Lionel Messi: ಧೋನಿ ಮಗಳಿಗೆ ಮೆಸ್ಸಿ ಕೊಟ್ಟ ಅದ್ಭುತ ಉಡುಗೊರೆ! ಚಾಂಪಿಯನ್ ಕೊಟ್ಟ ಗಿಫ್ಟ್ ನೋಡಿ​ ಝೀವಾ ರಿಯಾಕ್ಷನ್ ಹೇಗಿತ್ತು?

2022ರಲ್ಲಿ ಫಿಫಾ ವಿಶ್ವಕಪ್‌ನಲ್ಲಿ ಅರ್ಜೆಂಟೀನಾ ಇತಿಹಾಸ ನಿರ್ಮಿಸಿದೆ. ಅವರು ಲಿಯೋನೆಲ್ ಮೆಸ್ಸಿ ನಾಯಕತ್ವದಲ್ಲಿ ಬಹಳ ಸಮಯದ ನಂತರ ವಿಶ್ವಕಪ್ ಗೆದ್ದರು.

2014ರ ವಿಶ್ವಕಪ್‌ನಲ್ಲಿ ಫೈನಲ್‌ಗೆ ತಲುಪಿದ್ದರೂ, ಅಂತಿಮ ಹಂತದಲ್ಲಿ ಅರ್ಜೆಂಟೀನಾ ಜರ್ಮನಿ ವಿರುದ್ಧ ಸೋಲನುಭವಿಸಿತ್ತು. ಆದರೆ ಈ ಬಾರಿ ಫ್ರಾನ್ಸ್ ವಿರುದ್ಧ ಪೆನಾಲ್ಟಿ ಶೂಟೌಟ್‌ನಲ್ಲಿ ಗೆದ್ದಿತ್ತು. ಗೆಲುವಿನ ಒಂದು ವಾರದ ನಂತರ ಭಾರತದ ಮಾಜಿ ಶ್ರೇಷ್ಠ ನಾಯಕ ಎಂಎಸ್ ಧೋನಿ ಮಗಳಿಗೆ ಮೆಸ್ಸಿ ಉಡುಗೊರೆ ನೀಡಿದ್ದಾರೆ.

ಎಂಎಸ್ ಧೋನಿ ಅವರ ಪುತ್ರಿ ಝೀವಾ ಗೆ ಮೆಸ್ಸಿ ಅದ್ಭುತ ಉಡುಗೊರೆಯನ್ನು ಕಳುಹಿಸಿದ್ದಾರೆ. ಕಳೆದ ಕೆಲ ದಿನಗಳ ಹಿಂದೆ ಬಿಸಿಸಿಐ ಅಧ್ಯಕ್ಷ ಜಯ್ ಶಾ ಅವರಿಗೆ ಮೆಸ್ಸಿ ತಮ್ಮ ಶರ್ಟ್​ ನೀಡಿದ್ದರು. ಅದೇ ರೀತಿ ಇದೀಗ ಧೋನಿ ಪುತ್ರಿ ಝೀವಾಗೆ ಮೆಸ್ಸಿ ಮತ್ತೊಂದು ಟೀ ಶರ್ಟ್ ಕಳುಹಿಸಿದ್ದಾರೆ.

ಮೆಸ್ಸಿ ತಮ್ಮ ನಂಬರ್​ ಜೆರ್ಸಿಗೆ ಸಹಿ ಮಾಡಿ ಧೋನಿ ಮಗಳು ಝೀವಾಗೆ ಕಳುಹಿಸಿಕೊಟ್ಟಿದ್ದಾರೆ. ಇದರ ಫೋಟೋವನ್ನು ಝೀವಾ ತಮ್ಮ ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.

ಇದರಲ್ಲಿ ಮೆಸ್ಸಿ ಉಡುಗೊರೆಯಾಗಿ ನೀಡಿದ ಜೆರ್ಸಿ ಗೋಚರಿಸುತ್ತದೆ. ಅಲ್ಲದೇ ಎಂಎಸ್ ಧೋನಿ ಕೂಡ ಫುಟ್‌ಬಾಲ್‌ನ ದೊಡ್ಡ ಅಭಿಮಾನಿ. ಕೆಲ ವರ್ಷಗಳ ಹಿಂದೆ ಮೆಸ್ಸಿ ಬಗ್ಗೆ ಟ್ವೀಟ್ ಕೂಡ ಮಾಡಿದ್ದರು.

