KL Rahul-Athiya Wedding: ಸದ್ಯಕ್ಕಿಲ್ವಂತೆ ಕೆಎಲ್‌ ರಾಹುಲ್-ಅಥಿಯಾ ಶೆಟ್ಟಿ ಹನಿಮೂನ್! ಹೊಸ ಜೋಡಿ ನಿರ್ಧಾರಕ್ಕೆ ಕಾರಣವೇನು ಗೊತ್ತಾ?

ಟೀಂ ಇಂಡಿಯಾದ ಆಟಗಾರ ಕೆಎಲ್ ರಾಹುಲ್ ಜನವರಿ 23 ಸೋಮವಾರದಂದು ಬಾಲಿವುಡ್ ನಟಿ ಅಥಿಯಾ ಶೆಟ್ಟಿ ಅವರೊಂದಿಗೆ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಇಬ್ಬರೂ ಹಲವು ವರ್ಷಗಳಿಂದ ಪರಸ್ಪರ ಡೇಟಿಂಗ್ ನಡೆಸುತ್ತಿದ್ದರು ಮತ್ತು ಕುಟುಂಬ ಸದಸ್ಯರ ಒಪ್ಪಿಗೆಯೊಂದಿಗೆ ಇದೀಗ ವೈವಾಹಿಕ ಜೀವನಕ್ಕೆ ಪ್ರವೇಶಿಸಿದ್ದಾರೆ.

ಬಾಲಿವುಡ್‌ನ ಖ್ಯಾತ ನಟ ಸುನೀಲ್ ಶೆಟ್ಟಿ ಅವರ ಪುತ್ರಿ ಅಥಿಯಾ ಅವರೊಂದಿಗೆ ಖಂಡಾಲಾದ ಬಂಗಲೆಯಲ್ಲಿ ಕ್ರಿಕೆಟಿಗ ಕೆಎಲ್ ರಾಹುಲ್ ಇಬ್ಬರೂ ವಿವಾಹವಾಗಿದ್ದಾರೆ.

ಕೆಎಲ್ ರಾಹುಲ್ ಮದುವೆಯಾಗಲು ಬಿಸಿಸಿಐನಿಂದ ರಜೆ ಪಡೆದುಕೊಂಡಿದ್ದರು. ನ್ಯೂಜಿಲೆಂಡ್ ವಿರುದ್ಧದ ಇತ್ತೀಚಿನ ODI ಮತ್ತು T20 ಸರಣಿಯಿಂದ ಆಯ್ಕೆಗಾರರು ಅವರನ್ನು ಹೊರಗಿಟ್ಟಿದ್ದರು. ಈಗ ಅವರು ಮುಂದಿನ ತಿಂಗಳು ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಲ್ಲಿ ಅವರು ಮತ್ತೆ ಕಣಕ್ಕಿಳಿಯಲಿದ್ದಾರೆ.

ಫೆಬ್ರವರಿ-ಮಾರ್ಚ್‌ನಲ್ಲಿ ಆಸ್ಟ್ರೇಲಿಯಾ ತಂಡ ಭಾರತ ಪ್ರವಾಸ ಕೈಗೊಳ್ಳಲಿದ್ದು, ಇದಕ್ಕಾಗಿ ತಂಡವನ್ನು ಆಯ್ಕೆ ಮಾಡಲಾಗಿದೆ. ನಾಲ್ಕು ಪಂದ್ಯಗಳ ಟೆಸ್ಟ್ ಸರಣಿಗೆ ಆಯ್ಕೆಯಾಗಿರುವ ತಂಡದಲ್ಲಿ ಕೆಎಲ್ ರಾಹುಲ್ ಹೆಸರಿದೆ. ಹೀಗಾಗಿ ಮದುವೆಯ ನಂತರ ರಾಹುಲ್ ಅಥಿಯಾ ಹನಿಮೂನ್ ಹೋಗುತ್ತಿಲ್ಲ.

ಐಪಿಎಲ್ ನಂತರವೇ ರಿಸೆಪ್ಷನ್ ಪಾರ್ಟಿ ನೀಡಲಾಗುವುದು ಎಂದು ಸ್ವತಃ ಸುನೀಲ್ ಶೆಟ್ಟಿ ಸುದ್ದಿಗಾರರೊಂದಿಗೆ ಮಾತನಾಡುತ್ತಾ ಹೇಳಿದ್ದಾರೆ.

ರಾಹುಲ್ ಮೊದಲು ಆಸ್ಟ್ರೇಲಿಯಾ ವಿರುದ್ಧದ ಟೆಸ್ಟ್ ಹಾಗೂ ನಂತರ ಏಕದಿನ ಸರಣಿಯಲ್ಲಿ ಆಡಲಿದ್ದಾರೆ. ಇದರ ನಂತರ, ಅವರು ಇಂಡಿಯನ್ ಪ್ರೀಮಿಯರ್ ಲೀಗ್‌ನ ಹೊಸ ಋತುವಿನಲ್ಲಿ ಆಡಲಿದ್ದಾರೆ.

ಇನ್ನು, ಟೆಸ್ಟ್ ಪಂದ್ಯವನ್ನು ಆಡುವುದಕ್ಕಾಗಿ ಪ್ರತಿಯೊಬ್ಬ ಆಟಗಾರನು 15 ಲಕ್ಷ ಪಂದ್ಯ ಶುಲ್ಕವನ್ನು ಪಡೆಯುತ್ತಾರೆ. ಅದೇ ಸಮಯದಲ್ಲಿ, ಏಕದಿನದಲ್ಲಿ 6 ಲಕ್ಷ ರೂ ಹಾಗೂ ಗುಜರಾತ್ ಟೈಟಾನ್ಸ್ ಪರ ಆಡುತ್ತಿರುವ ಕೆಎಲ್ ಅವರನ್ನು ತಂಡ 17 ಕೋಟಿ ರೂ.ಗೆ ಆಯ್ಕೆ ಮಾಡಿಕೊಂಡಿದೆ.

ಇನ್ನು, ಅನೇಕ ನೆಟ್ಟಿಗರು ರಾಹುಲ್ ಮತ್ತು ಅಥಿಯಾ ಅವರ ಎತ್ತರದ ಬಗ್ಗೆ ಚರ್ಚೆ ಮಾಡುತ್ತಿದ್ದಾರೆ. ಇವರಿಬ್ಬರ ಹೈಟ್​ ನೋಡುವುದಾದರೆ, ಭಾರತೀಯ ಕ್ರಿಕೆಟಿಗ ರಾಹುಲ್ 5 ಅಡಿ 11 ಇಂಚು ಎತ್ತರವಿದ್ದಾರೆ. ಆದರೆ ಅಥಿಯಾ 5 ಅಡಿ 10 ಇಂಚುಗಳಷ್ಟಿದ್ದಾರೆ. ಅಂದರೆ ಈ ಜೋಡಿಯ ಉದ್ದದಲ್ಲಿ ಹೆಚ್ಚಿನ ವ್ಯತ್ಯಾಸವಿಲ್ಲ, ಇಬ್ಬರ ಅಂತರ ಕೇವಲ 1 ಇಂಚು ಆಗಿದೆ.