IPL 2023: ಪ್ರತಿ ಡಾಟ್​ ಬಾಲ್​ಗೆ 500 ಗಿಡ, ಹಾಗಿದ್ರೆ ಎಷ್ಟು ಸಾವಿರ ಸಸಿ ನೆಡಲಿದೆ ಬಿಸಿಸಿಐ?

ಜಾಗತಿಕ ತಾಪಮಾನದ ಸಮಸ್ಯೆಯನ್ನು ಗಮನದಲ್ಲಿ ಇಟ್ಟುಕೊಂಡು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ಐಪಿಎಲ್ 2023 ಗಾಗಿ ಒಂದು ವಿಶಿಷ್ಟ ಸಂಪ್ರದಾಯವನ್ನು ಅನುಸರಿಸಲು ಮುಂದಾಗಿದೆ.

ಇದರ ಬಾಗವಾಗಿ 2023 ರಲ್ಲಿ ಪ್ಲೇಆಫ್ ಪಂದ್ಯಗಳಲ್ಲಿ ಪ್ರತಿ ಡಾಟ್ ಬಾಲ್‌ಗೆ 500 ಮರಗಳನ್ನು ನೆಡಲು ಬಿಸಿಸಿಐ ನಿರ್ಧರಿಸಿದೆ. ಈ ಉಪಕ್ರಮವು ಭೂಮಿಯನ್ನು ಹಸಿರು, ಸ್ವಚ್ಛ ಮತ್ತು ಆರೋಗ್ಯಕರ ಗ್ರಹವನ್ನಾಗಿ ಮಾಡಲು ಸಹಾಯ ಮಾಡುತ್ತದೆ ಎಂದು ತಿಳಸಿದೆ.

ಮೇ 23 ರಂದು ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ಗುಜರಾತ್ ಟೈಟಾನ್ಸ್ ನಡುವಿನ ಕ್ವಾಲಿಫೈಯರ್ 1 ರಿಂದ ಎಣಿಕೆ ಪ್ರಾರಂಭವಾಗಿತ್ತು. ಇದಕ್ಕಾಗಿ ಸ್ಕೋರ್‌ ಕಾರ್ಡ್‌ನಲ್ಲಿರುವ ಪ್ರತಿಯೊಂದು ಡಾಟ್ ಬಾಲ್ ಸಾಂದರ್ಭಿಕವಾಗಿ ಟ್ರೀ ಎಮೋಜಿಯಾಗಿ ಬದಲಾಗುತ್ತಿತ್ತು.

ಎಮೋಜಿಗಳ ಹಿಂದಿನ ನಿಜವಾದ ಕಾರಣವು ಸಾರ್ವಜನಿಕವಾದ ನಂತರ, ಅಭಿಮಾನಿಗಳು BCCI ಮತ್ತು IPL ಉದ್ದೇಶದ ಬಗ್ಗೆ ಎಲ್ಲಡೆ ಉತ್ತಮ ಸ್ಪಂದನೆ ದೊರಕಿದ್ದು, ಮೆಚ್ಚುಗೆಗೆ ಪಾತ್ರವಾಗಿದೆ.

ಮೊದಲ ಪಂದ್ಯವಾದ ಚೆನ್ನೈ ಮತ್ತು ಗುಜರಾತ್ ಬೌಲರ್‌ಗಳು 84 ಡಾಟ್ ಬಾಲ್‌ಗಳನ್ನು ಎಸೆಯುವಲ್ಲಿ ಯಶಸ್ವಿಯಾದರು. ಬಳಿಕ ನಡೆದ ಲಕ್ನೋ ಮತ್ತು ಮುಂಬೈ ಇಂಡಿಯನ್ಸ್ ಪಂದ್ಯದಲ್ಲಿ 96 ಡಾಟ್ ಬಾಲ್‌ಗಳನ್ನು ಎಸೆದಿದ್ದಾರೆ.

ಈ ಮೂಲಕ 2 ಐಪಿಎಲ್ ಕ್ವಾಲಿಫೈಯರ್ ಪಂದ್ಯದ ಮೂಲಕ ಒಟ್ಟು 180 ಡಾಟ್ ಬಾಲ್ ಎಂದರೆ ಬಿಸಿಸಿಐ ಈ ಪ್ರಕಾರ 90 ಸಾವಿರಕ್ಕೂ ಹೆಚ್ಚಿನ ಗಿಡಗಳನ್ನು ನಡೆಬೇಕಿದೆ.

ಇನ್ನು, ಇಂದು ಕೊನೆಯ ಎಲಿಮಿನೇಟರ್​ 2 ಪಂದ್ಯ ನಡೆಯಲಿದೆ. ಈ ಪಂದ್ಯದಲ್ಲಿ ಎಷ್ಟು ಡಾಟ್​ ಬಾಲ್​ ಆಗುತ್ತದೆಯೋ ಅಷ್ಟು ಗಿಡಗಳನ್ನು ನೆಡಬೇಕಾಗುತ್ತದೆ. ಈ ಮೂಲಕ ಬಿಸಿಸಿಐ ಲಕ್ಷಕ್ಕೂ ಹೆಚ್ಚಿನ ಗಿಡಗಳನ್ನು ನೆಡುವ ಸಾಧ್ಯತೆ ಇದೆ.