Shane Warne: ಅಶ್ಲೀಲ ಸಂದೇಶ ಕಳುಹಿಸಿ ಹೋಟೆಲ್ ಕೋಣೆಗೆ ಬಾ ಎಂದ ಖ್ಯಾತ ಕ್ರಿಕೆಟಿಗ!

ಖ್ಯಾತ ಕ್ರಿಕೆಟಿಗ ಶೇನ್ ವಾರ್ನ್ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ. ಮಾಡೆಲ್ ಮತ್ತು ನಟಿ ಜೆಸ್ಸಿಕಾ ಪವರ್ ಆಸ್ಟ್ರೇಲಿಯಾದ ಮಾಜಿ ಕ್ರಿಕೆಟಿಗ ನನಗೆ ಅಶ್ಲೀಲ ಸಂದೇಶ ಕಳುಹಿಸಿದ್ದಾರೆ ಎಂದು ಆರೋಪಿಸಿದ್ದಾರೆ. ಮಾತ್ರವಲ್ಲದೆ ಸಾಕ್ಷಿ ಎಂಬಂತೆ ಮೆಸೇಜ್ ಸ್ಕ್ರೀನ್ ಶಾಟ್ ಹಂಚಿಕೊಂಡಿದ್ದಾರೆ.

ವಿಶ್ವದ ಅತ್ಯತ್ತಮ ಬ್ಯಾಟ್ಸ್​ಮನ್​ಗಳಿಗೆ ಸ್ಪೀನ್ ಹಾಕುವ ಮೂಲಕ ವಿಕೆಟ್ ಕಬಳಿಸುತ್ತಿದ್ದ ಶೇನ್ ವಾರ್ನ್ ಮಾಡೆಲ್​ಗೆ ಅಶ್ಲೀಲ ಸಂದೇಶ ಕಳುಹಿಸಿರುವ ಸ್ಕ್ರೀನ್ ಶಾಟ್ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. 52 ವರ್ಷದ ವಾರ್ನ್​ ಅವರ ಸಂದೇಶ ನೋಡಿ ಜೆಸ್ಸಿಕಾ ಅವರು ‘ನರರೋಗ’ ಎಂದಿದ್ದಾರೆ.

ಶೇನ್ ವಾರ್ನ್ ವಿರುದ್ಧ ಮಹಿಳೆ ದೂರು ನೀಡಿರುವುದು ಇದೇ ಮೊದಲಲ್ಲ. ಇದಕ್ಕೂ ಮೊದಲು, ವಾರ್ನ್ ತನ್ನ ಚೇಷ್ಟೆಗಳಿಂದ ವಿವಾದಗಳಿಗೆ ಒಳಗಾಗಿದ್ದರು. ಇದರಿಂದಾಗಿ ಅವರ ಮದುವೆ ಮುರಿದುಬಿತ್ತು. ಇದೀಗ ನಟಿ ಜೆಸ್ಸಿಕಾ ಪವರ್ ಅವರು ಶೇನ್ ವಾರ್ನ್ ಅವರ ನಿಜರೂಪ ಬಯಲಿಗೆಳೆದಿದ್ದಾರೆ.

ನಟಿ ಜೆಸ್ಸಿಕಾ ಪವರ್ ಅವರು ತಮ್ಮ ಇನ್ಸ್ಟಾಗ್ರಾಮ್ ಖಾತೆಯಲ್ಲಿ ಶೇನ್ ವಾರ್ನ್ ಕಳುಹಿಸಿರುವ ಸಂದೇಶದ ಸ್ಕ್ರೀನ್​ಶಾಟ್ ಅನ್ನು ಹಂಚಿಕೊಂಡಿದ್ದಾರೆ. ಇದರಲ್ಲಿ ಜೆಸ್ಸಿಕಾಳಿಗೆ ಹೋಟೆಲ್ ಕೋಣೆಯಲ್ಲಿ ಭೇಟಿಯಾಗುವಂತೆ ವಾರ್ನ್ ಹೇಳಿದ್ದಾರೆ. ಮಾಡೆಲ್ ಆತನನ್ನು ಭೇಟಿಯಾಗುವ ಸ್ಥಳವನ್ನು ನಿರಾಕರಿಸಿದ್ದಾರೆ. ಆ ಬಳಿ ವಾರ್ನ್ ಆಕೆಗೆ ನಿರಂತರವಾಗಿ ಹಲವಾರು ಸಂದೇಶಗಳನ್ನು ಕಳುಹಿಸಿದ್ದಾರೆ.

