IPL 2023: ಐಪಿಎಲ್​ 2023 ಉಚಿತವಾಗಿ ನೋಡಿ, ಜಿಯೋದಿಂದ ಬಂಪರ್​ ಆಫರ್​

ಐಪಿಎಲ್‌ 2023ರ (IPL-2023) ಮಿನಿ ಹರಾಜು ಪ್ರಕ್ರಿಯೆ ಈಗಾಗಲೇ ಅಂತ್ಯಗೊಂಡಿದ್ದು, ಎಲ್ಲಾ 10 ತಂಡಗಳು ತಮ್ಮ ಟೀಂ ಅನ್ನು ಬಲಿಷ್ಠವಾಗಿ ಕಟ್ಟಿಕೊಂಡಿದೆ. ಅದರಲ್ಲಿಯೂ ಕೋಟಿ ಕೋಟಿ ಸುರಿದು ಆಟಗಾರರನ್ನು ಪ್ರಾಂಚೈಸಿಗಳು ಖರೀದಿಸಿದೆ. ಈ ಬಾರಿ ಐಪಿಎಲ್​ ಏಪ್ರಿಲ್ ಮೊದಲ ವಾರದಲ್ಲಿ ಆರಂಭವಾಗಲಿದೆ.

ಈಗಾಗಲೇ ಐಪಿಎಲ್​ 16ನೇ ಸೀಸನ್​ ಪ್ರಸಾರ ಹಕ್ಕನ್ನು Viacom18 ಪಡೆದುಕೊಂಡಿದೆ. ಹೀಗಾಗಿ ಈ ಬಾರಿ ಐಪಿಎಲ್​ ಅನ್ನು ನೀವು ವೂಟ್​ ಆ್ಯಪ್​ ಮೂಲಕ ನೋಡಬಹುದು. ಆದರೆ ಐಪಿಎಲ್​ ಕ್ರೇಜ್​ ಹೆಚ್ಚಿಸಲು ರಿಲಯನ್ಸ್​ ಜಿಯೋ ಭರ್ಜರಿ ತಯಾರಿ ನಡೆಸಿದೆ.

ಹೌದು, ಐಪಿಎಲ್ ಡಿಜಿಟಲ್ ಲೈವ್ ಸ್ಟ್ರೀಮಿಂಗ್​ ಹಕ್ಕನ್ನು ಜಿಯೋ ಪಡೆದುಕೊಂಡಿದೆ. ಹೀಗಾಗಿ ಜಿಯೋ ತನ್ನ ಗ್ರಾಹಕರಿಗೆ ಭರ್ಜರಿ ಸಿಹಿ ಸುದ್ದಿ ನೀಡಿದ್ದು, ಸಂಪೂರ್ಣ ಐಪಿಎಲ್​ ಅನ್ನು ಉಚಿತವಾಗಿ ಸ್ಟ್ರೀಮ್ ಮಾಡಲು ಯೋಚಿಸುತ್ತಿದೆ ಎಂದು ವರದಿಯಾಗಿದೆ.

ಈ ಬಾರಿ ನಡೆದ ಫಿಫಾ ವಿಶ್ವಕಪ್​ 2022 ಅನ್ನೂ ಸಹ ಜಿಯೋ ಪ್ರಸಾರ ಹಕ್ಕನ್ನು ಪಡೆದಿತ್ತು. ಅದೇ ರೀತಿ ಇದೀಗ ಜಿಯೋ ಐಪಿಎಲ್​ ಪ್ರಸಾರವನ್ನೂ ಸಹ ಉಚಿತವಾಗಿ ನೀಡಲು ಸಿದ್ಧವಾಗಿದೆ ಎಂದು ತಿಳಿದುಬಂದಿದೆ. ನೀವು ಜಿಯೋ ಆ್ಯಪ್​ನಲ್ಲಿ ಮೂಲಕ ಉಚಿತ ವೀಕ್ಷಣೆ ಮಾಡಬಹುದಾಗಿದೆ.

ಐಪಿಎಲ್ 2023ರ ಡಿಜಿಟಲ್ ಹಕ್ಕುದಾರರಾದ Viacom18 ಈ ಬಾರಿ ವೀಕ್ಷಕರಿಗೆ ಸಹಾಯವಾಗುವಂತೆ ಉಚಿತವಾಗಿ ಪ್ರಸಾರ ಮಾಡುವ ನಿರ್ಧರಿಸುವ ಸಾಧ್ಯತೆ ಇದೆ. ಈ ಮೂಲಕ ಜಿಯೋ ಸಿನೆಮಾ​ ಆ್ಯಪ್​ ಮೂಲಕ ಲೈವ್ ಪಂದ್ಯವನ್ನು ನೋಡಬಹುದಾಗಿದೆ.

ಜಿಯೋ ಕಂಪನಿ ಮುಂಬರಲಿರುವ ಐಪಿಎಲ್​ 2023ರಿಂದ 2027ರ ವರೆಗಿನ ಡಿಜಿಟಲ್ ಮಾಧ್ಯಮ ಹಕ್ಕುನ್ನು ಪಡೆದಿದೆ. ಅದೂ ಸಹ ಬರೋಬ್ಬರಿ 23,758 ಕೋಟಿಗೆ ಖರೀದಿಸಿದೆ. ಅಲ್ಲದೇ ಈ ಬಾರಿಯ ಫಿಫಾ ವಿಶ್ವಕಪ್​ನ್ನೂ ಸಹ ಜಿಯೋ ಸಂಪೂರ್ಣವಾಗಿ ಉಚಿತವಾಗಿ ನೀಡಿತ್ತು.

ಫಿಫಾ ವಿಶ್ವಕಪ್ 2022 ವನ್ನು ಉಚಿತವಾಗಿ ನೀಡುವ ಮೂಲಕ ಜಿಯೋ 300 ಕೋಟಿಗೂ ಹೆಚ್ಚು ಆದಾಯವನ್ನು ಗಳಿಸಿದೆ. ಹೀಗಾಗಿ ಐಪಿಎಲ್ ಸಹ ಉಚಿತವಾಗಿ ನೀಡಲು ಸಿದ್ಧವಾಗಿದೆ ಎಂದು ವರದಿಯಾಗಿದೆ. ಇನ್ನು, ಟಿವಿ ರೈಟ್ಸ್​ ಈಗಲೂ ಸ್ಟಾರ್​ ಸ್ಪೋರ್ಟ್ಸ್​ ಬಳಿಯೇ ಉಳಿದಿದೆ.

ಮುಂಬರುವ ಐಪಿಎಲ್ ಪಂದ್ಯಗಳನ್ನು ಬೆಂಗಳೂರಿನಲ್ಲಲಿ ಮಾತ್ರವಲ್ಲದೇ ರಾಜ್ಯದ ಮೈಸೂರು, ಹುಬ್ಬಳ್ಳಿ ಮತ್ತು ಬೆಳಗಾವಿ ಮೈದಾನಗಳಲ್ಲಿಯೂ ನಡೆಸಲು ಚಿಂತನೆ ಮಾಡಲಾಗುತ್ತಿದೆ. ಈ ನಗರಗಳಲ್ಲಿ ಐಪಿಎಲ್ ಪಂದ್ಯಗಳನ್ನು ಆಯೋಜಿಸಲು ಬೇಕಾದ ಮೈದಾನಗಳು ಹಾಗೂ ಎಲ್ಲಾ ಮೂಲ ಸೌಕರ್ಯಗಳೂ ಇವೆ.