Team India: ಈ ಮೂವರು ಏಕದಿನ ವಿಶ್ವಕಪ್ ಆಡುವುದು ಡೌಟ್​! ಕಠಿಣ ನಿರ್ಧಾರ ಕೈಗೊಳ್ಳುತ್ತಾ ಬಿಸಿಸಿಐ?

ಹಲವು ನಿರೀಕ್ಷೆಗಳೊಂದಿಗೆ ಆಸ್ಟ್ರೇಲಿಯಾ ನೆಲಕ್ಕೆ ಕಾಲಿಟ್ಟ ಟೀಂ ಇಂಡಿಯಾ ಮತ್ತೊಮ್ಮೆ ನಿರಾಸೆ ಮೂಡಿಸಿದ್ದು ಗೊತ್ತೇ ಇದೆ. ಮಿಷನ್ ಮೆಲ್ಬೋರ್ನ್ ಹೆಸರಿನೊಂದಿಗೆ ಕಣಕ್ಕೆ ಇಳಿದ ಭಾರತ ಮತ್ತೊಮ್ಮೆ ಸೆಮೀಸ್​ ಹಂತದಲ್ಲಿ ಎಡವಿತು.

ಟಿ20 ವಿಶ್ವಕಪ್‌ನ ವೈಫಲ್ಯವನ್ನು ಬದಿಗಿಟ್ಟ ಭಾರತ, ಮುಂದಿನ ವರ್ಷ ಏಕದಿನ ವಿಶ್ವಕಪ್‌ಗಾಗಿ ಈಗಾಗಲೇ ತಾಲೀಮು ಆರಂಭಿಸಿದೆ. 2023ರ ಏಕದಿನ ವಿಶ್ವಕಪ್ ಭಾರತದಲ್ಲಿ ನಡೆಯುವುದರಿಂದ ಟೀಂ ಇಂಡಿಯಾ ಪಾಲಿಗೆ ಪ್ರತಿಷ್ಠೆಯ ಕಣವಾಗಿ ಪರಿಣಮಿಸಿದೆ.

ತವರು ನೆಲದಲ್ಲಿ ಈ ಬಾರಿ ವಿಶ್ವ ಚಾಂಪಿಯನ್ ಆಗುವ ದೊಡ್ಡ ಕನಸು ಕಾಣುತ್ತಿದೆ. ಏಕದಿನ ವಿಶ್ವಕಪ್‌ಗೂ ಮುನ್ನ ಭಾರತ ಹಲವು ಸಮಸ್ಯೆಗಳನ್ನು ಎದುರಿಸುತ್ತಿದೆ. ಬೌಲಿಂಗ್ ಮುಖ್ಯವಾದುದಾದರೆ, ಎರಡನೆಯದು ಸಂಯೋಜನೆಯ ಸಮಸ್ಯೆ.

ಈ ಬಾರಿಯ ಏಕದಿನ ವಿಶ್ವಕಪ್‌ಗೆ ಟೀಂ ಇಂಡಿಯಾದಲ್ಲಿ ಸ್ಥಾನ ಪಡೆಯಲು ಹಲವು ಆಟಗಾರರು ಪೈಪೋಟಿ ನಡೆಸುತ್ತಿದ್ದಾರೆ. ಇವರಿಂದ ಸರಿಯಾದ ತಂಡವನ್ನು ಘೋಷಿಸುವುದು ಆಯ್ಕೆದಾರರಿಗೆ ದೊಡ್ಡ ಸಮಸ್ಯೆಯಾಗಿದೆ.

ಏತನ್ಮಧ್ಯೆ, ಪ್ರಸ್ತುತ ಮೂವರು ಆಟಗಾರರ ಮೇಲೆ ಬಿಸಿಸಿಐ ಕಣ್ಣಿಟ್ಟಿದ್ದು, ಅವರಲ್ಲಿ ಅನುಭವಿ ಆಟಗಾರ ಶಿಖರ್ ಧವನ್, ವಿಕೆಟ್ ಕೀಪರ್ ಬ್ಯಾಟರ್ ರಿಷಬ್ ಪಂತ್, ಬೌಲರ್ ಶಾರ್ದೂಲ್ ಠಾಕೂರ್ ಒಳಗೊಂಡಿದ್ದಾರೆ.

ಡಿಸೆಂಬರ್ 5 ರಂದು ಶಿಖರ್ ಧವನ್ 37 ನೇ ವರ್ಷಕ್ಕೆ ಕಾಲಿಡುತ್ತಾರೆ. ಈ ಕ್ರಮದಲ್ಲಿ ಮುಂದಿನ ವರ್ಷ ನವೆಂಬರ್ ನಲ್ಲಿ ನಡೆಯಲಿರುವ ಏಕದಿನ ವಿಶ್ವಕಪ್ ಗೆ ಶಿಖರ್ ಧವನ್ ಆಯ್ಕೆಯಾಗುವುದು ಅನುಮಾನ. ಈಗ ತಂಡದಲ್ಲಿದ್ದರೂ ಸ್ಥಿರವಾಗಿ ಆಡುತ್ತಿಲ್ಲ. ಅದರಲ್ಲೂ ಕಡಿಮೆ ಸ್ಟ್ರೈಕ್ ರೇಟ್ ನಲ್ಲಿ ಬ್ಯಾಟಿಂಗ್ ಮಾಡುವುದು ಧವನ್ ಗೆ ಸಮಸ್ಯೆಯಾಗಿ ಪರಿಣಮಿಸಿದೆ. ಆದರೆ ಕೆಲ ದಿನಗಳ ಹಿಂದೆ ಧವನ್ ಮುಂಬರು ವಿಶ್ವಕಪ್​ ಆಡುವುದು ನನ್ನ ಗುರಿ ಎಂದು ಹೇಳಿದ್ದರು.

