Mandira Bedi: 50ರ ಹರೆಯದಲ್ಲಿ ಕ್ರಿಕೆಟಿಗರ ಹಿಂದೆಬಿದ್ದ ನಟಿ, 'ಎಕ್ಸ್ಟ್ರಾ ಇನ್ನಿಂಗ್ಸ್' ಆರಂಭಸ್ತಾರಾ ಮಂದಿರಾ ಬೇಡಿ?

ಮಂದಿರಾ ಬೇಡಿ ಕ್ರಿಕೆಟ್ ಲೋಕದಲ್ಲಿ ಮತ್ತೆ ಸದ್ದು ಮಾಡಲಿದ್ದಾರೆ. ಮಂದಿರಾ ಬೇಡಿ ಐಪಿಎಲ್ ಫ್ರಾಂಚೈಸಿ ರಾಜಸ್ಥಾನ್ ರಾಯಲ್ಸ್ ಪ್ರಾಂಚೈಸಿ ಸೇರುತ್ತಿದ್ದಾರೆ. ರಾಜಸ್ಥಾನ್ ರಾಯಲ್ಸ್ ಮತ್ತು ಕಲರ್ಸ್ ಹೊಸ ರಿಯಾಲಿಟಿ ಶೋದೊಂದಿಗೆ ಬರುತ್ತಿದೆ. 'ಕ್ರಿಕೆಟ್ ಕಾ ಟಿಕೆಟ್'. ಮಂದಿರಾ ಬೇಡಿ ಈ ಕಾರ್ಯಕ್ರಮವನ್ನು ನಡೆಸಿಕೊಡಲಿದ್ದಾರೆ. ಈ ಪ್ರದರ್ಶನವು ದೇಶದಾದ್ಯಂತದ ಅಗ್ರ ಕ್ರಿಕೆಟ್ ಪ್ರತಿಭೆಗಳನ್ನು ಹುಡುಕಲು ರಚಿಸಲಾದ ಪ್ರದರ್ಶನವಾಗಿದೆ. ಬಹಳ ದಿನಗಳಿಂದ ಕ್ರಿಕೆಟ್ ಶೋಗಳಿಂದ ದೂರವಿದ್ದ ಮಂದಿರಾ ಕ್ರಿಕೆಟ್ ಲೋಕಕ್ಕೆ ಪುನರಾಗಮನ ಮಾಡುತ್ತಿದ್ದಾರೆ.

ಮಂದಿರಾ ಬೇಡಿ ಅವರು 2003ರ ಐಸಿಸಿ ವಿಶ್ವಕಪ್‌ನಲ್ಲಿ ಅಧಿಕೃತ ಬ್ರಾಡ್‌ಕಾಸ್ಟರ್ ಸೋನಿ ಮ್ಯಾಕ್ಸ್‌ನ ವಿಶೇಷ ಕಾರ್ಯಕ್ರಮ 'ಎಕ್‌ಸ್ಟ್ರಾ ಇನ್ನಿಂಗ್ಸ್' ಅನ್ನು ಮೊದಲು ಆ್ಯಂಕರ್​ ಮಾಡಿದ್ದರು.

ಮಂದಿರಾ ಬೇಡಿ ಕ್ರಿಕೆಟ್ ಶೋಗೆ ಆ್ಯಂಕರ್ ಮಾಡಿದ್ದು, ಅದಕ್ಕೆ ಗ್ಲಾಮರ್ ಕೂಡ ನೀಡಿದ್ದು ತುಂಬಾ ಜನಪ್ರೀಯವಾಯಿತು. ಆದಾಗ್ಯೂ, 19 ವರ್ಷಗಳ ನಂತರ, ಮಂದಿರಾ ಬೇಡಿ ಅವರು ಕ್ರೀಡಾ ಆ್ಯಂಕರಿಂಗ್‌ಗೆ ಸಂಬಂಧಿಸಿದ ಕಹಿ ಅನುಭವಗಳನ್ನು ಹಂಚಿಕೊಂಡಿದ್ದಾರೆ. ನಾನು ಆ್ಯಂಕರಿಂಗ್‌ ಮಾಡುವಾಗ ಕ್ರಿಕೆಟಿಗರು ನನ್ನತ್ತ ನೋಡುತ್ತಿದ್ದರು ಎಂದು ಸಂದರ್ಶನದಲ್ಲಿ ಒಮ್ಮೆ ಮಂದಿರಾ ಹೇಳಿದ್ದರು.

