IPL 2023 Auction: ಐಪಿಎಲ್​ನಲ್ಲಿ ಭಾರತೀಯರದ್ದೇ ಕಾರುಬಾರು ​​​, ಕೋಟಿ ಕೋಟಿ ಗಳಿಸೋದ್ರಲ್ಲಿ ಇವರುಗಳೇ ಟಾಪ್

IPL 2023 ಹರಾಜಿಗೆ ಕ್ಷಣಗಣನೆ ಆರಂಭವಾಗಿದೆ. ಪ್ರಸ್ತುತ ಟಿ20 ಲೀಗ್‌ನ ಹರಾಜು ಡಿಸೆಂಬರ್ 23 ಶುಕ್ರವಾರದಂದು ಕೊಚ್ಚಿಯಲ್ಲಿ ನಡೆಯಲಿದೆ. ಎಲ್ಲಾ 10 ತಂಡಗಳು ಕೆಲವೇ ಆಟಗಾರರ ಮೇಲೆ ಕಣ್ಣಿಟ್ಟಿವೆ. ಇದರಲ್ಲಿ ಬೆನ್ ಸ್ಟೋಕ್ಸ್‌ನಿಂದ ಸ್ಯಾಮ್ ಕರೆನ್ ವರೆಗೆ ಸೇರಿದ್ದಾರೆ.

ಹರಾಜಿನಲ್ಲಿ ಒಟ್ಟು 405 ಆಟಗಾರರು ಭಾಗವಹಿಸುತ್ತಿದ್ದಾರೆ. ಇದರಲ್ಲಿ 273 ಭಾರತೀಯರಿದ್ದಾರೆ. ಈ ಆಟಗಾರರಿಗೆ ಒಟ್ಟು 207 ಕೋಟಿ ರೂ. ಹರಿಯಲಿದೆ. ಸನ್‌ರೈಸರ್ಸ್ ಹೈದರಾಬಾದ್ 42.25 ಕೋಟಿ ರೂ. ಹಣವನ್ನು ಉಳಿಸಿಕೊಂಡಿದೆ.

ಐಪಿಎಲ್ 2008ರಲ್ಲಿ ಆರಂಭವಾಯಿತು. ಅಂದಿನಿಂದ ಎಲ್ಲಾ ದೊಡ್ಡ ದೇಶಗಳು ತಮ್ಮ ತಮ್ಮ T20 ಲೀಗ್‌ಗಳನ್ನು ಆಯೋಜಿಸುತ್ತಿವೆ. ಐಪಿಎಲ್ ಬಗ್ಗೆ ಮಾತನಾಡುತ್ತಾ, ಇಲ್ಲಿಯವರೆಗೆ 400 ಕ್ಕೂ ಹೆಚ್ಚು ಆಟಗಾರರು ಕೋಟ್ಯಂತರ ರೂಪಾಯಿಗಳನ್ನು ಸಂಬಳವಾಗಿ ಗಳಿಸಿದ್ದಾರೆ. ಅಂದರೆ ಅವರಿಗೆ ಕನಿಷ್ಠ ಒಂದು ಕೋಟಿ ಮೊತ್ತ ಸಿಕ್ಕಿದೆ. ಹಲವರು 100 ಕೋಟಿ ರೂ.ಗೂ ಅಧಿಕ ಆದಾಯ ಗಳಿಸಿದ್ದಾರೆ. ಕಳೆದ ಋತುವಿನ ಹರಾಜಿನಲ್ಲಿ ಇಶಾನ್ ಗರಿಷ್ಠ 15.25 ಕೋಟಿ ರೂ. ಪಡೆದಿದ್ದರು.

ಐಪಿಎಲ್‌ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆಯುವ ಟಾಪ್-10 ಆಟಗಾರರ ಬಗ್ಗೆ ಮಾತನಾಡುತ್ತಾ, ಸಿಎಸ್‌ಕೆ ನಾಯಕ ಎಂಎಸ್ ಧೋನಿ ಅಗ್ರಸ್ಥಾನದಲ್ಲಿದ್ದಾರೆ. ಅವರು 2022 ರವರೆಗಿನ ಸಂಬಳದಿಂದ 165 ಕೋಟಿ ಗಳಿಸಿದ್ದರು. ಇದುವರೆಗೆ 6 ಆಟಗಾರರು 100 ಕೋಟಿ ರೂ.ಗೂ ಹೆಚ್ಚು ಗಳಿಸಿದ್ದಾರೆ. ಕಳೆದ ಋತುವಿನಲ್ಲಿ ಧೋನಿ ಅವರನ್ನು ಚೆನ್ನೈ ಸೂಪರ್ ಕಿಂಗ್ಸ್ 12 ಕೋಟಿ ರೂ.ಗೆ ಉಳಿಸಿಕೊಂಡಿತ್ತು. ಅವರು ತಂಡವನ್ನು 4 ಬಾರಿ ಚಾಂಪಿಯನ್ ಮಾಡಿದ್ದಾರೆ.