ಆ ಜೆರ್ಸಿ ತೊಟ್ಟ ಝೀವಾ ಧೋನಿ ಕಣ್ಣಲ್ಲಿ ಆನಂದಕ್ಕೆ ಮಿತಿಯೇ ಇರಲಿಲ್ಲ. ಝೀವಾ ಆ ಜೆರ್ಸಿಯನ್ನು ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿದ್ದಾರೆ.ಈಗ ಆ ಫೋಟೋಗಳು ಶೇರ್ ಆಗುತ್ತಿವೆ. ಮೆಸ್ಸಿ ಜರ್ಸಿಯಲ್ಲಿ 'ಫಾರ್ ಲೈಫ್' ಎಂದು ಬರೆದು ಸಹಿ ಮಾಡಿದ್ದರು.

ಈ ಫೋಟೋಗಳನ್ನು ನೋಡಿದ ಮಹೇಂದ್ರ ಅಭಿಮಾನಿಗಳು ಖುಷಿ ಪಟ್ಟಿದ್ದಾರೆ. ಧೋನಿ ಮಗಳಿಗೆ ಜೆರ್ಸಿ ಕಳಿಸಿದ್ದು ಮಾಮೂಲಿ ವಿಷಯವಲ್ಲ ಎಂದು ಹೇಳುತ್ತಿದ್ದಾರೆ. ಫಿಫಾ ವಿಶ್ವಕಪ್ 2022 ರ ಫೈನಲ್ ಪಂದ್ಯದಲ್ಲಿ ಅವರ ಕನಸು ನನಸಾಯಿತು. 90 ನಿಮಿಷಗಳ ಕಾಲ ಅರ್ಜೆಂಟೀನಾ ಮತ್ತು ಫ್ರಾನ್ಸ್ ಎರಡೂ ತಂಡಗಳು 2-2 ರಲ್ಲಿ ಸಮಬಲಗೊಂಡವು.

ಹೆಚ್ಚುವರಿ ಸಮಯದ ನಂತರ ಪಂದ್ಯ 3-3ರಲ್ಲಿ ಸಮಬಲಗೊಂಡಿತು. ಈ ಪಂದ್ಯದಲ್ಲಿ ಮೆಸ್ಸಿ ಒಟ್ಟು 2 ಗೋಲು ಗಳಿಸಿದರು. ಮೆಸ್ಸಿ ಈಗ ವಿಶ್ವಕಪ್‌ನಲ್ಲಿ ಒಟ್ಟು 12 ಗೋಲುಗಳನ್ನು ಗಳಿಸಿದ್ದಾರೆ. ಮೆಸ್ಸಿ ವಿಶ್ವದ ಅತಿ ಹೆಚ್ಚು ಸಂಭಾವನೆ ಪಡೆಯುವ ಕ್ರೀಡಾಪಟುಗಳಲ್ಲಿ ಒಬ್ಬರು. ಕ್ರೀಡೆಯ ಹೊರತಾಗಿ.. ಹಲವು ಬ್ರಾಂಡ್‌ಗಳನ್ನು ಪ್ರಚಾರ ಮಾಡುವ ಮೂಲಕ ಅವರು ಸಾಕಷ್ಟು ಸಂಪಾದಿಸುತ್ತಾರೆ. ನವೆಂಬರ್ 2022 ರ ಹೊತ್ತಿಗೆ.. ಲಿಯೋನೆಲ್ ಮೆಸ್ಸಿ ಅವರ ನಿವ್ವಳ ಮೌಲ್ಯ 600 ಮಿಲಿಯನ್ ಡಾಲರ್ ಅಂದರೆ 4 ಸಾವಿರದ 952 ಕೋಟಿ ರೂಪಾಯಿಗಳು.