ಕ್ರಿಕೆಟಿಗರಿಗೆ ಯಾವುದೇ ಪ್ರಶ್ನೆ ಕೇಳಿದಾಗ ಅವರು ನನ್ನತ್ತ ನೋಡುತ್ತಿದ್ದರು ಎಂದು ಮಂದಿರಾ ಬೇಡಿ ಹೇಳಿದ್ದರು. ಸೀರೆ ಉಟ್ಟ ಮಹಿಳೆಯೊಬ್ಬಳು ಕ್ರಿಕೆಟ್ ಬಗ್ಗೆ ಹೇಗೆ ಮಾತನಾಡುತ್ತಾಳೆ ಎಂಬುದನ್ನು ನೋಡಿ ಎಲ್ಲರೂ ಆಶ್ಚರ್ಯ ಪಡುತ್ತಿದ್ದರು ಎಂದು ಹೇಳಿದ್ದಾರೆ.

ತಮ್ಮ ಅನುಭವ ತುಂಬಾ ಕೆಟ್ಟದಾಗಿದೆ ಎಂದು ಮಂದಿರಾ ಬೇಡಿ ಹೇಳಿದ್ದರು. ಆ ವೇಳೆ ನನ್ನ ಆತ್ಮವಿಶ್ವಾಸವೇ ಅಲ್ಲೋಲಕಲ್ಲೋಲವಾಗಿತ್ತು, ಆದರೆ ಪ್ರಸಾರಕರು ನೀನೇ ಬೆಸ್ಟ್ ಎಂದು ಅಭಿನಂದಿಸಿದರು. ನಿಮ್ಮ ಮೇಲೆ ನಂಬಿಕೆ ಇರಲಿ. ಆ ನಂತರ ಮಂದಿರಾ 2007ರ ವಿಶ್ವಕಪ್, 2004 ಮತ್ತು 2006ರ ಚಾಂಪಿಯನ್ಸ್ ಟ್ರೋಫಿ ಮತ್ತು ಐಪಿಎಲ್‌ನಲ್ಲೂ ಆ್ಯಂಕರಿಂಗ್ ಮಾಡಿದ್ದರು.

ಇದೀಗ 50ರ ಹರೆಯದಲ್ಲಿ ಮತ್ತೊಮ್ಮೆ ಕ್ರಿಕೆಟ್ ಶೋ ನಡೆಸಿಕೊಡಲು ಸಜ್ಜಾಗಿರುವ ಮಂದಿರಾ ಬೇಡಿ ಅದಕ್ಕೆ ಗ್ಲಾಮರ್ ಸೇರಿಸಲು ಹೊರಟಿದ್ದಾರೆ. ಏಕೆಂದರೆ ಮಂದಿರಾಗೆ 50 ವರ್ಷವಾದರೂ ಅವರ ಫಿಟ್‌ನೆಸ್ ನೋಡಿ ಕ್ರಿಕೆಟಿಗರೂ ಬೆಚ್ಚಿ ಬಿದ್ದಿದ್ದಾರೆ. 50ರ ಹರೆಯದಲ್ಲೂ ಮಂದಿರಾ ಅವರ ಫಿಟ್ ನೆಸ್ ಎಲ್ಲರಲ್ಲೂ ಅಚ್ಚರಿಮೂಡಿಸಿದೆ.

ಮಂದಿರಾ ಬೇಡಿ ಆಗಾಗ್ಗೆ ತಮ್ಮ ಫಿಟ್ನೆಸ್ ಸಂಬಂಧಿತ ವೀಡಿಯೊಗಳು ಮತ್ತು ಫೋಟೋಗಳನ್ನು ತಮ್ಮ ಅಧಿಕೃತ Instagram ನಲ್ಲಿ ಹಂಚಿಕೊಳ್ಳುತ್ತಾರೆ. ಆದಾಗ್ಯೂ, ಮಂದಿರಾ ಅವರ ಚಿತ್ರಗಳಿಂದಾಗಿ ಅನೇಕ ಬಾರಿ ಟ್ರೋಲ್‌ಗೆ ಒಳಗಾಗಿದ್ದಾರೆ. ಅಲ್ಲದೇ ಇವರು ತೆಲುಗಿನ ಸಾಹೋ, ರೋಮ್ಯಾಂಟಿಕ್, ಡಿಡಿಎಲ್​ಜೆ ಸೇರಿದಂತೆ ಅನೇಕ ಚಿತ್ರಗಳಲ್ಲಿಯೂ ನಟಿಸಿದ್ದಾರೆ.