ಮುಂಬೈ ಇಂಡಿಯನ್ಸ್ ತಂಡದ ನಾಯಕ ರೋಹಿತ್ ಶರ್ಮಾ ಸಂಭಾವನೆಯಲ್ಲಿ ಎರಡನೇ ಸ್ಥಾನದಲ್ಲಿದ್ದಾರೆ. ಅವರು ಇಲ್ಲಿಯವರೆಗೆ ಸುಮಾರು ರೂ.163 ಗಳಿಸಿದ್ದಾರೆ. ಅಲ್ಲದೆ ಮುಂಬೈಯನ್ನು 5 ಬಾರಿ ಚಾಂಪಿಯನ್ ಮಾಡಿದ್ದಾರೆ. ಆದಾಗ್ಯೂ, 2022 ರಲ್ಲಿ ತಂಡದ ಪ್ರದರ್ಶನವು ಕಳಪೆಯಾಗಿತ್ತು. ರೋಹಿತ್ ಅವರನ್ನು ತಂಡ 16 ಕೋಟಿ ರೂ.ಗೆ ಉಳಿಸಿಕೊಂಡಿತ್ತು.

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮಾಜಿ ನಾಯಕ ಹಾಗೂ ಅನುಭವಿ ಬ್ಯಾಟ್ಸ್‌ಮನ್ ವಿರಾಟ್ ಕೊಹ್ಲಿ ಮೂರನೇ ಸ್ಥಾನದಲ್ಲಿದ್ದಾರೆ. ಅವರು ಇಲ್ಲಿಯವರೆಗೆ ಸುಮಾರು 158 ಕೋಟಿ ರೂಪಾಯಿಗಳನ್ನು ಸಂಬಳವಾಗಿ ಪಡೆದಿದ್ದಾರೆ. ನಾಯಕನಾಗಿ ಮತ್ತು ಆಟಗಾರನಾಗಿ ಟಿ20 ಲೀಗ್‌ನಲ್ಲಿ ಪ್ರಶಸ್ತಿ ಗೆಲ್ಲಲು ಕೊಹ್ಲಿಗೆ ಸಾಧ್ಯವಾಗಿಲ್ಲ. ಕಳೆದ ಋತುವಿನಲ್ಲಿ RCB ಅವರನ್ನು 15 ಕೋಟಿ ರೂ.ಗೆ ಉಳಿಸಿಕೊಂಡಿತ್ತು.

ಸುರೇಶ್ ರೈನಾ ಮತ್ತು ದಕ್ಷಿಣ ಆಫ್ರಿಕಾದ ಅನುಭವಿ ಬ್ಯಾಟ್ಸ್‌ಮನ್ ಎಬಿ ಡಿವಿಲಿಯರ್ಸ್ ಆಟಗಾರರಾಗಿ ಐಪಿಎಲ್ ವೃತ್ತಿಜೀವನ ಮುಗಿದಿದೆ. ಆದರೆ ಟಿ20ಯಲ್ಲಿ ಇಬ್ಬರೂ ಆಟಗಾರರು ಉತ್ತಮ ಪ್ರದರ್ಶನ ನೀಡಿದ್ದಾರೆ. ರೈನಾ 111 ಕೋಟಿ ಸಂಭಾವನೆ ಪಡೆದರೆ ಡಿವಿಲಿಯರ್ಸ್ 103 ಕೋಟಿ ರೂ. ವೆಸ್ಟ್ ಇಂಡೀಸ್ ಆಫ್ ಸ್ಪಿನ್ನರ್ ಸುನಿಲ್ ನರೈನ್ 101 ಕೋಟಿಗಳೊಂದಿಗೆ ಆರನೇ ಸ್ಥಾನದಲ್ಲಿದ್ದಾರೆ. ನರೈನ್ ಈಗಲೂ ಮಾಜಿ ಚಾಂಪಿಯನ್ ಕೋಲ್ಕತ್ತಾ ನೈಟ್ ರೈಡರ್ಸ್ ಪರ ಆಡುತ್ತಿದ್ದಾರೆ.

ಇದಲ್ಲದೆ, ಕೆಕೆಆರ್ ಮಾಜಿ ನಾಯಕ ಗೌತಮ್ ಗಂಭೀರ್ 95 ಕೋಟಿ, ಸಿಎಸ್‌ಕೆ ಆಲ್‌ರೌಂಡರ್ ರವೀಂದ್ರ ಜಡೇಜಾ 93 ಕೋಟಿ, ಯುವರಾಜ್ ಸಿಂಗ್ 85 ಕೋಟಿ ಮತ್ತು ದೆಹಲಿ ಕ್ಯಾಪಿಟಲ್ಸ್‌ನಿಂದ ಆಡುತ್ತಿರುವ ಶಿಖರ್ ಧವನ್ ಇದುವರೆಗೆ ಸಂಭಾವನೆಯಿಂದ ಸುಮಾರು 84 ಕೋಟಿ ಗಳಿಸಿದ್ದಾರೆ. ಆರ್‌ಸಿಬಿಯಿಂದ ಆಡುತ್ತಿರುವ ದಿನೇಶ್ ಕಾರ್ತಿಕ್ ಮತ್ತು ಮುಂಬೈ ಇಂಡಿಯನ್ಸ್‌ನ ಮಾಜಿ ಅನುಭವಿ ಕೀರಾನ್ ಪೊಲಾರ್ಡ್ ಕೂಡ 80 ಕೋಟಿ ರೂಪಾಯಿಗೂ ಹೆಚ್ಚು ಸಂಭಾವನೆ ಪಡೆದಿದ್ದಾರೆ. ಪ್ರಸಕ್ತ ಋತುವಿನಲ್ಲಿ ಪೊಲಾರ್ಡ್ ಮುಂಬೈನಲ್ಲಿ ಬ್ಯಾಟಿಂಗ್ ಕೋಚ್ ಆಗಿ ಕಾಣಿಸಿಕೊಳ್ಳಲಿದ್ದಾರೆ.