IPL 2023 Auction: ಅಂತರಾಷ್ಟ್ರೀಯ ಕ್ರಿಕೆಟ್​​ನಲ್ಲಿ ಇವ್ರೇ ಸೂಪರ್​ ಸ್ಟಾರ್ಸ್​, ಆದ್ರೆ ಐಪಿಎಲ್​​​ನಲ್ಲಿ ಅಟ್ಟರ್​ ಫ್ಲಾಪ್!

ವಿಶ್ವದ ಅತ್ಯಂತ ಜನಪ್ರಿಯ ಕ್ರಿಕೆಟ್ ಪಂದ್ಯಾವಳಿಯೆಂದರೆ ಇಂಡಿಯನ್ ಪ್ರೀಮಿಯರ್ ಲೀಗ್ ಎಂದನ್ನಬಹುದು. ಪ್ರತಿ ಕ್ರೀಡಾ ಋತುವು ಕ್ರಿಕೆಟ್ ಅಭಿಮಾನಿಗಳಿಗೆ ಹೊಸ ದಾಖಲೆಗಳು ಮತ್ತು ಸಂವೇದನಾಶೀಲ ಪ್ರದರ್ಶನಗಳೊಂದಿಗೆ ಅಂತ್ಯವಿಲ್ಲದ ಮನರಂಜನೆಯನ್ನು ನೀಡುತ್ತದೆ.

ಇನ್ನೇನು ಕೆಲವೇ ತಿಂಗಳುಗಳಲ್ಲಿ ಐಪಿಎಲ್‌ ಹೊಸ ಸೀಸನ್‌ ಆರಂಭವಾಗಲಿದೆ. 2023 ರ ಹರಾಜಿನ ಪಟ್ಟಿಯನ್ನು ಡಿಸೆಂಬರ್ 13 ರಂದು ಪ್ರಕಟಿಸಲಾಯಿತು. ಒಟ್ಟು 405 ಕ್ರಿಕೆಟಿಗರು ಆಕ್ಷನ್‌ಗೆ ಲಭ್ಯರಿರುತ್ತಾರೆ. ಡಿಸೆಂಬರ್ 23 ಶುಕ್ರವಾರದಂದು ಕೊಚ್ಚಿಯಲ್ಲಿ ಹರಾಜು ನಡೆಯಲಿದೆ.

10 ಫ್ರಾಂಚೈಸಿಗಳಲ್ಲಿ ವಿದೇಶಿ ಆಟಗಾರರಿಗೆ ಗರಿಷ್ಠ 87 ಸ್ಲಾಟ್‌ಗಳು ಲಭ್ಯವಿವೆ. 405 ಆಟಗಾರರ ಪೈಕಿ 273 ಭಾರತೀಯ ಆಟಗಾರರು ಮತ್ತು 132 ವಿದೇಶಿ ಆಟಗಾರರು ಹರಾಜಿನಲ್ಲಿದ್ದಾರೆ. ಆಟಗಾರರು ರೂ.2 ಕೋಟಿ, ರೂ.1.5 ಕೋಟಿ, ರೂ.1 ಕೋಟಿ ಇತ್ಯಾದಿ ಮೂಲ ಬೆಲೆಗಳೊಂದಿಗೆ ನೋಂದಾಯಿಸಿಕೊಂಡಿದ್ದಾರೆ.

ಜೋ ರೂಟ್: ಐಪಿಎಲ್ 2023ರ ಹರಾಜಿಗೆ ನೋಂದಾಯಿಸಲಾದ 27 ಇಂಗ್ಲೆಂಡ್ ಆಟಗಾರರಲ್ಲಿ ಜೋ ರೂಟ್ ಒಬ್ಬರು. ಬೆನ್ ಸ್ಟೋಕ್ಸ್‌ಗೆ ಟೆಸ್ಟ್ ನಾಯಕತ್ವವನ್ನು ಹಸ್ತಾಂತರಿಸಿದ ರೂಟ್, ತಮ್ಮ 27 ವರ್ಷಗಳ ವೃತ್ತಿಜೀವನದಲ್ಲಿ ಎರಡನೇ ಬಾರಿಗೆ ಐಪಿಎಲ್ ಹರಾಜಿನಲ್ಲಿ ಲಭ್ಯವಿದ್ದಾರೆ. ಅವರು ಕೊನೆಯ ಬಾರಿಗೆ 2019ರಲ್ಲಿ T20I ಆಡಿದ್ದರು. ರೂಟ್ 32 T20I ಗಳಲ್ಲಿ 126.31 ಸ್ಟ್ರೈಕ್ ರೇಟ್‌ನಲ್ಲಿ 893 ರನ್ ಗಳಿಸಿದ್ದಾರೆ.