ಜಿಂಬಾಬ್ವೆ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಅವರು 68 ಎಸೆತಗಳಲ್ಲಿ 40 ರನ್ ಗಳಿಸಿದರು. ಅವರು ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಪಂದ್ಯದಲ್ಲಿ 16 ಎಸೆತಗಳಲ್ಲಿ 4 ಮತ್ತು 14 ಎಸೆತಗಳಲ್ಲಿ 8 ರನ್ ಗಳಿಸಿದರು. ನ್ಯೂಜಿಲೆಂಡ್ ವಿರುದ್ಧದ ಮೊದಲ ಏಕದಿನ ಪಂದ್ಯದಲ್ಲಿ ಅವರು 77 ಎಸೆತಗಳಲ್ಲಿ 72 ರನ್ ಗಳಿಸಿದ್ದರು. ಆದರೆ, ಮಳೆಯಿಂದಾಗಿ ರದ್ದಾದ ಎರಡನೇ ಏಕದಿನ ಪಂದ್ಯದಲ್ಲಿ ಅವರು 10 ಎಸೆತಗಳಲ್ಲಿ ಕೇವಲ 3 ರನ್ ಗಳಿಸಿದ್ದರು. ಶಿಖರ್ ಧವನ್ ಅವರ ಆರಂಭಿಕ ಸ್ಥಾನಕ್ಕಾಗಿ ಶುಭಮನ್ ಗಿಲ್ ಮತ್ತು ಇಶಾನ್ ಕಿಶನ್ ಪೈಪೋಟಿ ನಡೆಸುತ್ತಿದ್ದಾರೆ. ಈ ಕ್ರಮದಲ್ಲಿ ಧವನ್ ತಮ್ಮ ಸ್ಟ್ರೈಕ್ ರೇಟ್ ಜೊತೆಗೆ ಸ್ಥಿರತೆ ತೋರಬೇಕಿದೆ. ಇಲ್ಲದಿದ್ದರೆ ಟೀಂ ಇಂಡಿಯಾ ದೂರ ಉಳಿಯಬೇಕಾಗುತ್ತದೆ.

ರಿಷಬ್ ಪಂತ್ ಕೂಡ ಸದ್ಯ ಯಾವುದೇ ಫಾರ್ಮ್‌ನಲ್ಲಿಲ್ಲ. ಅವರನ್ನು ಕೈಬಿಡುವಂತೆ ಅಭಿಮಾನಿಗಳು ಬಿಸಿಸಿಐಗೆ ಮನವಿ ಮಾಡುತ್ತಿದ್ದಾರೆ. ಇಂಗ್ಲೆಂಡ್ ವಿರುದ್ಧದ ಮೂರನೇ ಏಕದಿನ ಪಂದ್ಯದಲ್ಲಿ ಶತಕ (ಔಟಾಗದೆ 125) ಗಳಿಸಿದ ನಂತರ ವಿಫಲರಾಗುತ್ತಿದ್ದಾರೆ. ಸೀಮಿತ ಓವರ್ ಕ್ರಿಕೆಟ್‌ನಲ್ಲಿ ಪಂತ್ ಅವರ ಕೊನೆಯ ಐದು ಇನ್ನಿಂಗ್ಸ್‌ಗಳು ಕ್ರಮವಾಗಿ 3, 6, 6, 11, 15. ಪಂತ್ ಇಲ್ಲದೆ ಸ್ಯಾಮ್ಸನ್‌ಗೆ ಅವಕಾಶ ನೀಡುಬೇಖು ಎಂಬ ಕೂಗು ಕೇಳಿಬರುತ್ತಿದೆ.

ಈ ಪಟ್ಟಿಯಲ್ಲಿ ಮೂರನೇ ಆಟಗಾರ ಶಾರ್ದೂಲ್ ಠಾಕೂರ್. ಶಾರ್ದೂಲ್ ಸ್ಥಿರ ಪ್ರದರ್ಶನ ನೀಡಿದ್ದರೆ ಟೀಂ ಇಂಡಿಯಾಕ್ಕೆ ಉತ್ತಮ ಆಲ್ ರೌಂಡರ್ ಆಗುತ್ತಿದ್ದರು. ಅಲ್ಲದೇ ಅವರ ಜಾಗಕ್ಕೆ ಇದೀಗ ಬುಮ್ರಾ ಸಹ ಮರಳಲಿದ್ದಾರೆ. ಜೊತೆಗೆ ಸಿರಾಜ್, ಶಮಿ, ಭುವಿ, ಅರ್ಶ್ ದೀಪ್, ಉಮ್ರಾನ್ ಮಲಿಕ್ ಮತ್ತು ದೀಪಕ್ ಚಾಹರ್ ಕೂಡ ಇರುವುದರಿಂದ ಶಾರ್ದೂಲ್ ವಿಶ್ವಕಪ್ ತಂಡದಲ್ಲಿ ಸ್ಥಾನ ಪಡೆಯುವುದು ಕಷ್ಟ.