IPL 2023 Auction: ಆರ್​ಸಿಬಿ ತಂಡಕ್ಕೆ ಎಂಟ್ರಿಕೊಟ್ಟ ಮೂವರು ಸ್ಟಾರ್​ ಪ್ಲೇಯರ್ಸ್​, ಆದ್ರೂ ಕನ್ನಡಿಗರನ್ನು ಮರೆತ್ರಾ RCB?

ಆರ್​ಸಿಬಿ ತಂಡದಲ್ಲಿರುವ ಆಟಗಾರರ ಸಂಖ್ಯೆ 21 ಕ್ಕೇ ಏರಿದೆ. ಅಲ್ಲದೇ ಈ ಬಾರಿ ಮತ್ತೊಮ್ಮೆ ಕನ್ನಡಿಗರನ್ನು ಕಡೆಗಣಿಸಿದ ಆರ್​ಸಿಬಿ ಮೂವರು ವಿದೇಶೀ ಆಟಗಾರರನ್ನು ಪ್ರಾಂಚೈಸಿ ಖರೀದಿಸಿದೆ.

ಈ ಬಾರಿ 24 ವರ್ಷದ ಯುವ ಆಟಗಾರ ವಿಲ್ ಜಾಕ್ಸ್ ಅವರನ್ನು ಆರ್​ಸಿಬಿ ತಂಡ ಬರೋಬ್ಬರಿ 3.20 ಕೋಟಿಗೆ ಖರೀದಿಸಿದೆ. ಇವರು 1.50 ಕೋಟಿ ಮೂಲ ಬೆಲೆ ಹೊಂದಿದ್ದರು. ಇಂಗ್ಲೆಂಡ್ ಪರ ಕೇವಲ 2 ಟಿ20 ಪಂದ್ಯವನ್ನು ಆಡಿದ್ದಾರೆ.

ಐಪಿಎಲ್ ಸೀಸನ್ 16 ಮಿನಿ ಹರಾಜಿನಲ್ಲಿ ಆರ್​ಸಿಬಿ ತಂಡ ಹಿಮಾಂಶು ಶರ್ಮಾ ಅವರನ್ನು ಖರೀದಿಸಿದೆ. ಇವರು 20 ಲಕ್ಷ ಮೂಲ ಬೆಲೆಯನ್ನು ಹೊಂದಿದ್ದರು. ಆದರೆ ಅವರಿಗೆ 1 ಕೋಟಿ 90 ಲಕ್ಷ ರೂ ಗೆ ಬಿಡ್​ ಮಾಡಿ ಖರೀದಿಸಿದೆ.

ಇನ್ನು, ಮೂರನೇ ಆಟಗಾರನಾಗಿ ರೇಸ್ಲೆ ಟೋಪ್ಲೆ ಅವರನ್ನು 1.90 ಕೋಟಿಗೆಖರೀದಿಸಿದೆ. ಈ ಮೂಲಕ ಮತ್ತೊಮ್ಮೆ ಆರ್​ಸಿಬಿ ತಂಡ ಕನ್ನಡಿಗರನ್ನು ಪಡೆಯುವಲ್ಲಿ ಹಿಂದೇಟು ಹಾಕಿದೆ.

RCB ತಂಡ: ಫಾಫ್ ಡುಪ್ಲೆಸಿಸ್ (ನಾಯಕ), ವಿರಾಟ್ ಕೊಹ್ಲಿ, ಸುಯಶ್ ಪ್ರಭುದೇಸಾಯಿ, ರಜತ್ ಪಾಟಿದಾರ್, ದಿನೇಶ್ ಕಾರ್ತಿಕ್, ಅನುಜ್ ರಾವತ್, ಫಿನ್ ಅಲೆನ್, ಗ್ಲೆನ್ ಮ್ಯಾಕ್ಸ್‌ವೆಲ್, ವನಿಂದು ಹಸರಂಗ, ಶಹಬಾಜ್ ಅಹ್ಮದ್, ಹರ್ಷಲ್ ಪಟೇಲ್, ಡೇವಿಡ್ ವಿಲ್ಲಿ, ಕರ್ಣ್ ಶರ್ಮಾ, ಮಹಿಪಾಲ್ ಲೋಮ್‌, ಮೊಹಮ್ಮದ್ ಸಿರಾಜ್, ಜೋಶ್ ಹ್ಯಾಝಲ್‌ವುಡ್, ಸಿದ್ಧಾರ್ಥ್ ಕೌಲ್, ಆಕಾಶ್ ದೀಪ್, ರೀಸ್ ಟೋಪ್ಲಿ, ಹಿಮಾಂಶು ಶರ್ಮಾ, ವಿಲ್ ಜಾಕ್ಸ್.

ಕೊಚ್ಚಿಯಲ್ಲಿ ನಡೆದ ಇಂಡಿಯನ್ ಪ್ರೀಮಿಯರ್ ಲೀಗ್ ಮಿನಿ ಹರಾಜು ದಾಖಲೆಗಳಲ್ಲಿ ದಾಖಲೆಗಳನ್ನು ನಿರ್ಮಿಸುತ್ತದೆ. ಹರಾಜಿಗೆ ಪ್ರವೇಶಿಸಿದ ಆಟಗಾರರು ಭಾರಿ ಬೆಲೆಯನ್ನು ಪಡೆಯುತ್ತಲೇ ಇದ್ದಾರೆ.

ಫ್ರಾಂಚೈಸಿಗಳು ಪ್ರಮುಖವಾಗಿ, ತಮ್ಮ ಬಳಿ ಉಳಿದಿರುವ (95 ಕೋಟಿ ರೂ. ನಿಗದಿಪಡಿಸಲಾಗಿತ್ತು) ಹಣಕ್ಕಿಂತ ಹೆಚ್ಚಿನ ಹಣವನ್ನು ಖರ್ಚು ಮಾಡುವಂತಿಲ್ಲ. ಆದರೆ ಲಭ್ಯವಿರುವ 75 ಶೇಕಡಾ ಹಣವನ್ನು ಮಾತ್ರ ಬಳಸಬಹುದಾಗಿದೆ.