ಮೊಹಮ್ಮದ್ ನಬಿ: ಟಿ20 ವಿಶ್ವಕಪ್‌ನಲ್ಲಿ ನಿರಾಶಾದಾಯಕ ಪ್ರದರ್ಶನ ನೀಡಿದ ನಬಿ ಅಫ್ಘಾನಿಸ್ತಾನದ ನಾಯಕತ್ವದಿಂದ ಕೆಳಗಿಳಿದರು. 37ನೇ ವಯಸ್ಸಿನಲ್ಲಿ, ಮೊಹಮ್ಮದ್ ನಬಿ ಐಪಿಎಲ್ ಹರಾಜಿಗೆ ನೋಂದಾಯಿಸಿಕೊಂಡಿದ್ದಾರೆ. ಇದಕ್ಕೂ ಮುನ್ನ ನಡೆದ ಹರಾಜಿನಲ್ಲಿ ನಬಿ ಅವರನ್ನು ಕೋಲ್ಕತ್ತಾ ನೈಟ್ ರೈಡರ್ಸ್ ಖರೀದಿಸಿತ್ತು. ಐಪಿಎಲ್‌ನಲ್ಲಿ ಅವರು 17 ಪಂದ್ಯಗಳಲ್ಲಿ 180 ರನ್ ಗಳಿಸಿದ್ದಾರೆ. ಅಲ್ಲದೇ 13 ವಿಕೆಟ್‌ಗಳನ್ನು ಸಹ ಪಡೆದಿದ್ದಾರೆ.

ಮೋಸೆಸ್ ಹೆನ್ರಿಕ್ಸ್: ಐಪಿಎಲ್‌ನಲ್ಲಿ ಮೋಸೆಸ್ ಹೆನ್ರಿಕ್ಸ್ ಉತ್ತಮ ಅನುಭವ ಹೊಂದಿದ್ದಾರೆ. ಅವರು 62 ಪಂದ್ಯಗಳನ್ನು ಆಡಿ 1000 ರನ್ ಗಳಿಸಿದ್ದಾರೆ. ಜೊತೆಗೆ 42 ವಿಕೆಟ್​ಗಳನ್ನು ಸಹ ಕಬಳಿಸಿದ್ದಾರೆ. ಅವರು ಕೋಲ್ಕತ್ತಾ ನೈಟ್ ರೈಡರ್ಸ್, ಮುಂಬೈ ಇಂಡಿಯನ್ಸ್, ಡೆಲ್ಲಿ ಡೇರ್ ಡೆವಿಲ್ಸ್, ಸನ್ ರೈಸರ್ಸ್ ಹೈದರಾಬಾದ್, ಕಿಂಗ್ಸ್ XI ಪಂಜಾಬ್ ಸೇರಿದಂತೆ ಹಲವು ಫ್ರಾಂಚೈಸಿಗಳಿಗಾಗಿ ಆಡಿದ್ದಾರೆ.

ಶಾಯ್ ಹೋಪ್: ವೆಸ್ಟ್ ಇಂಡೀಸ್‌ನಲ್ಲಿ ODI ಸ್ವರೂಪದಲ್ಲಿ ಅತ್ಯುತ್ತಮ ಮತ್ತು ಸ್ಥಿರ ಆರಂಭಿಕ ಆಟಗಾರರಲ್ಲಿ ಒಬ್ಬರು. ಆದರೆ ಟಿ20ಯಲ್ಲಿ ಉತ್ತಮ ಪ್ರದರ್ಶನ ನೀಡಲಿಲ್ಲ. ಅವರು 19 T20I ಪಂದ್ಯಗಳಲ್ಲಿ 121.12 ಸ್ಟ್ರೈಕ್ ರೇಟ್‌ನಲ್ಲಿ 17.88 ಸರಾಸರಿಯಲ್ಲಿ ಕೇವಲ 304 ರನ್ ಗಳಿಸಿದ್ದಾರೆ. ಹೀಗಾಘಿ ಅವರು ಈ ಬಾರಿ ಹರಾಜಾಗುವುದು ಅನುಮಾನವಾಗಿದೆ.

ರಹಕೀಮ್ ಕಾರ್ನ್‌ವಾಲ್: ವೆಸ್ಟ್ ಇಂಡೀಸ್ ಆಟಗಾರರು ಐಪಿಎಲ್‌ ಜೊತೆ ಉತ್ತಮ ಸಂಪರ್ಕವನ್ನು ಹೊಂದಿದ್ದಾರೆ. ಅದೇ ರೀತಿ ವೆಸ್ಟ್ ಇಂಡೀಸ್ ಕ್ರಿಕೆಟಿಗ ರಾಕಿಮ್ ಕಾರ್ನ್‌ವಾಲ್ ವಿಶ್ವದಾದ್ಯಂತ ಟಿ20 ಲೀಗ್‌ಗಳಲ್ಲಿ ಕೆಲವು ನಿರ್ಣಾಯಕ ಇನ್ನಿಂಗ್ಸ್‌ಗಳನ್ನು ಆಡಿದ್ದಾರೆ. ಕಳೆದ ಋತುವಿನಲ್ಲಿ ಸಿಪಿಎಲ್‌ನಲ್ಲಿ 142.35 ಸ್ಟ್ರೈಕ್ ರೇಟ್‌ನೊಂದಿಗೆ 26.89 ಸರಾಸರಿಯಲ್ಲಿ 242 ರನ್ ಗಳಿಸಿದ್ದರು. ಟಿ20 ಇನ್ನಿಂಗ್ಸ್‌ನಲ್ಲಿ 200 ರನ್ ಗಳಿಸಿದ ಏಕೈಕ ಬ್ಯಾಟ್ಸ್‌ಮನ್ ಕೂಡ. ಆದರೆ ಫಿಟ್‌ನೆಸ್ ಕಾರಣಗಳು ಮತ್ತು ಅನುಭವದ ಕೊರತೆಯಿಂದಾಗಿ ಫ್ರಾಂಚೈಸಿಗಳು ಇವರನ್ನು ಖರೀದಿಸಲು ಮುಂದಾಗುವುದು ಅನುಮಾನವಾಗಿದೆ.