿದ್ದು, ಐಪಿಎಲ್​ ಸೇರಿದಂತೆ ಅನೇಕ ಲೀಗ್​ಗಳಲ್ಲಿ ಹಾಗೂ ಅಂತರಾಷ್ಟ್ರೀಯ ಪಂದ್ಯಗಳಿಗೆ ವಿಶ್ಲೇಷಕರಾಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಇದರ ನಡುವೆ ಅವರು ಒಂದು ಇಂಟ್ರಸ್ಟಿಂಗ್​ ವಿಚಾರವನ್ನು ಹೇಳಿಕೊಂಡಿದ್ದಾರೆ.

ಹೌದು, ಮ್ಯಾಥ್ಯೂ ಹೇಡನ್ ಭಾರತದೊಂದಿಗೆ ಉತ್ತಮ ಸಂಬಂಧವನ್ನು ಹೊಂದಿದ್ದಾರೆ. ಐಪಿಎಲ್​ ಬಳಿಕ ಅವರ ಒಡನಾಟ ಮತ್ತಷ್ಟು ಹೆಚ್ಚಾಯಿತು. ಅವರು ಐಪಿಎಲ್​ನಲ್ಲಿ ಧೋನಿ ನಾಯಕತ್ವದ ಚೆನ್ನೈ ತಂಡದ ಪರ ಆಡುತ್ತಿದ್ದರು.

ಹೀಗಾಗಿ ಅವರಿಗೆ ಭಾರತದ ಮೇಲೆ ಅಷ್ಟೇ ಪ್ರೀತಿಯಿದೆ. ಅದರಲ್ಲಿಯೂ ಚೆನ್ನೈ ಮೇಲೆ ಅವರಿಗೆ ಇನ್ನಷ್ಟು ಒಲವಿದೆ. ಹೀಗಾಗಿ ಅವರು ತಗೆ ಭಾರತದಲ್ಲಿ ಯಾವ ಆಹಾರ ಇಷ್ಟ ಎಂದು ಫೋಟೋ ಸಮೇತ ಫೋಸ್ಟ್ ಮಾಡುವ ಮೂಲಕ ಎಲ್ಲರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.

ಹೇಡನ್​ ಅವರಿಗೆ ಮೊಸರನ್ನ ಮತ್ತು ಉಪ್ಪಿನಕಾಯಿ ಎಂದರೆ ತುಂಬಾ ಇಷ್ಟವಂತೆ. ತಾವು ರೋಮನ್​ನಲ್ಲಿ ಇದ್ದಾಗ ಮೊಸರನ್ನ ಮತ್ತು ಉಪ್ಪಿನಕಾಯಿಯನ್ನು ತುಂಬಾ ಮಿಸ್​ ಮಾಡಿಕೊಳ್ಳುತ್ತಿದ್ದೆ ಎಂದು ಹೇಳಿಕೊಂಡಿದ್ದಾರೆ.

ಅಲ್ಲದೇ ತಾವೇ ಸ್ವತಃ ಮೋಸರನ್ನದ ಜೊತೆ ತೆಗೆದುಕೊಂಡ ಫೋಟೋ ಹಂಚಿಕೊಂಡಿದ್ದು, ನಾನು ಚೆನ್ನೈನ್ನು ತುಂಬಾ ಮಿಸ್​ ಮಾಡಿಕೊಳ್ಳುತ್ತಿದ್ದೇನೆ ಎಂದು ಹೇಳಿಕೊಂಡಿದ್ದಾರೆ.

ಇನ್ನು, ಶುಭ್‌ಮನ್ ಗಿಲ್ ಆಟದ ಬಗ್ಗೆ ಮ್ಯಾಥ್ಯೂ ಹೇಡನ್ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಶುಭ್‌ಮನ್ ಗಿಲ್ ಉತ್ತಮವಾಗಿ ಆಡುತ್ತಿದ್ದಾರೆ. ಅವರ ಕೆಲವೊಂದು ಶಾಟ್‌ಗಳನ್ನು ನೋಡುವುದೇ ಒಂದು ರೀತಿ ಕಣ್ಣಿಗೆ ಹಬ್ಬ. ಅವರೊಬ್ಬ ಕ್ಲಾಸ್ ಆಟಗಾರ. ಮುಂದಿನ ಒಂದು ದಶಕ ಕ್ರಿಕೆಟ್ ಜಗತ್ತು ಗಿಲ್​ ಆಳಲಿದ್ದಾರೆ ಎಂದು ಹೇಳಿದ್ದಾರೆ.

ಧೋನಿ ಗಾಯದ ಕುರಿತು ಮಾತನಾಡಿರುವ ಮಾಜಿ ಆಸ್ಟ್ರೇಲಿಯನ್ ಬ್ಯಾಟರ್ ಮ್ಯಾಥ್ಯೂ ಹೇಡನ್, ಧೋನಿ ಕುಂಟುತ್ತಿರುವುದು ಅವರಲ್ಲಿನ ಮೊಣಕಾಲಿನ ಸಮಸ್ಯೆ ಎಂದು ಕಾಣುತ್ತಿದೆ ಎಂದಿದ್ದಾರೆ. ಹೀಗೆ ಹೆಡನ್​ ಭಾರತೀಯ ಆಟಗಾರರ ಬಗ್ಗೆ ಆಗ್ಗಾಗ್ಗೆ ಮಾತನಾಡುತ್ತಿರುತ್ತಾರೆ.