30 ವರ್ಷದ ಜೆಸ್ಸಿಕಾ ಪವರ್, 'ನಾನು ಇದನ್ನು ಹುಚ್ಚುತನ ಎಂದು ಹೇಳಿದೆ. ನೀವು ಇಂತಹ ಸಂದೇಶವನ್ನು ಕಳುಹಿಸುತ್ತಿದ್ದೀರಿ ಎಂದು ನನಗೆ ನಂಬಲಾಗುತ್ತಿಲ್ಲ ಶೇರ್ನ್ ವಾರ್ನ್ಗೆ ಹೇಳಿದ್ದಾರೆ. ಇಂಗ್ಲಿಷ್ ರಿಯಾಲಿಟಿ ಶೋ 'ಬಿಗ್ ಬ್ರದರ್ ವಿಐಪಿ'ಯಲ್ಲಿ ಮಾಡೆಲ್ ಜೆಸ್ಸಿಕಾ ಅವರು ಶೇನ್ ವಾರ್ನ್ ವಿರುದ್ಧ ಈ ಆರೋಪ ಮಾಡಿದ್ದಾರೆ.

ಶೇನ್ ವಾರ್ನ್ ಆಸ್ಟ್ರೇಲಿಯ ಪರ 300 ಕ್ಕೂ ಹೆಚ್ಚು ಅಂತರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ ಮತ್ತು ವಿಶ್ವದ ಶ್ರೇಷ್ಠ ಲೆಗ್ ಸ್ಪಿನ್ನರ್ ಎಂದು ಅವರನ್ನು ಕರೆಯುತ್ತಾರೆ. ಅನುಭವಿ ಬ್ಯಾಟ್ಸ್ ಮನ್ ಗಳೂ ಅವರ ಬೌಲಿಂಗ್ ಮುಂದೆ ಬೆವತ್ತದ್ದು ಇದೆ. ಆದರೆ, ಸಚಿನ್ ತೆಂಡೂಲ್ಕರ್ ಮುಂದೆ ಅವರು ಅಷ್ಟೊಂದು ಪರಿಣಾಮಕಾರಿಯಾಗಿರಲಿಲ್ಲ ಎಂಬುದು ಬೇರೆ ಮಾತು.

ಟೆಸ್ಟ್ ಕ್ರಿಕೆಟ್ನಲ್ಲಿ 708 ವಿಕೆಟ್​ಗಳನ್ನು ಶೇನ್ ವಾರ್ನ್ ಪಡೆದಿದ್ದಾರೆ. ಅದೇ ಸಮಯದಲ್ಲಿ, ಅವರು ಏಕದಿನ ಅಂತಾರಾಷ್ಟ್ರೀಯ ಕ್ರಿಕೆಟ್ನಲ್ಲಿ 293 ವಿಕೆಟ್​ಗಳನ್ನು ಪಡೆದಿದ್ದಾರೆ. ಇದಲ್ಲದೆ, ಅವರು ಐಪಿಎಲ್ ಸೀಸನ್ ಒಂದರಲ್ಲಿ ಪ್ರಶಸ್ತಿ ಗೆದ್ದ ನಾಯಕರಾಗಿದ್ದಾರೆ. ಅವರು ಮೊದಲ ಐಪಿಎಲ್ ಟ್ರೋಫಿಯನ್ನು ರಾಜಸ್ಥಾನ್ ರಾಯಲ್ಸ್​ಗೆ ನೀಡಿದರು.