Team India: ಟೀಂ ಇಂಡಿಯಾಗೆ ಭರ್ಜರಿ ಗುಡ್​ ನ್ಯೂಸ್, ಸ್ಟಾರ್​ ಬೌಲರ್​ ಕಂಬ್ಯಾಕ್​ಗೆ ಮುಹೂರ್ತ ಫಿಕ್ಸ್

ನೂತನ ನಾಯಕ ರೋಹಿತ್ ಶರ್ಮಾ ನಾಯಕತ್ವದಲ್ಲಿ ಹಾಗೂ ನೂತನ ಕೋಚ್ ರಾಹುಲ್ ದ್ರಾವಿಡ್ ಅವರ ಮೇಲ್ವಿಚಾರಣೆಯಲ್ಲಿ ಟೀಂ ಇಂಡಿಯಾ ಸತತವಾಗಿ ಸರಣಿ ಗೆದ್ದುಕೊಂಡಿದೆ. ದೇಶ-ವಿದೇಶಗಳಲ್ಲಿ ಎಲ್ಲೆಲ್ಲಿ ಸರಣಿ ನಡೆದರೂ ಭಾರತವೇ ಮೇಲುಗೈ ಸಾಧಿಸಿದೆ. ಆದರೆ ಟೀಂ ಇಂಡಿಯಾಗೆ ಮೊದಲ ಹಿನ್ನಡೆ ಏಷ್ಯಾಕಪ್ ರೂಪದಲ್ಲಿ ಆರಂಭವಾಯಿತು.

ಅದರಲ್ಲಿಯೂ ಏಷ್ಯಾಕಪ್​ನಿಂದ ಸಾಲು ಸಾಲು ಆಟಗಾರರ ಇಂಜೂರಿ ತಂಡಕ್ಕೆ ದೊಡ್ಡ ಹೊಡೆತ ನೀಡಿತು. ಅದರಲ್ಲಿಯೂ ತಂಡದ ಸ್ಟಾರ್​ ಬೌಲರ್ ಜಸ್ಪ್ರಿತ್ ಬುಮ್ರಾ ಇಂಜೂರಿ ದೊಡ್ಡ ಹಿನ್ನಡೆಯಾಯಿತು.

ಆದ್ರೆ, ಇದೀಗ ಟೀಂ ಇಂಡಿಯಾ ಅಭಿಮಾನಿಗಳಿಗೆ ರೋಚಕ ಸುದ್ದಿಯೊಂದು ಬಂದಿದೆ. ಟೀಂ ಇಂಡಿಯಾದ ಸ್ಟಾರ್​ ಬೌಲರ್ ಬುಮ್ರಾ ಟೀಂ ಇಂಡಿಯಾಗೆ ಕಂಬ್ಯಾಕ್ ಮಾಡಲು ತಯಾರಿ ನಡೆಸುತ್ತಿದ್ದಾರೆ.

ಫಿಟ್ನೆಸ್ ಸಾಧಿಸಲು ಮತ್ತೆ ಅಭ್ಯಾಸ ಆರಂಭಿಸಿದ್ದಾರೆ. ಈ ಸಂಬಂಧ ಅವರು ವಿಡಿಯೋ ಬಿಡುಗಡೆ ಮಾಡಿದ್ದಾರೆ. ಇದರೊಂದಿಗೆ ಟೀಂ ಇಂಡಿಯಾ ಅಭಿಮಾನಿಗಳು ಖುಷಿಯಾಗಿದ್ದಾರೆ.

ಇತ್ತೀಚೆಗೆ ನ್ಯೂಜಿಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲೂ ಭಾರತದ ಬೌಲಿಂಗ್ ನಿರಾಸೆ ಮೂಡಿಸಿತ್ತು. ಆರಂಭದಲ್ಲಿ ಉತ್ತಮವಾಗಿ ದಾಳಿ ನಡೆಸಿದರೂ ಅಂತಿಮ ಕ್ಷಣದಲ್ಲಿ ಬೌಲಿಂಗ್​ ವಿಭಾಗ ಎಡವುತ್ತಿದೆ.

ಬುಮ್ರಾ ಅನುಪಸ್ಥಿತಿಯಿಂದ ಭಾರತದ ಬೌಲಿಂಗ್ ತನ್ನ ಮೋಡಿಯನ್ನು ಕಳೆದುಕೊಂಡಿದೆ. ಡೆತ್ ಓವರ್‌ಗಳಲ್ಲಿ ಭಾರತದ ಬೌಲರ್‌ಗಳು ಯಾವುದೇ ಪ್ರಭಾವ ಬೀರಲು ಸಾಧ್ಯವಾಗುತ್ತಿಲ್ಲ. ಬುಮ್ರಾ ಕಂಬ್ಯಾಕ್ ಮಾಡಿದರೆ ಭಾರತದ ಬೌಲಿಂಗ್ ಸುಧಾರಿಸಲಿದೆ.

ಅದರಲ್ಲೂ ಮುಂದಿನ ಎರಡು ವರ್ಷಗಳು ಟೀಂ ಇಂಡಿಯಾಗೆ ಅತ್ಯಂತ ನಿರ್ಣಾಯಕ. ಟಿ20 ಮೆಗಾ ಟೂರ್ನಮೆಂಟ್ 2024ರಲ್ಲಿ ಏಕದಿನ ವಿಶ್ವಕಪ್ ಮತ್ತು ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ ನಡೆಯಲಿದೆ. ಇಂತಹ ಟೂರ್ನಿಗಳಲ್ಲಿ ಸ್ಪರ್ಧಿಸಲು ವಿಶ್ವ ದರ್ಜೆಯ ಬೌಲರ್‌ಗಳು ಬೇಕು.

ಈ ಮೆಗಾಟೂರ್ನಮೆಂಟ್‌ಗಳನ್ನು ಸಾಧಿಸಲು, ಬುಮ್ರಾ ಜೊತೆಗೆ ಕೆಲವು ಇತರ ಬೌಲರ್‌ಗಳನ್ನು ಸಿದ್ಧಪಡಿಸುವ ಅಗತ್ಯವಿದೆ. ಉಮ್ರಾನ್ ಮಲಿಕ್, ಅರ್ಶ್ ದೀಪ್ ಸಿಂಗ್, ಯಶ್ ದಯಾಳ್ ರಂತಹ ಯಂಗ್ ಬೌಲರ್​ಗಳು ಸಿದ್ಧವಾಗಬೇಕಿದೆ. ಅವರಿಗೆ ಹೆಚ್ಚಿನ ಅವಕಾಶ ನೀಡಿದರೆ ಟೀಂ ಇಂಡಿಯಾದ ಸಮಸ್ಯೆಗಳು ಮುಗಿದು ಹೋಗುತ್ತವೆ ಎಂಬುದು ಕ್ರೀಡಾ ಪಂಡಿತರ ಅಭಿಪ್ರಾಯ.