Virat-Rohit: ರೋಹಿತ್ ಈ ವಿಚಾರವನ್ನು ಕೊಹ್ಲಿಯಿಂದ ಕಲಿಯಬೇಕು! ಕಪಿಲ್​ ದೇವ್​ ಶಾಕಿಂಗ್​ ಹೇಳಿಕೆ

ರೋಹಿತ್ ಶರ್ಮಾ ಫಿಟ್ನೆಸ್ ಬಗ್ಗೆ ಮತ್ತೊಮ್ಮೆ ಚರ್ಚೆ ಶುರುವಾಗಿದೆ. ವಾಸ್ತವವಾಗಿ, ರೋಹಿತ್ ಇದೀಗ ಫಾರ್ಮ್‌ಗೆ ಮರಳಿದ್ದಾರೆ. ಆಸ್ಟ್ರೇಲಿಯ ವಿರುದ್ಧದ ಮೊದಲೆರಡು ಟೆಸ್ಟ್‌ಗಳಲ್ಲಿಯೂ ರೋಹಿತ್ ತಕ್ಕಮಟ್ಟಿಗೆ ಉತ್ತಮ ಪ್ರದರ್ಶನ ನೀಡಿದ್ದಾರೆ.

ಆದರೂ ಇದೀಗ ಮತ್ತೊಮ್ಮೆ ರೋಹಿತ್ ಫಿಟ್​ನೆಸ್​ ಬಗ್ಗೆ ಪ್ರಶ್ನೆ ಎತ್ತಲಾಗಿದೆ. 1983 ರ ಏಕದಿನ ವಿಶ್ವಕಪ್ ವಿಜೇತ ನಾಯಕ ಕಪಿಲ್ ದೇವ್ ಅವರು ಇದೀಗ ರೋಹಿತ್ ಬಗ್ಗೆ ಮತ್ತೆ ಮಾತನಾಡಿದ್ದಾರೆ. ರೋಹಿತ್ ಶರ್ಮಾ ತುಂಬಾ ದಪ್ಪಗಿದ್ದಾರೆ. ತೂಕ ಇಳಿಸಿಕೊಳ್ಳುವತ್ತ ಗಮನ ಹರಿಸುವುದು ಉತ್ತಮ ಎಂದು ಅವರು ಹೇಳಿದ್ದಾರೆ.

ರೋಹಿತ್ ಶರ್ಮಾ ಅವರ ಅಧಿಕ ತೂಕದ ಬಗ್ಗೆ ಬೇಸರ ವ್ಯಕ್ತಪಡಿಸಿದ ಕಪಿಲ್‌ದೇವ್, ಹಿಟ್‌ಮ್ಯಾನ್ ದಪ್ಪವಾಗಿರುವುದಕ್ಕೆ ನಾಚಿಕೆಪಡಬೇಕು ಎಂದು ವಿವಾದಾತ್ಮಕ ಕಾಮೆಂಟ್‌ಗಳನ್ನು ಮಾಡಿದ್ದಾರೆ.

ಫಿಟ್ ಆಗಿರುವುದು ಬಹಳ ಮುಖ್ಯ. ಅದು ನಾಯಕನಾಗಿರುವವನಿಗೆ ಈ ವಿಷಯ ಇನ್ನೂ ಮುಖ್ಯವಾಗಿದೆ. ಫಿಟ್ ಆಗಿರದಿದ್ದರೆ ನಾಚಿಕೆಗೇಡು. ಈ ನಿಟ್ಟಿನಲ್ಲಿ ರೋಹಿತ್ ಸ್ವಲ್ಪ ಹೋರಾಟ ಮಾಡಬೇಕು ಎಂದು ಕಪಿಲ್ ದೇವ್ ಹೇಳಿದ್ದಾರೆ.

ಪ್ರತಿಯೊಬ್ಬ ಕ್ರಿಕೆಟಿಗನಿಗೆ ಫಿಟ್ ಆಗಿರುವುದು ಅತ್ಯಗತ್ಯ. ಅದರಲ್ಲೂ ಕ್ಯಾಪ್ಟನ್ ತುಂಬಾ ಫಿಟ್ ಆಗಿರಬೇಕು. ಆಗ ಮಾತ್ರ ಉಳಿದವರು ಫಿಟ್​ ಅನ್ನು ಗಂಭೀರವಾಗಿ ಪರಿಗಣಿಸುತ್ತಾರೆ.

ರೋಹಿತ್ ಶರ್ಮಾ ಈ ನಿಟ್ಟಿನಲ್ಲಿ ಕಠಿಣ ಪರಿಶ್ರಮ ಪಡಬೇಕಾಗಿದೆ.. ಅವರು ಶ್ರೇಷ್ಠ ಬ್ಯಾಟ್ಸ್‌ಮನ್ ಆಗಿರಬಹುದು.. ಆದರೆ ಅವರ ಫಿಟ್‌ನೆಸ್ ಬಗ್ಗೆ ಹೇಳುವುದಾದರೆ. ಅವರು ಅಧಿಕ ತೂಕ ಹೊಂದಿದ್ದಾರೆ ಎಂಬುದು ಸ್ಪಷ್ಟವಾಗಿದೆ. ಕಪಿಲ್ ದೇವ್ ಟಿವಿಯಲ್ಲಿ ಕನಿಷ್ಠ ಫಿಟ್ ಆಗಿ ಕಾಣಿಸದಿರುವುದು ಬೇಸರದ ಸಂಗತಿ ಎಂದಿದ್ದಾರೆ.

ಸೋಶಿಯಲ್ ಮೀಡಿಯಾದಲ್ಲಿ ಮತ್ತೊಮ್ಮೆ ಕೊಹ್ಲಿ ಮತ್ತು ರೋಹಿತ್ ಅಭಿಮಾನಿಗಳ ನಡುವೆ ವಾರ್ ಶುರುವಾಗಿದೆ. ಫಿಟ್​ನೆಸ್​ ವಿಚಾರದಲ್ಲಿ ಕೊಹ್ಲಿ ತುಂಬಾ ಸರಿ. ರೋಹಿತ್ ವಿರಾಟ್ ನಿಂದ ಕಲಿಯಬೇಕು ಎಂಬ ಕಪಿಲ್ ಕಾಮೆಂಟ್ ಎರಡು ಗುಂಪಿನ ನಡುವೆ ಟ್ವೀಟ್ ವಾರ್​ಗೆ ಕಾರಣವಾಗಿದೆ.

iದರ ನಡುವೆ ಮೂರು ವರ್ಷಗಳಿಂದ ಕೊಹ್ಲಿ ಟೆಸ್ಟ್‌ನಲ್ಲಿ ಶತಕ ಗಳಿಸಲು ಕಷ್ಟಪಡುತ್ತಿದ್ದಾರೆ ಎಂದು ರೋಹಿತ್ ಅಭಿಮಾನಿಗಳು ಹೇಳುತ್ತಿದ್ದಾರೆ. ಅದೇ ಸಮಯದಲ್ಲಿ ರೋಹಿತ್ ಟೆಸ್ಟ್‌ನಲ್ಲಿ ಉತ್ತಮವಾಗಿ ಆಡುತ್ತಿದ್ದಾರೆ ಎಂದು ಹೇಳಬಹುದು.